位於一番街樓上的Amu Plaza，博多站一出就到。用OpenRice訂座唔洗等，入埋promo code TRAVEL出席一次就有Rice dollar $30。餐廳環境好舒適，座位亦好寛闊，卡位坐6人都唔需要貼住坐。雖然有不少港人，但也有不少本地人在內，一枱接一枱好受歡迎。 壽喜燒和牛套餐分兩級，Special肉質細嫩滑，油花分佈平均，入口即溶。Premium grade 亦不差，已經算是香港少有的質素。兩級價錢只差1500yen，二人用可以兩級各叫一套。 套餐配的蔬菜好新鮮，款式亦好足夠。烏東吸收了和牛湯底的精華，超級好食！

其實之前去大阪出名食章魚燒都有食過，不過印象中冇呢一間咁好味囉，其實呢個旅程我哋前後食咗三次章魚燒第一次係喺街邊餐車買咗一份好明顯係冇咁好味，不過都總比香港嗰啲好 第二次同第三次都係喺呢間買返嚟㗎，一次係外賣返酒店食第二次就係食完飯飽到上心口之後都仲要去chur一盒（仲要係我哋好好彩買到係最last嗰盒） 質素都係差唔多咁好 外脆內軟 買返酒店食嗰次，我哋三個人食咗16粒（試咗佢隻新出口味，不過都係原味好食） 食完飯食嗰次都每人食咗一粒 大滿足

6月15至19去咗福岡旅行第一次同一啲新朋友嘅旅程，好特別嘅體會。 其中有一朝早book咗呢間餐廳食早餐，聽講話係其中一位團友好想去 西式嘅早餐，原來出名都係pancakes! 我哋每人嗌咗一份鹹食再加兩份pancake 我自己就買咗一份簡單嘅avocado egg sourdough +另外試咗佢一件Coconut bread (有啲似banana cake不過變咗個coconut) 似乎都係Banana好食啲 其實食完自己嗰份都已經好飽，再食多一件pancake真係頂到上心口 雖然都係好食嘅。 其他人仲誇張，叫咗份full Breakfast有蛋又腸又煙肉或者三文魚 似乎都真係幾出名，好多人排隊，仲要好多都係遊客。

優質嘅日式火鍋店 建議大家預早預約定先！ 呢間餐廳嘅環境、食物同服務都非常好 但係餐廳大部分嘅員工都只能夠用日文溝通。 餐廳規矩要留意 每一位客人都要叫一個set先可以🧐 Shabu-Shabu 有大約6款set 價錢由6500日元 - 13000日元左右 Sukiyaki 有大約5款set 價錢由 9000日元 - 14000日元左右 我地叫咗兩set Sukiyaki 落完order之後，店員會為大家上前菜（一碟三款嘅漬物）及冰水。 如果個set有其他前菜會隨後再上，再之後就會再上肉同埋配菜。 第一轉佢會幫大家轉埋上好碟俾客人食，之後就會再解釋點樣煮等客人自己處理之後嘅食物。 人均消費大約每人9000-12000日元

由布院ミルヒ ドーナツ&カフェ 是一間好出名的店舖 , 
榮獲8年連續有最高金賞 , W.P.A最優秀品質賞 Milch 半熟芝士蛋糕是人氣 NO.1 , 奪得了四年雙料世界甜品的冠軍
全部芝士蛋糕都是即製的  芝士蛋糕拿上手熱辣辣 , 表面是薄薄一層蛋糕質地 , 裏面是軟綿綿流心芝士 , 芝士味非常香濃 ,
口感與別不同 , 像棉花糖 , 而且甜度剛剛好 , 底層還有餅乾碎 , 份量適中 , 十分推介Milch 布丁 , Milch 布丁的包裝是用玻璃瓶的 , 用後可以拿走作留念 , 職員提示最好十五分鐘內品嚐 朱古力味布丁 , 超濃朱古力味

由布まぶし 心係一間即叫即燒釜飯人龍名店 
餐廳係以大分名物 - 萬古燒古法煮成釜飯
餐廳內可以食到當地最有名既頂級牛肉 - 豐後牛
餐廳提供三款套餐選擇, 包括豐後牛 , 地雞同鰻魚 每個套餐都會提供季節前菜及麵豉湯 豐後牛釜飯三吃 第一種食法 , 直接食 , 品嚐一下原味
第二種食法 , 加入柚子胡椒 , 山葵同醃漬物一齊食 , 完全係另一種感覺
第三種食法 , 加入餐廳自家製既高湯變成湯泡飯
面層既牛肉睇起黎係半生熟 , 牛肉呈現點粉紅同嫩紅色
烤過既牛肉好嫩好香
牛肉較薄切 , 入口牛肉味好重好軟熟好滑
牛肉既油分滲入飯裡 , 所以每啖都食到和牛油香, 好惹味 地雞除左有炭燒味, 仲有黑胡椒味 ,  除左雞肉仲有雞既內臟
雞肉好彈牙 , 將肉汁鎖緊
第二食可加雞既醬汁 , 醬汁有點似壽喜燒汁 , 好配合炭燒過既雞 鰻魚超香炭燒味, 鰻魚汁多到可以包住每粒飯粒 , 但味道唔太重

因為有好多唔同既食法, 每種食法都有唔同分別, 所以釜飯感覺好多層好豐富

博多華味鳥係博多著名的水炊鍋料理
每枱食客都會有獨立既廂房 , 每枱會有一位專屬既服務員
餐點主要是以套餐的形式 , 每人都要點一種套餐 餐前小菜, 雖然唔知道係咩, 但每一樣都好好味 套餐入邊有生雞肉, 第一次食生雞肉, 生雞肉食起來似燻雞既味道 , 食之前都有啲驚, 但無諗到原來係咁好味 , 值得一試 水炊鍋部分, 服務員會幫我地處理 ,
首先服務員會俾我地試飲一杯仔湯 , 每杯仔湯都會先加蔥同鹽
湯好鮮甜 , 如果味道唔夠可以自己再加鹽
跟住就會俾我地試食雞肉 , 碗內會加特別既醬汁 ,
食起黎酸酸地, 好清爽
雞肉好滑 , 加上醬汁非常好食 跟住服務員會落雞肉滑 , 仲有雞心 , 雞肝等內臟
雞肉滑超嫩
蔬菜就係按自己既喜好黎加 服務員見我地食完之後, 就會加啲白飯和雞蛋落去煮成雜炊 最後甜品送上雞蛋布丁 , 蛋味香滑 , 焦糖味甜度適中

食咗一餐可以話喺福岡最靚最特別嘅燒牛晚餐，無論色、香、味俱全，餐廳嘅環境，特別嘅Menu，特色嘅燒爐，所有野都令我好滿意😃 餐廳位置比較偏僻，去到門口要估估下先入去，因為好隱蔽，入到去就見到喺餐廳中央有一個用柴火嘅燒爐，好有Feel😚，安排入座之後，比咗一個日文Menu，立刻用Google translate 睇吓有咩食，之後侍應比咗個QR code我，原來有英文Menu，叫咗5-6樣野之後，待應攞咗一個非常特別嘅Menu出嚟，我呆咗😳，攞咗個大寶箱出嚟，我心諗唔使咁大個箱，待應一打開，原來係放咗真肉喺𥚃面俾客人揀，真意外😂 每様食品嘅擺設、味道、誠意，我都俾滿分 叫咗兩杯白酒作一個好開始🥂餐廳就送咗一碟伴酒小菜 - 牛蒡乾 第一道菜 - 用炸魚皮喺底，上面放咗生牛肉，牛肉上面放咗海膽，外貌似一件壽司，真係好靚，但最特別係件壽司係放咗喺件牛骨上面，一個字：型 第二道菜 - 熟成一年嘅Parma ham，味香同軟滑 第三道菜 - 油封牛舌沙律 - 菜好新鮮 第四道菜 - 木烤牛肉和時令蔬菜 第五道菜 - 松露薯仔沙律 主菜 - 黑毛和牛 - 用柴火燒到啱啱好，真係勁正 之後飯都特別過人 - 熟成牛肉配木炭烤飯，整法非常特別 食到呢個時候，已經好飽，但係都要試埋佢嘅甜品 先嚟一個 - 香草冰淇淋配佐木燻威士忌，正到🤤 再嚟一個 - 木烤草莓，牛奶冰淇淋+奶油乳酪 呢兩個甜品嚟埋，圓滿咗我今晚呢一餐非常意想不到滿心歡喜嘅晚餐 埋單諗住好貴，都係5百幾港紙一位 真係好想推介俾其他人去試一次 （*註：草食系人士不適合）

第一次到福岡，兒子替我們在IG 搜尋美食，提議我們到此店，因為知道我喜歡うに，看見圖片已非常吸引。故此，在出發前在網上預定，其實預訂有些困難，每星期有兩天閉店，又要配合自身旅程，幸運地預訂了 Early Dinner ，到店見到大部分食客都是本地人，今次嘗試了六項美食(太好味沙律及蛋飯忘記拍照), うにサーロイン丼(有些後悔沒有ancore)，希少部位4種盛り(太好味了 ancore左),特選厚牛舌，三式泡菜，梅酒及Highball

Loved the food here. We ordered most of the food on the seasonal menu, including the white toro which almost melted in your mouth. The sea urchin sushi was also great with more urchin than rice.The steamed egg was also filled with seafood inside. Who would have guessed potato salad can be presented so beautifully with a hidden egg inside. Sashimi and sushi was fresh yet we were too full or we would have ordered more.

上年第一次試華味鳥，職員服務態度非常友善及耐心介紹食物，店舖坐位寬躺舒適，客人一般質素也很高，不會大聲喧嘩。 食物方面亦非常高質，雞肉柔軟鮮味，細心品嘗，每道菜也是水準之上，已訂咗機票再去幫襯😋😋

大東園燒肉店是福岡的一家知名餐廳，店鋪位於福岡市中心，地理位置非常方便，毗鄰Canal City和櫛田神社，讓您可以在遊覽這些景點後輕鬆享受美食。我和另外三位朋友前往用晚餐，總共花費了18000日元。 在大東園燒肉店，我們品嚐了多種不同的肉類，其中Deluxe Sirloin是最令人印象深刻的一款。這種肉質鮮嫩多汁，滋味十分出色。搭配上一碗香噴噴的白飯，能夠很好地緩解口感上的膩感，讓人感到非常滿足。 大東園燒肉店的環境也非常舒適乾淨，是我在福岡所去過的燒肉店中最好的之一。這裡沒有令人困擾的油煙，座位寬敞舒適，讓您能夠盡情地享受用餐體驗。 我原本計劃在下午5點走進店裡用餐，但到達時已經客滿了。幸運的是，晚上8點還有空位，讓我們得以用餐。對於計劃前往的朋友，我建議提前預訂座位，以免錯過這個令人愉悅的用餐體驗。 總的來說，大東園燒肉店是一家值得推薦的餐廳。它不僅地理位置方便，美味的食物和舒適的環境也讓人難以忘懷。一個旅程雖然只可以選幾間餐廳嚐試，這裡都是一個絕佳的選擇。

西新初喜 本店 (福岡市西区・早良区) 福岡市西区・早良区福岡市早良区西新5-6-30 初喜ビル 2F 我用OpenRice book位嘅， 所以就可以避免同當地人打電話溝通 好鍾意佢門口設計 好有風味 一入到去就要除鞋 之後員工就會帶你入去一間房 充滿期待 因為真係好鍾意食壽喜燒 佢嘅Menu都好細心，會教你點樣食壽喜燒 叫咗一個set （佢話係最靚嘅牛）所以就揀咗佢 牛終於嚟到， 個肉真係好靚， 肉同脂肪分布均勻 第一時間就將肉涮一涮 我通常第一啖鍾意食原味 佢嘅肉汁好香， 一啲都唔肥膩 肉質係舌上係有啲感覺 當加埋蛋再食一啖 好滑溜， 好快就sir咗入喉嚨 都講一講壽喜燒嘅汁 佢比起其他店 個甜味 係適中，唔會偏甜 其他配菜 都沾滿壽喜燒嘅汁 差啲唔記得咗講 小菜個一店 都好野味 份量其實都夠飽 再加上一個柚子 雪葩 好fresh, 偏甜 可以清一清油膩 Ps 俾四粒星 只係因為我個標準好高

我係用OpenRice book位嘅， 超方便，唔使用電話同當地人溝通 撳幾個掣就完成， 所以我去到都唔使等位 本身佢有套餐，或者散叫 原本諗住叫套餐， 但係感覺上好似會好飽 最後散叫 最後都叫左牛雞豬 黑豚一口 燒 1300yan 豬嘅醬汁，我覺得偏鹹 (所以對我嚟講，扣咗好多分） 如果送酒/配飯的話，應該會一流 肉質嫩滑，豚肉味好香 雞. 燒 800yan 食第一啖 有啲感覺返咗香港😂 香港有啲餐廳都會有呢一種味道 有啲似豉油煎香嘅味道, 但係唔同嘅係，呢度嘅雞好有肉汁，同埋嫩滑 特上 三牛100g 2600yan 好好食 煎出嚟嗰陣已經好香 夾住蒜片，帶出牛嘅香味 亦都有好多肉汁 包住 軟硬適中

#20240323 ✈️ 📍 無添くら寿司 光の森店 @kurasushi.jp 熊本県菊池郡菊陽町光の森2-28-1 ➖➖➖➖➖➖➖➖➖➖➖➖➖➖➖➖➖ #極上かに玉手箱 ¥990 #贅沢かに二種盛り ¥345 💭 呢段時間係呢間野既蟹肉祭，極級推介食個玉手箱，雖然啲蟹腳係雪藏既，但1000yen唔使就有咁多條食都依然係勁抵食🤩另外果款係一個蟹腳一個蟹肉，其實係用一樣既料，差在點擺盤同數量，比較起尼都係玉手箱抵啲🦀 . #たまご焼き #ねぎまぐろ #大切りサーモン #ビントロ #あなこ ¥115 #大盛り貝柱にぎり #ハンバーグ ¥115 #つぶ貝 #ほたてにぎり一貫 ¥165 #真たこ #かにユッケ ¥180 #あわびにぎり ¥230 #漬けり特上鮪赤身 ¥250 💭 壽司真係太多不能盡錄，🐷夜晚去到既時候已經有啲野食賣晒，每次見佢update資料就知又有野無喇😔壽司質素其實算普通，不過勝在夠平，大部份都200yen搞得掂🍣不過佢條運輸帶實在太快，叫果啲散收收既壽司尼到好多時都跌到成隻碟都係😅 . #浜田チャーハン ¥450 #魚介醤油らーめん ¥490 💭 食迴轉壽司有炒飯食已經少見，仲要圍返起港紙30蚊都唔使，似係用壽司啲醋飯去炒所以帶啲酸味，無咩料但落左胡椒幾惹味，share食過下口癮唔錯，一個人自己食晒可能就有啲dry🍚拉麵都係一細碗左右既份量，可以試下又唔驚飽晒都幾好🍜 . #えびブロッコリー ¥200 #あさり入り味噌汁 ¥240 #伝説の鶏唐揚げ ¥400 #特製茶碗蒸し ¥225 #かにクリームコロッケ ¥180 💭 熟食有唔少選擇，茶碗蒸略嫌太多水比較削，而且料都唔算多，🐷咁鐘意食茶碗蒸都係食左一個就放棄再叫😣炸雞keep到juicy無失望🍗其他就正常，無咩特別😚 . #せとかゼリー ¥280 #チーズケーキ #チョコケーキ ¥150 💭 呢度甜品同樣多選擇，個橙味jelly好似用果粒橙整咁好好味😋呢間野最好玩既地方就係可以食夠5碟就抽一次獎，唔夠碟用甜品湊下數都容易，🐷果枱都有成功抽到，而且每食夠2500yen都有小禮物送🎁今期有chiikawa，食前記得make sure個抽獎mode on🤪 . #熊本美食 #🐷衝出香港 #🐷在熊本 #🐷_食