Foodastics's Profile

自由之丘應該係比較遊客少嘅地方，我哋就搵咗日去行街，好有歐洲漫遊嘅感覺，建築物都好靚。當晚我哋就喺附近睇吓有咩好食，發現5點幾就有好多ʟᴏᴄᴀʟ排依間鰻魚店，我哋當然又係跟住排啦！.（🌟為推薦菜式）浦燒鰻魚丼 1500ʏᴇɴ🌟白燒鰻魚丼 1400ʏᴇɴ.我哋分別叫咗浦燒同白燒鰻魚丼，相比之下浦燒鰻魚丼嘅味道就不過不失，醬汁唔會過鹹，但👩🏻隱約食到少許腥味，重口味嘅👩🏻反而認為用鹽燒嘅白燒鰻魚丼更加好味，鰻魚燒到外脆內軟，保留咗鰻魚原本嘅清香鮮甜。.鰻魚肝除咗鰻魚丼，好多人嚟到都係單點一串串嘅鰻魚串燒嚟佐酒🍻，我哋除咗叫鰻魚串，仲叫咗鰻魚肝試吓。鰻魚肝同樣用咗浦燒醬汁嚟燒，無腥味，口感其實有啲似雞肝，唔錯。…Read More

人形町今半應該喺好多香港人嘅必食餐廳ʟɪsᴛ入面，建議大家喺ᴛᴀʙʟᴇᴄʜᴇᴄᴋ早一、兩個月ʙᴏᴏᴋ枱，咁就省卻好多等待時間，一去到餐廳就可以即時入座啦！🍽️.（🌟為推薦菜式）🌟sᴜᴋɪʏᴀᴋɪ sᴇᴛ ᴍᴇᴀʟ (ǫᴜᴀʟɪᴛʏ) (5610円 稅抜）（前）sᴜᴋɪʏᴀᴋɪ sᴇᴛ ᴍᴇᴀʟ (sʜᴏᴜʟᴅᴇʀ ʟᴏɪɴ） (6820円 稅抜）（後）嚟得人形町今半就一定係食壽喜燒啦！我哋一份就揀咗sᴛᴀɴᴅᴀʀᴅ，另一份就揀咗貴少少嘅sʜᴏᴜʟᴅᴇʀ ʟᴏɪɴ，其實表面睇落就無咩分別，都係問店員先知道邊份打邊份😂，和牛入口即融，喺口腔中融化，好有幸福嘅感覺🥹。不過我哋一致認同平啲嗰份和牛無咁滑嫩，有啲口感，反而更適合sᴜᴋɪʏᴀᴋɪ嘅煮法，大家識揀啦！.店員會負責煮晒全部嘢，除咗咁靚嘅雪花和牛之外，仲有一人一份蔬菜sᴇᴛ （圖片為二人份量）🥗，當中包括豆腐同時令蔬菜。.食晒枱上面所有嘢之後，店員就係問你要唔要滑蛋拌飯，聽聞依個都係人形町今半嘅重點之一。日本雞蛋🥚幾有蛋味就唔使多加解釋啦！撈埋蔥花、壽喜燒汁同日本椒鹽一齊食，好惹味！食完之後完全滿足晒！.最後以杏仁豆腐作結🍨。.俾個𝐭𝐢𝐩𝐬大家，晚餐嘅𝐬𝐮𝐤𝐢𝐲𝐚𝐤𝐢會包多啲嘢，例如魚生，但價錢就比較貴，如果想剩係想試吓關東風壽喜燒，可以學我哋咁揀𝐋𝐮𝐧𝐜𝐡時間嚟就可以啦！喺𝘁𝗮𝗯𝗹𝗲𝗰𝗵𝗲𝗰𝗸上面就可以揀日期時間，記得要提早一兩個月𝗯𝗼𝗼𝗸呀！…Read More

上次3月喺東京食過燒鳥之後回咪無窮，我哋決定再下一城，去依間得到米芝蓮推薦嘅白金酉玉本館食更加刁鑽嘅燒鳥串燒🍢！.點解話佢哋係更加刁鑽呢？因為白金酉玉本館岀名食稀少部位嘅燒鳥串燒，砂肝、雞尾、提燈依啲全屬小兒科！我哋分別就點咗10串套餐（3058 円 稅抜） 同12串套餐(3938円 稅抜），再另外單點串燒。套餐入面嘅串燒屬於ᴏᴍᴀᴋᴀsᴇ形式，視乎當日雞肉嘅供應情況，所以就算再去都未必一模一樣。.（🌟為推薦菜式）.芥末雞胸唔知關唔關第一串事，我哋兩個都覺得火候差啲，雞胸無上次食嗰間武ちゃん嘅咁ᴊᴜɪᴄʏ。.雞腎好爽脆，唔錯。.雞尾上次發誓唔再食雞尾嘅我哋，又硬住頭皮食咗串，食落又無上次咁油膩，但我哋下次都係同師傅講唔食雞尾先🤣。.🌟醬油燒雞肝👩🏻好喜歡食醬油燒雞肝，醬汁甜甜嘅好開胃，雞肝滑溜溜，口感好正。.🌟提燈👩🏻特登預約嘅時候ʀᴇᴍᴀʀᴋ咗預留提燈，提燈其實係是雞嘅卵巢和未孵化的蛋。卵巢食落就無乜特別，重點在於兩粒蛋黃，放落口一咬就爆晒汁，有淡淡蛋黃味道，好有趣，嚟到日本食燒鳥必試！.🌟雞肋骨 (?)我哋唔太肯定依串係咩，入面有些少軟骨，所以我哋估係雞肋骨啲ғʀᴅ，只有12串套餐先有，所以我哋ᴇɴᴄᴏʀᴇ咗一次。.🌟雞肝鍾意食內臟嘅👩🏻都好鍾意食依個雞肝，口感似返平時我哋食開嗰啲。.🌟杏鮑菇燒得好香，好好味，但份量就少咗啲。.🌟三色蕃茄仔由未成熟晒，青色嘅蕃茄仔到紅色，最後橙色。味道由酸到甜，好有驚喜，都係12串套餐先有。.銀杏👩🏻都好鍾意食燒銀杏，但都係印象中嘅武ちゃん燒得比較香同煙韌。.🌟ᴏʏsᴛᴇʀ ᴍᴇᴀᴛ係雞腿同雞下背部之間嘅兩個凹槽中間，有啲似生蠔🦪，每隻雞只有兩塊！食落嫩滑又有雞肉味，好食！.燒雞翼雞翼sɪᴢᴇ比較細，食落有啲唔夠喉，同埋都係火候差啲，我哋都係認為中環嘅京都一串完勝。.🌟鵪鶉蛋以為佢只係平凡嘅鵪鶉蛋就錯啦！入面蛋黃竟然燒得半熟，仲流心，好正。.🌟蘆筍師傅切出最嫩嘅部位，完全無渣，好食。.🌟一品醬汁燒豆腐日本醬汁加埋鰹魚絲已經無得輸，日本豆腐豆味重，外脆內軟，好味。.總結，每人$𝟰𝟬𝟬依個價位嚟講，質素還好，唔算性價比高。雖然的確有好多稀少部位提供，但燒鳥串燒嘅火候就唔係好夠，反而其他配菜唔錯。如果大家想試平靚正、性價比高，又𝗹𝗼𝗰𝗮𝗹嘅燒鳥，我哋都係比較推薦銀座嘅武ちゃん。…Read More

👩🏻其中最期待嘅一餐！厚切牛舌粉粉嫩嫩，一睇就知道口感超軟嫩，外皮燒得好香脆，有炭火嘅香味，係我哋食過最好味嘅烤牛舌👅。.我哋叫嘅係最基本嘅牛舌套餐 (2900ʏᴇɴ)🌟，已包含蕃茄沙律、山藥泥、牛肉湯同咖哩牛肉飯，最令👩🏻驚豔嘅係餐盤上每款單品都好好食，特別係咖哩牛肉飯，咖哩帶點印度風味，微辣，仲有好多牛肉粒，好適合下飯！.既然嚟到 牛たんの檸檬🍋，我哋都無理由唔叫杯檸檬飲料🥤，檸檬飲料選擇都幾多，我哋就叫咗杯ᴅᴏᴜʙʟᴇ檸檬梳打，👩🏻覺得都真係幾酸下😵‍💫，大家唔飲得太酸，建議都係飲其他檸檬特飲😆。.👩🏻都幾有衝動想回訪依間牛たんの檸檬，因為佢個牛舌同咖哩飯真係太令人回味啦！如果大家想去，記得要喺ᴛᴀʙʟᴇᴄʜᴇᴄᴋ上面預約定，當日準時就可以落樓梯直入餐廳啦！如果唔係，就要嘥時間喺岀面排隊啦！.Follow us on Instagram - Foodastics…Read More

我哋一早就ᴘʟᴀɴ咗食炸豬排，本來亦諗住喺成藏同@ᴛᴏɴᴋᴀᴛsᴜ.ᴊᴘ之間揀一間，但成藏需要提早一兩個星期預先喺官網預約，仲未諗好邊日食炸豬排嘅我哋，就諗住去到日本🇯🇵先算，好好彩最後都ʙᴏᴏᴋ到@ᴛᴏɴᴋᴀᴛsᴜ.ᴊᴘ！.我哋當日就ʙᴏᴏᴋ咗晚餐嘅時間去食，舖頭細細哋，燈光明亮，睇落都幾舒適同高級。喺餐廳岀面等嘅時候，店員就已經拎咗英文ᴍᴇɴᴜ俾我哋先落單，減少等候嘅時間，ᴍᴇɴᴜ上有紅色豬仔頭嘅就係當日提供到嘅新鮮豬扒，後面亦有唔少版面介紹唔同產地嘅豬隻。.用餐之前，客人可以一直望住廚師點樣料理眼前嘅豬扒，由上粉漿到炸豬扒嘅流程都可以睇晒，好有ᴏᴍᴀᴋᴀsᴇ嘅感覺。.ᴘᴏʀᴋ ʟᴏɪɴ ᴛᴏɴᴋᴀᴛsᴜ ᴍᴇᴀʟ 180ɢ ¥3490 (¥2190-¥5490ʏᴇɴ，視乎當日豬隻供應）👩🏻就揀咗來自北海道嘅厚切豬里脊🥩肉，每塊豬扒嘅食　肉質呈粉紅色，食落外皮酥脆，塊塊都爆晒肉汁，好有豬味。不過就略嫌豬里脊肉側有嚿肥膏，食落嘅口感較明顯煙韌，難𡁻少少，但一齊放落口，整體口感就會好ʙᴀʟᴀɴᴄᴇ。.ʀɪʙ ᴇʏᴇ ᴛᴏɴᴋᴀᴛsᴜ ᴍᴇᴀʟ 230ɢ ¥6990（¥2690-¥6990，視乎當日豬隻供應）👨🏽本來想揀黑毛豬定食，但當日好快就賣晒，所以如果想有多啲選擇，ʙᴏᴏᴋ早啲嘅時間可能比較好。最後👨🏽就揀咗最貴嘅茨城縣豬扒。最貴嘅豬肉眼扒果然名不虛傳，先前👩🏻嗰款都已經好有肉味，但依款肉眼扒嘅豬肉味仲更加濃，口感同樣外脆內軟，啖啖爆汁，廚師仲俾咗特別嘅鹽片👨🏽去帶出豬肉嘅鮮味。雖然肉眼睇落有幾層唔同嘅肉同肥膏，但反而肥肉部分無豬里脊肉咁明顯。.總結一下，👨🏽就覺得依餐係我哋今次東京之旅最有驚喜同最好味嘅一餐，估唔到日本🇯🇵嘅炸豬扒真係好食成咁，豬有豬味🤣，唔會好似香港嘅豬扒咁有雪味，吉列皮輕身得嚟又脆薄，配埋甜甜嘅日本椰菜同白飯已經好滿足😍。…Read More

Foodastics第一個外地食評🍽 唔知大家疫情後第一次外遊去咩地方呢？我哋就選擇咗去日本東京🇯🇵 ！.我哋第一日就搭凌晨機到東京羽田機場，大概清早6:00抵達豐洲市場，諗住排到豐洲市場最出名嘅壽司大啦，但當日星期六，原來6:00到都唔夠早，去到已經派晒飛啦！我哋即刻衝去大和壽司🍣，都係出名食omakase嘅！.（🌟為推薦菜式）.Omakase (7貫握壽司、鐵火卷、玉子燒）¥5500.🌟赤身 - 第一件已經令我哋驚豔，一放入口鮮味已經衝晒出嚟，雖然唔會話係入口即融，但都足以令我哋回味無窮。.🌟魷魚 - 喺香港唔會食到嘅味道，唔會乾爭爭或者難𡁻，以前唔會用肥美嚟形容魷魚🦑，但依件真係可以話係肥美！.🌟牡丹蝦 - 兩個字形容到！ 新鮮！絕對無腥味！.🌟海膽 - 都係新鮮！雖然細細嚿壽司，但啲海膽鮮味喺口入面𠺘吓𠺘吓，好正！.🌟中拖羅 - 同啱先食嗰嚿吞拿魚有分別，中拖羅更加肥美🤤.油甘魚 - 我哋本身都麻麻哋白身魚刺身，但味道幾好嘅！.🌟小卷 (吞拿魚蓉、三文魚子mix魷魚) - 全部都好味，👩🏻就最鍾意三文魚子mix魷魚，魷魚煙煙韌韌，配埋爆汁嘅三文魚子，勁正！.玉子燒 - 本來食咗六貫，👩🏻都唔係太飽肚，食埋依個玉子卷就差唔多啦！.星鰻 - 第七貫，相比起之前嘅魚生，星鰻就無咁特別。亦都係👩🏻嘅最後一件壽司🍣啦！.👨🏽‍🦱又點會係依個時候停止餵食佢自己嘅胃呢？ 佢就加咗兩貫壽司俾自己。.🌟帶子 - 👨🏽‍🦱一直見到前面嘅帶子就好想食，我哋懷疑依個係餐廳嘅策略，放喺面前嗰啲都唔會喺omakase入面🤣，於是👨🏽‍🦱就加咗帶子，帶子好鮮甜，啖啖肉。.🌟赤貝 - 喺香港好難搵到咁大塊嘅赤貝，開晒花咁好靚，食落爽口彈牙👍🏻。.整體體驗都唔錯，我哋當日都排咗兩個鐘左右。可能多遊客嚟豐洲市場，師傅都識以上魚生嘅中文，每次上壽司嘅時候都逐件話俾我哋聽依件係啲咩🤭。除咗遊客，其實都有好多日本人嚟排隊㗎。喺日本嚟講，都算係又平又新鮮嘅壽司，性價比高。…Read More

去得鐮倉當然要去睇海🌊啦！我哋就隨心搵咗間有露台，可以ᴄʜɪʟʟ ᴄʜɪʟʟ哋，望住湘南海岸嘅ᴄᴀғᴇ食ʟᴜɴᴄʜ。.sᴘᴇᴄɪᴀʟ ᴀ sᴇᴛ (ᴄʟᴀssɪᴄ ʙᴜʀɢᴇʀ, ɢʀᴇᴇɴ sᴀʟᴀᴅ, ᴅʀɪɴᴋ) 2500円👨🏽就叫咗份ʙᴜʀɢᴇʀ sᴇᴛ試吓，但個ʙᴜʀɢᴇʀ🍔賣相睇落已經唔討好，麵包皮睇落皺蚊蚊，漢堡扒又扁又乾，乾到難以下嚥😵‍💫。伴菜嘅焗薯角不過不失，但自選嘅ɢʀᴇᴇɴ sᴀʟᴀᴅ醬汁好鹹，一啲都唔清新….🌟ᴍᴏᴜɴᴛ ғᴜᴊɪ ᴄʀᴇᴀᴍ sᴏᴅᴀ +300円餐飲我哋就叫咗依杯好可愛嘅富士山特飲🗻，上面有一大球雪糕，所以要打卡就要快手啦！中間就有一層ᴄʀᴇᴀᴍ，撈埋下面粉藍色🩵嘅sᴏᴅᴀ一齊飲就無咁邪惡😈。.ᴡɪɴᴅᴇʀᴀ ɴᴀᴄʜᴏ (s) 800円另外就叫咗一盤細ɴᴀᴄʜᴏ慢慢嘆，ᴛᴏᴘᴘɪɴɢ有蕃茄碎🍅、牛肉果蓉🥑同肉醬，味道唔錯。.ᴏᴄᴛᴏᴘᴜs ᴄᴀʀᴘᴀᴄᴄɪᴏ 1480円生八爪魚刺身🐙煙煙韌韌，配埋餐廳嘅芝麻生蒜醬都幾夾。.雖然喺ᴡɪɴᴅᴇʀᴀ ᴄᴀғᴇ影咗唔少靚靚相，但都阻止唔到我哋評為今次東京ᴛʀɪᴘ食過最差嘅餐廳😵‍💫… 漢堡扒嘅味道難食到有啲難以置信，估唔到日本都有難食嘅嘢。只想打卡，唔介意食物質素的朋友也可一嘗。入餐廳前有位男侍應亦唔算好有禮貌，明明餐廳有位，但要我哋喺岀面呆等，好彩有其他同事見到先帶我哋入座😕。.總結，ᴛᴀʙᴇʟᴏɢ的評分是可信的！…Read More

👨🏽極力推薦嘅一餐，係位於銀座嘅燒鳥店—— 武ちゃん。我哋都係上日本網tabelog見到評分3.54，連ig都好少外地人食過，就膽粗粗去等舖頭開門，16:30咗右未開門就已經有幾個日本人排緊隊，我哋即刻就唔執輸跟住排啦🤪。17:00就準時入到去，舖頭仔細細，但睇得出係家族經營生意，雖然佢哋未必識好多英文，但大廚、侍應個個都好親切🥰。幫襯依啲本地local去開嘅餐廳，最驚就雞同鴨講，好彩餐牌有英文，大家可以選擇8串燒鳥set(3500yen)或者5串燒鳥set (2500yen)，然後再單點想食嘅嘢。一場嚟到，就梗係試多啲串燒啦，我哋就揀咗8串燒鳥set🤤。.8串燒鳥set(3500yen) 一坐低，侍應就會奉上雞湯、沙律同蘿蔔泥，特別嘅係依度會俾雞湯，而唔係味增湯，唔知係咪燒鳥店都係咁嘅呢？👩🏻覺得個雞湯拉高咗依餐飯嘅期待值😚。.鹽燒雞肉丸子師傅採用最純粹嘅煮法，雞肉丸子只用鹽花調味，入面仲有啲雞軟骨，好有口感，中間仲有一粒鵪鶉蛋，好味😋。.鹽燒雞胸肉配wasabi雞胸肉唔會乾柴，好juicy，wasabi吊味。.雞心、雞肝配芝麻醬店員落單時有問過我哋食唔食內臟，如果選擇食就無得事後更改，我哋就梗係咩都要試吓啦！雞心，肝好juicy，質感有少少粉粉哋，但配埋醬汁，完全唔覺得奇怪，仲幾好食添！.味增鴨肉配紫蘇葉👩🏻超級推介🌟，鴨肉用味增醃製過後，再配上灑上表面嘅紫蘇葉，紫蘇葉嘅份量不多不少，而且師傅將紫蘇葉切成細絲，味道超有層次感，中間仲有京蔥，非常解膩，特別要提下依度嘅京蔥燒到爆晒汁，完全無青澀味，唔鍾意京蔥嘅👩🏻都食晒落肚啦🤰🏻。.鹽燒鴨腿肉依然係燒得好嫩滑，鴨肉大大嚿，好味。.雞皮之前喺中環京都一串食嘅雞皮係脆卜卜，我哋都好鍾意食，同埋印象深刻，以為依度嘅都一樣，但原來完全唔同！依度嘅雞皮串得密密麻麻，完全唔似雞皮，老實講，睇落就有啲油淋淋嘅感覺，雖然食落係有啲油膩，但係食落就煙煙韌韌，有爆汁嘅感覺，係一個好啱飲酒嘅下酒菜。👩🏻就覺得依度嘅燒雞皮好特別，不過👩🏻就怕肥，食完好有罪惡感🤣，雖然👩🏻比較喜歡京都一串嗰種好似薯片嘅燒雞皮，不過依個都好值得一試！.鹽燒手羽先依然都係燒得好juicy，好味。食到第七串，客人就會睇吓需唔需要加單，師傅仲會將當日嘅daily special貼喺身後嘅雪櫃上面，可惜我哋唔識日文，但好好彩隔離嘅日本客人主動用英文問我哋需唔加單，最後就幫我哋加咗鹽燒雞腿肉（唔記得影相）同雞尾🤣。.雞尾 ポンジリ我哋本身其實都唔知點咗啲咩，食落feel到有好多油脂爆出，有口感，唔係好食得慣😂，再查個日文後尾先知道係雞屁股🍑，唔怪得咁肥美啦！但一啲怪味都無，大家一場嚟到都可以試吓🤭。.銀杏 最後一串就係銀杏，即係我哋叫嘅白果。師傅會將銀杏燒到焦黑，再去除表面嘅衣。銀杏食落完全唔係平時腐竹白果糖水嗰種口感，而係煙煙韌韌，好有𡁻口，亦都為我哋依餐畫上完美嘅句號。.依餐係我哋兩個今年3月喺東京最滿意嘅一餐，武ちゃ唔係啲咩米芝蓮，但係係我哋今次東京之行入面最有人情味同最貼地嘅餐廳🥹。雖然言語不通，但每次食完向師傅豎起手指公，佢都會好靦腆咁講多謝，氛圍好輕鬆好開心。最後有少少遺憾嘅就係👩🏻一直好想試提燈，但唔識日文唔識叫😭，下次去食燒鳥一定要做好準備🥹，食過嘅朋友都可以留言話我哋咩味🥲。.Follow us on Instagram: Foodastics…Read More