動画
電話番号
03-3440-4629
紹介
南青山［よろにく］の流れをくむ［蕃 YORONIKU］。［よろにく］の代名詞［シルクロース］をはじめ、洗練された技で、美しくカットされたお肉は、まるで芸術品のよう。最高の瞬間を見極めながら、丁寧に焼き上げる。ユッケや、白センマイからなる［冷製盛り合せ］は、この店の実力を知るに相応しい鮮烈な一皿。ゲストの好奇心を斟酌する“絶妙なコース”に酔いしれながら、日本が誇る和牛の新たな魅力に開眼できるはずだ。
続けて読む
営業時間
17:00～24:00（L.O.23:00）
年末年始(12/31〜1/4)
上記は参考情報です。詳細はレストランでご確認ください。
每試一款牛，大家都同一時間尖叫，嘩！好味呀⋯⋯嘩！好香呀⋯⋯嘩！哈哈，好開心的晚餐 。Serve我地的，是一位超級靚女，真係好精神，見到都舒服 。佢每款牛都親自燒俾我哋食，又講解牛的部位，雖然有時聽唔明，但都好滿意 。掛住食，好多相片唔記得影，激死我 。我覺得唔使諗，這間必試 。一分錢一分貨，絕對值回票價 。
続けて読む
呢間燒肉店Yoroniku蕃位於距離惠比壽車站僅有2分鐘步行路程，它喺日本食評網站Tabelog上係排名第一嘅燒肉店。另一個特別之處在於所有的員工不論男女都好靚，非常懷疑係揀過先請，好幾個女仔靚到好似日劇女星/雜誌model咁！我地點左售價為13,900日元的限定松露套餐，包括夏多布里昂牛扒同松露。肉的品質非常出色，即使是脂肪部位也不油膩，肉質細嫩。牛肉他他嫩滑搭配酥脆的法國麵包非常合適。基本上每一道菜也很美味，而我最鍾意稀有部位夏多布里昂牛扒同埋和牛壽喜燒配松露，非常矜貴，味道亦好驚艷。因為男友生日，店家送上了有小型煙花嘅抹茶刨冰，味道不錯。總括而言對我整個用餐體驗都非常滿意，而且肯定飽。不過因為之前我食過SATO Buriand覺得超級好食，所以食之前對於排名第一嘅蕃抱有很高期望。但今次我有少少失望，因為店員很少換烤網，亦冇用牛脂抹過烤網，導致有不少次整爛舊肉。儘管服務和整體食物質量都很出色，但烤肉技巧方面仍有一些需要改善嘅地方，希望下次再來可以有更好的用餐體驗。
続けて読む
表哥女朋友多年前已推介東京惠比壽燒肉神店「蕃 YORONIKU」，其中一個條款係顧客必需年滿十七歲，咁咪即係兒童不宜？！好在肥肥家族全部都係成年人，今年四月終於有緣一試！燒肉店只接受網上訂座，講真話難唔難、話易唔易，因為要用餐前一個月嘅一號朝早踏正十一點開始試圖登入，無錯係要試圖好多次先會登入到！人數、時段、同食乜最好諗掂哂，因為全枱人必需點選同一款套餐，六個人以上已經要分枱坐，即係七個人的話都要分開玩兩次，XO仔結果狂撳咗成十分鐘方才可完成搶位任務，訂下九位嘅限定Omakase晚餐「限定おまかせコース」（22,000円/位）。樓上餐廳大堂排出闊落嘅厚墊卡位，食客可存放隨身物於密封嘅櫈下，設計師當真懂得善用空間。細佬原本想影幾幅室內環境相，點知未開波已俾姐姐仔截停，告知為怕影響其他食客，除咗食物及同行嘅親友之外，餐廳係嚴禁客人四周拍照嘅。人家有道理時小肥當然係唔會強人所難啦，嘻嘻，唔影得相就不如飲多杯！每位席上擺有自用餐具、調味燒汁及檸檬角。由於食物早已預先點好，而且均由靚女姐姐於桌上燒煮，大家只需飯來張口，欣賞佢嘅廚藝表演。西餐有免費嘅餐前小食「amuse bouche」，原來日本料理都有類似嘅「お通し」（Otoushi），餐牌寫明550円/位，全牛宴亦正式以每人一小碗嘅「お通し」凍紫菜豆腐作序。前菜：日式燒肉店選以六款韓式涼拌菜及泡菜作為前菜，清爽惹味又醒胃，用黎送燒物可中和返啲油膩感，絕配也！冷製盛合せ：三色冷盤組合左起分別為爽脆香辣嘅牛柏葉絲、軟滑無比兼入口即溶嘅和牛菲力免翁刺身、及韓式生牛肉。當中韓式生牛肉要美女廚神做多少少功夫，首先喺爐上烘熱啲多士，撈勻生牛肉、生鵪鶉蛋黃同其他配料後再放上多士度。暖手嘅韓式生牛肉多士集香潤、軟滑、鬆脆於一身，實滋味無窮。鮮菜：轉入熱食前先以簡單清爽嘅鹽味沙律為味蕾潔淨一番。焼き物 塩1：燒肉第一部份嘅鹽燒菜式有兩款牛脷，第一件厚切牛脷並非平時見開嘅方磚形，而係好似中國殭屍伸出黎嗰條脷咁長到要捲起嗰隻。未煮前已閃出油光，燒熟後對摺成嘴唇般都幾過癮，咬落去爽脆彈牙得黎好潤滑，超！如相所示，第二件同樣為長身嘅牛脷就切到超薄，靚女喺烤爐上熟手地拖住咁焫幾焫即摺三摺，夾上碟後加幾條昆布絲即搞掂。超薄嘅昆布牛脷卷爽薄中帶著柔軟嘅絲質，昆布嘅咸香成功點睛提鮮，兩件牛脷屬極端嘅不同但絕對係食牛脷嘅新境界，個人極之享受！焼き物 たれ：接著嘅汁燒二重奏分別為「本日の赤身：肩三角（Kata Sankaku）」及「ツチノコ」（Tsuchinoko）。相中前方較為粉嫩嘅肩三角肉紅白色嘅葉紋線條優美，靚肉半溶於口腔，軟滑尤甚！上網查過，鮮紅有光澤嘅「ツチノコ」屬牛隻腰間某一細小面積嘅部位，點上秘汁，入口柔滑軟潤，肉香甜美！焼き物 塩2：第二部份嘅鹽燒菜式包括「本日の塩肉：Bottom Flap」及上等牛肚「上ミノ」（Jou Mino）。姐姐仔嘅時間管理控制得恰到好處，厚厚嘅牛扒早就喺爐邊慢慢燒，熟咗就喺黑色砧板上切開。外焦內紅嘅牛腹肉厚身得黎好鬆潤，肉味比之前嗰幾款明顯濃郁，肉汁豐沛，每人兩件剛剛好，唔會滯。第二件杏式嘅上等牛肚薄薄嘅一片勁爽脆，簡單唧上檸檬汁已夠清新，大肥爸爸喺冇聽書嘅情況下形容為「好似豬肚尖咁爽口」，仲問人地有冇得追加，依個牛肚尖絕對係極品啦！椀 握り：碗牛牛清湯真係好似水咁清，淡而無味，係成餐飯最弱嘅一環！以金箔點綴嘅魚籽醬和牛壽司攤平黎上，層次分明嘅賣相精美吸睛，閃亮有氣派！用手指捲起紫菜兩邊即可一野放入口，魚籽醬爆裂於和牛上，組口鮮濃芬芳。焼物 希少部位：稀少部位共有三項，頭兩款以拼盤呈上嘅分別為七打扒「シャトーブリアン」（Chateaubriand）及「シルクロース」（Silk Rousu），每片嘅紅白雲石紋理都咁鮮明。前者厚身少少嘅七打扒軟嫩潤甜，而且肉汁豐盈。後者雖然薄一半，食落肉質當真如絲般柔滑，由於其脂肪含量更豐腴，所以跟咗一口白飯去索解部份油脂分泌。第三款醋漬牛小腸「コブチャンポン酢」（Kobuchan Ponzu）未煮前呈奶白色，黐住件肥膏一燒起即變成小火球，油到嚇親啲老人家，嘻嘻，結果益小肥食多兩件。牛小腸一定要親熱食，腸邊位脆薄得黎有嚼勁，肥膏球則軟綿綿，伴配酸汁同蘿蔔蓉有助分解膩感。特選：壓軸嘅特選靚肉有二，分別為炸七打扒三文治「シャトーブリアンのロゼカツサンド」（Chateaubriand Rosé Katsu Sando）及松露壽喜燒座布團「ザブトンのすき焼きトリュフ添え」（Zabuton no Sukiyaki Toryufu Soe）。炸七打扒上枱時每件都預先切開咗一角，以展露出牛扒心呈玫瑰紅色，並好讓各人先品嚐未添加嘅第一口。七打扒嘅炸皮酥化香脆，牛扒厚肉得黎好鬆好軟熟，完全唔硬唔嚡。餐店選用麵包名店「Centre The Bakery」嘅白麵包，衛生起見，妹妹先帶上白色手套，烤烘麵包至金黃色後，於炸七打扒上塗搽秘醬，夾好再一開二，熟巧地炮製出和牛三文治。三文治底面兩層麵包鬆軟帶脆，炸牛扒餡心咬落爽彈無比，酸酸甜甜嘅秘醬為牛牛添上濕潤，半件嘅份量毫不溜滯剛剛好。真係冇諗過喺燒爐上可以用瓦煲煮壽喜燒！超薄嘅座布團於壽喜燒汁涮煮過後即放入秘醬中，喺面刨上黑松露後再攪勻鮮黃色嘅雞蛋黃就大功告成。滑嘟嘟嘅壽喜燒座布團芳香甜美，為求唔浪費啲壽喜燒精華，於小砵中撈入另上嘅一球白飯即混出洋溢著松露香嘅泡飯，實在可口！麵物 お食事：單尾一注冷素麵「阿波の手延べ素麺」夠哂清。甘味：甜品共有兩款刨冰「かき氷」，沙冰幼細得黎好蓬鬆，而且唔會過甜或者好溜，綠色嘅綠茶味另跟黑豆同煉奶，令口感更有層次。白色嘅煉奶味刨冰清新微甜，同樣輕盈易入口。樓上燒肉店「蕃 YORONIKU」環境簡潔樸實，座位闊落舒適，由專人於貴客面前烹調嘅全牛宴質高味佳，定價唔算太過份，被封為神店實不無道理，絕對值得去見識！唯一美中不足係顏值高嘅服務生態度未為最友善，網上訂座又帶點難度，頭輪要食五點也未免太早了，幾方面都有改善嘅空間。
続けて読む