一大早特地坐車由大阪去京都，當然要去錦市場覓食一番🤤雖然一大早但心裡好想食生的東西😝邊走邊看又邊食⋯終於見到令我眼睛發亮的刺身，這家店有各種不同的魚刺身、生蠔、白子（季節限定）、海膽⋯等等！ 店員老公公見到我是自己一個人還叫我進店食，叫我慢慢來⋯很有風味👍🏻

位於京都北山站，近地鐵在京都府立植物公園內的意大利食店，2019年京都馬拉松經過點，跑者們的支持者可作自己補給地點，作為支持者一份子我同女兒一同誤打誤撞，來到到此餐店吃午餐，餐廳以意式食品為主，裝潢舒適美觀，店外因是植物園，窗內外好像是滿是植物圍著，餐牌上食品不部份都是意大利麵及意式薄餅為主我點了特式雞蛋肉醬意大利麵及蕃茄芝士薄餅，薄餅是用磚爐即時焗制十分新鮮，食物十分好味，最後一杯咖啡少不了，價錢2740日元，低同正！

12月初嚟到呢一間手織壽司店，每一件壽司都好精緻，好有心思。全部都係熟食，對於唔食生野既旅客黎講，呢個壽司店好適合。 食既時候，沒有特定既次序， 每一個都可點唔同既醬。 環境好舒服，我地黎既時候，只有日本人食客，冇旅客。 好有地道日本餐廳既感覺。最緊要定位，因為都幾滿座下。 綠茶同一般餐廳既綠茶好唔同。 但對我黎講， 好新鮮既嘗試，有陣lung lung 地既味道。 整體來說， 係一個好適合午餐新嘗試既地方。好多旅遊書都有介紹。

離開京都嗰日，喺酒店辦妥好退房手續後，哥哥就帶隊去咗「JR京都伊勢丹」狂購多輪，並於商場入面間「天一」食埋餐天婦羅晏，午後先搭車去大阪。天婦羅專門店門外貼有午市及節令推介之餐牌，不過經酒店訂座時早已選定好套餐。九人被安排入座圍繞著師傅大舞台嘅吧位；除咗可以邊食邊欣賞師傅炸煮食物，食客更可以喺天婦羅最新鮮熱辣嘅狀態下進食，可謂最佳位置也。餐桌上擺有任用嘅紙巾、蘿蔔蓉及調味料。每位貴客亦可免費飲用烏龍茶一杯。午餐食炸野咁熱氣喎，XO仔當然係要先啤一啤佢啦！天ぷら「梅」（2,160円）：點好哂飲品後，姨姨隨即每人送上載著午市套餐所包咗嘅麻醬豆腐前菜、蘿蔔蓉豉油、青檸、鹽及一隻吉碗仔嘅托盤。盤中嘅豆腐前菜幼嫩柔滑，以麻醬點綴即倍添惹味醒神。銀髮老師傅迅即陸續為吧枱嘅客人炸煮各種天婦羅菜式。第一道出場有兩隻乾巧香脆，且彈牙爽口嘅天婦羅蝦。接著有厚潤芳香嘅靚菇拼爽脆嘅慈姑。青菜代表有味濃嘅青椒同清脆嘅蘆筍。最後黎多件一樣咁香脆美味嘅雜錦天婦羅蝦餅「かき揚げ」，連同白飯及麵豉湯食，腸胃確真滿足。天婦羅專門店「天一」環境企理衛生，服務生友善有禮，天婦羅菜式即叫即炸，於吧位進食更可確保新鮮熱辣，午市套餐質高味佳，平均三千多円一位絕對稱得上超值。

感覺係京都食到既抹茶雪糕係特別唔同😆🤤 好似特別濃同正宗，少少遺憾係仲未去到宇治，果度既雪糕會仲好食! 雖然去唔到宇治但係都要食雪糕，所以揀咗京都都算好岀名既茶寮都路里，高台寺分店🤤 抹茶軟雪糕好濃好滑，質地都好實在，加埋啲唔甜但好沙好大粒既紅豆蓉好正! 但真正驚喜既係3粒丸子，唔識點講呢個味道，係冇味得黎又好好食，煙煙韌韌😂 同埋香港食呢啲丸子真係呑唔落🤧 呢間雪糕店係京都黎講，好受當地同遊客歡迎~

間餐廳去京都一定要bookmark!!😍 必去啊 係香港一定食唔到咁高質既和牛🐮 雖然係燒烤 但係都會有刺身同埋壽司🍣 而且呢間食完都唔怕有油煙味 因為每張枱隔得好遠 而且啲外套會有人幫你掛起 唔怕吸味👍🏻 . 和牛生拌牛肉 ¥980 呢個真係要俾100分💯 日本生雞蛋🥚撈埋生牛肉食 好甜 好滑😍 生和牛肉質鮮甜嫩滑 食落口即溶🤩 日本雞蛋 蛋黃汁係甜㗎 2樣野撈埋 必食啊😍 連唔食剌身既朋友都可以試下 唔試走寶🤭 . 日式和牛壽司 ¥980 有3件壽司🍣 雖然價錢有少少貴 但食到咁嘅質素真係超值😋 有一件壽司係炙燒嘅 炙熱和牛啲油脂超香😛 另外兩件係生和牛 同樣好香 而且脂肪分佈平均 入口即溶😻 .日本和牛紅肉 ¥980 油係用牛嘅脂肪粒👍🏻原汁原味 呢個燒落去即刻着火🔥 我地燒5成熟 大概每邊30秒就perfect 完全唔硬 油質都被大火逼出嚟 所以入口即溶🤭👍🏻 . 厚切烤牛舌 ¥1150 牛舌👅放係烤爐燒到八九分熟 再加埋青蔥 同埋淋一啲檸檬汁 超香😋 不過我冇點醬都食得出鮮味 口感脆脆又嚼勁😆 . 壺狀醃漬側腹橫肌牛肉 ¥980 入面係牛側邊肚橫膈膜附近既肉🐮 呢條肉超長啊🤣 牛肉事先醃特製醬料 見到入邊有大蔥芽菜同埋梅 應該真係醃左好耐下😍 因為真係超級入味 除左鮮甜之外 仲醃到好滑💯🤤 燒既時候成條放落去 5成熟個陣就有鉸剪剪斷 再燒到八成熟就食得👅 . 雖然佢會有燒肉汁 但係咁高質嘅牛 我冇點過啲汁嚟食 因為想原汁原味食到和牛本身既味😎 加上和牛已經好鮮甜 唔點汁都超好食👍🏻💯 . 下次去京都要試埋個二人餐👻成個月光寶盒咁 超多和牛食🤩

~🎄Foodie time✈️ OSAKA大阪編| 期待已久嘅雪糕クレミアCREMIA x matcharepublic | #Persian食😋 x #persian遊✈️🌎 ~ · · 🎥交翻俾1號廠京都宇治嘅同事💁🏻‍♂️係嘅～唔該晒👦🏽響清水寺嘅報道💁🏻‍♀️🍵飲完野點可以唔食番杯雪糕🥰之前一路響香港都見過CREMIA嘅蹤跡🍦但係當然係隔離飯香啲~🌸😂 其實呢一隻雪糕好多地方都食到🍨但係山長水遠嚟到京都宇治梗係食特別版（貴過普通版¥200）雪糕本身冇其他未可以揀（Classic 牛奶味但係就會分咗幾隻唔同嘅Flavor別有原味 (¥500)、抹茶、焙茶 (¥580) 、同埋鴛鴦Mix🍁🍃 (¥630) . . 📷杯雪糕一到梗係即刻影餐飽📸📸📸同平時一般雪糕個紋”唔一樣，睇落都高貴啲✨✨✨～但因為係牛奶軟🍦嘅關係熔得好快 （再加上響室內） 🍦 佢最大既特點係用左❄️北海道鮮忌廉同高比例既牛奶脂肪🐮我叫咗嘅係鴛鴦味☯️灑滿抹茶&焙茶粉～你食之前已經聞到好香嘅牛奶味～一食落口抹茶同焙茶啱啱好中和左濃厚但係甜到一個點嘅🐮雪糕❄️❄️❄️❄️但係真係好滑（如果食唔到甜野嘅人絕對可以Skip) haha 響雪糕上面嘅七彩波其實係脆米波🍪🍪🍪個雪糕筒其實都係一大賣點佢係儂格酥英式餅乾，其實就係白之戀人塊餅，鬆化又有奶香，好襯🥰 Overall來講對於鍾意食甜野嘅人呢個雪糕絕對值得一試🍨✨ . 🍵 Store :抹茶共和國（Matcha Republic） Address ：京都府宇治市宇治妙樂26-2 Contact ：0774-21-2889 Opening Time：10:00～18:00 · 味道:🍵🍵🍵🍵🍵 價錢: 🍵🍵🍵🍃🍃 回頭: 🍵🍵🍵🍵🍃 #lifewelltravelled #japan #日本食 #宇治#綠茶 #matcharepublic #December #Iran #CREMIA #food #persian #bestjapanpics #igersjp #photo_jpn #art_of_japan_ #けしからん風景 #japan_of_insta #hk #daily_photo_jpn #日本 #instafood #hkig #Hongkong #Hkguy #Hk #matcha #green #christmas

~🎄Foodie time✈️ 甜點控必訪：京都宇治「 抹茶共和國 MR」，以墨水瓶包裝擄獲文青們嘅心 #Persian食😋 x #persian遊✈️🌎 ~ · · 🍫介紹咗咁多朱古力Desserts 但係點可以俾佢停！輪到清純代表抹茶🍵，就不能不提日本京都的宇治🌱，這裡不但盛產極品抹茶🍃，也誕生出許多知名的抹茶甜點咖啡廳☕️，而最近更有一款抹茶甜點，充滿趣味及💗美感的設計迅速在IG上傳開知名度，如果你也是極度的熱愛抹茶，相信一定會擄獲你的心。 ❤️ 佢哋最出名嘅就係「墨水抹茶」，將抹茶注入墨水瓶中，不只輕巧方便攜帶，🧸更洋溢滿滿的高級質感✨，喝完之後還可以放入乾燥花或是當做裝飾來收藏，吸引不少遊客前來造訪。❣️ · . 「墨水抹茶」共有三種口味，🍼加入牛奶的「抹茶拿鐵」，🍵純抹茶的「抹茶清水」，還有底部放入紅豆的🌿「抹茶善哉」，深為抹茶控的人是不是三種都想收藏呢？ 🎄仲有個透明靚靚膠袋☃️❄️❄️❄️❄️❄️🍡 . Store :抹茶共和國（Matcha Republic） Address ：京都府宇治市宇治妙樂26-2 Contact ：0774-21-2889 Opening Time：10:00～18:00 · 味道:🍵🍵🍵🍵🍵 價錢: 🍵🍵🍵🍃🍃 回頭: 🍵🍵🍵🍵🍃 #lifewelltravelled #japan #日本食 #宇治#綠茶 #matcharepublic #December #Iran #Mix #food #persian #bestjapanpics #igersjp #photo_jpn #art_of_japan_ #けしからん風景 #japan_of_insta #hk #daily_photo_jpn #日本 #instafood #hkig #Hongkong #Hkguy #Hk #match #green #christmas

~~🎄Foodie time✈️ 京都清水寺之八坂塔人氣ROCCA & FRIENDS TRUCK |必飲抹茶 LATTE #Persian食😋 x #persian遊✈️🌎 ~ · · 🎥鏡頭一轉同大家嚟到京都嘅清水寺～但係去寺廟之前梗係飲番杯嘢先🐽一早做好資料搜集因為呢間野個位置都有啲隱蔽佢係位於橫街窄巷，💧同外面八坂通各種懷舊氛圍的街景相當吾同而且外面嘅八坂通石板道上早已經迫滿遊客入咗嚟呢個位簡直好似去咗另一個空間😂 . . 🍵佢哋主要有咖啡茶飲為主，美式咖啡、手沖單品、拿鐵、摩卡、焦糖瑪其朵等等，價位來說還算是可以，300到600円之間，不過最受歡迎的🥤，一杯要1200円😮並不便宜簡直可以媲美之前響東京食嘅吉列牛（遲啲再同大家介紹）。王牌飲品分別有四款🍵『京都情景的抹茶拿鐵』與『京都情景的焙茶拿鐵』，✨不過是偏甜點類型的，所謂的『京都情景』指的就是八坂塔與京都塔的手作餅乾裝飾，佢仲有兩款（個名差唔多)價錢平啲嘅我諗佢應該係冇裝飾😅。(MENU有「京都の情景とデザート抹茶ラテ」或「DESSERT MACHA LATTE」中英文)，上面的餅乾分別是八坂塔跟京都塔，有將近1/3杯的鮮奶油，再加上抹茶巧克力，🍃抹茶味相當濃郁到一個點(一啖就飲得出係京都嘅味道)，鮮奶緩和抹茶可能會有嘅苦澀味，🐄再加上超大量醇厚鮮奶油混和搭起來算是剛好（其實本身好抗拒飲( Whipped cream）🐮但係去旅行就係要放低所有包袱。餅乾口感偏硬帶點微微肉桂香🦄，下次一定要試埋另一杯，計劃或者即將會來嘅朋友記住來打卡！❤️ . . Store :ROCCA & FRIENDS TRUCK│清水寺] Address ：京都府京都市東山区八坂上町37 Opening Time：09:00Am-06:00Pm (Close on Wednesday) · 味道:🍵🍵🍵🍵🍵 價錢: 🍵🍵🍃🍃🍃 回頭: 🍵🍵🍵🍵🍃 #lifewelltravelled #japan #日本食 #綠茶 #roccaandfriendstruck #December #Iran #清水寺 #food #persian #bestjapanpics #igersjp #photo_jpn #art_of_japan_ #けしからん風景 #japan_of_insta #hk #daily_photo_jpn #日本 #instafood #hkig #Hongkong #八坂通り #八坂の塔 #macha #抹茶

外遊訂酒店，如果要包埋個自助早餐每每都要加成兩、三千円一日，小肥覺得絕不化算，因有心要留肚食個豐富嘅晏，早餐其實只需要飲杯咖啡，另加件蛋糕或多士已經好足夠。離開京都嗰朝早，九人路經「Inoda Coffee」，見到地方夠大又有位，所以好隨意地就行咗入去。店子門外擺有多款餐飲嘅模型，極之清晰，食客可以睇啱先排隊入座。每天早上八至十一時更有兩款特價推介早餐供應。咖啡屋環境開揚，坐得都幾舒服，但為怕影響店內其他食客，結果就冇四周拍下室內照，唯有希望透過門外嘅玻璃可以影到少少。對早餐最講究嘅哥哥叫咗份「京の朝食」（1,380円），豐富得黎色彩很是鮮艷。細佬就點咗客法式西多士「フレンチトースト」（560円）。嘩，舖滿白糖嘅法式西多士不單熱辣辣，質感更加係厚潤鬆軟，夾入咗牛油食落都唔覺膩滯，大肥爸爸試咗一口即話要加多份，證實堅好味。襯埋杯香滑冰涼嘅凍牛奶咖啡「カフェオレ」（590円）可真夠爽！「Inoda Coffee」面積寬廣，服務生態度良好，雖則繁忙時間九人未能同桌進食早餐，但平均每人一千円左右已可享用一頓簡單且美味嘅早餐，實屬抵食之列，個人誠意推介必吃法式西多士「フレンチトースト」！

晚飯想食燒肉，同老公兩個人入去食！佢係一間京都町家，氣氛好好！肉好新鮮！同普通燒肉唔同，佢提供個爐係傳統炭火燒！個爐透好火後放在台上自己燒，比韓式鐵板爐燒得好食，好香！ 在場無其他外國客人，非常正宗地道日本人食法！其他3枱全部都係日本人！ 除左提供正常一人分量之外，大部分肉都有提供半分serve! 我地兩個人，order時都係每樣叫1人前！兩個人去食可以試到好多款不同部位！佢有張牛部位圖，唔識日本都無問題！

食品素材新鮮，煮法西、日式兼備。滿頭銀髪的店長友善又懂英語。晚餐3000円有11道菜，素材健康又充滿日式的精緻，絕對值得推介。記緊預先電話訂座，否則 walk in 就要失望了。

今次嚟京都睇紅葉，第一時間 search 下邊到有燒蠔食，發現呢間，即刻 book 位！ 餐廳在1/F，要行上一層，都唔難找到。 我們早了10分鐘到，餐廳有 bar 枱，亦有普通枱，我地坐 bar 枱，對住店長😁，睇住佢 Menu 主要分放題或 散叫，我點了中間價錢的3990 yen 嘅放題，同2990 ten 分別係有冇得任點生蠔！ 我自己比較喜歡食燒蠔，另外，亦包每人2隻蒸蠔，3隻蚱蠔同埋飯 飲品方面，亦可選擇加1500 yen 任飲！ Overall, 90 分鐘都夠食，好似有個再貴d嘅set 食120 分鐘！

其實肥肥家族遊京都前，早一年o既聖誕表妹舉家已經去過玩，所以小肥喺編排飲食行程前都好醒目地向佢索哂料。由於大家旅遊性質唔多同，表妹要照顧多位小朋友，而XO仔只需為一眾長輩們挑選美食，結果喺佢介紹幾間餐廳入面只能揀出潮派法國大餐「よねむら」（Yonemura）。細佬啲日文屬有限公司，好彩有酒店代勞幫忙訂座，唔係相信都未必會聽得明九人o既派對必須於廂房內進行。晚餐全權由大廚發辦，每位16,000円，並無他選。餐店為兩層高o既獨立屋，門牌雖不太起眼，但只要有哥哥帶路就唔洗慌。步入正門，必先經過和風小花園。入到餐廳即變得洋化得多，四周圍都係木造o既傢俬，光鮮涼爽。地下右方為吧枱，食客可邊食邊與廚師們互動一番。樓上廂房私人空間足，聽唔到樓下任何聲音，最緊要係有專人服務，絕對貼身稱心。整套齊備o既餐具都已擺放喺面前。各人更有自己o既一小碗薄荷葉清水供洗手之用，衛生非常。既然唔洗傷腦筋點食物，大家就應推介以日本清酒配潮派法國菜。。。冇錯，相中以白酒杯載住o既係日本清酒，仲要係京都出品；嘻嘻，係咪碰杯都碰得潮過人呢？！廚師除咗喺佳餚設計上花下心思之外，就連碗碟配套都一絲不茍。創意料理第一道為三色前菜「Tomato & Pear Salad, topped w/ boiled lobster; Fig, young Japanese amberjack & raw ham; Toast topped with mussels & kelp」。應建議逆時針方向由左邊起最淡嗰件食起：第一件龍蝦蕃茄沙律球清新潤甜；第二件無花果火腿鰤魚卷爽脆中滲出咸香；第三件昆布青口多士則香濃惹味，各有特色。第二道以公雞靚碟承載o既「Mushroom croquette topped the beef tongue stew with fennel sauce; Snapping turtle soup」原來一啲雞o既成份都冇。右手邊o既蘑菇炸球新鮮熱辣，外皮金黃香脆，芝士菇餡芳香味佳，頂面淋上腍滑o既汁煮牛脷，組合新穎可口，再配上左手邊茶杯入面o既擬鱷龜湯，更覺清甜暖胃。意外地，擬鱷龜湯一啲腥味都冇，唔講真係未必會估到係用龜所燉製。個人覺得晚餐其中一個亮點就係第三道「Steamed glutinous rice with crab」！鮮蟹糯米飯不單有鮮橙美艷，幼嫩鮮甜o既蟹肉及蟹籽擔當主角，就連小碗底層o既配角蒸糯米飯都粒粒飽滿晶瑩，煙韌潤澤，堅掂！接著o既「Gratin of Oyster」每隻蠔都成隻碟咁大，實屬勁量級。焗蠔肥美滑溜，厚潤鮮香。潮派極都唔可以忘本，食法國大餐當然係要多舊魚啦，嘩卡卡！「よねむら」客奶油香煎比目魚「Meuniere of flounder with red wine & citrus pepper sauce & steak of turnip」可以稱得上為整頓晚餐最傳統o既一味。比目魚白滑o既魚肉鮮嫩無比，魚皮巧薄香脆，點上碟底o既紅酒黑椒酸汁確真清新醒胃。西餐中o既意粉通常都係熱食，今次師傅明顯係混入咗日式冷麵o既構思製出「Cold served pasta with surf clam, avocado, salmon roe & soft-boiled quail egg」。凍食意大利粉麵條修長軟潤，師傅專登將色彩繽紛o既食材，包括蜆肉、蕃茄、生洋蔥、紫菜絲、牛油果、及三文魚籽舖喺意粉面，再以小匙羮另上完隻流心鵪鶉蛋，好等貴客可自行混製意粉。XO仔可謂粗人一個，三兩吓手勢就成功撈起意粉！潮派海鮮撈起冷意粉集鮮香、濃郁、惹味、清新、爽脆、柔軟、潤滑於一身，口感味道豐富得黎毫不溜滯，超！ 食過多味海鮮後，終於輪到靚靚和牛「Wagyu beef steak with garlic peanut sauce」（細佬嗰份係走咗花生o既，但賣相冇分別）出場。如相所示，三、四成熟o既和牛色澤粉嫩紅潤，靚牛鬆軟得黎半溶於口中，每人三件份量剛剛好。食和牛時加配一碗咖哩飯「Curry Rice」，效果醒神暖胃，真係估佢唔到會咁襯喎！甜品環節前先有連隻杯都冰凍過人o既「Green perilla and blood orange sorbet」，為味蕾洗滌一番。大家飲咗酒後其實都冇乜再點睇過個餐牌，所以見到杯中綠色o既雪葩時個個都以為一定係綠茶味。。。點知食完第一啖，口腔卻洋溢著紫蘇香，之後再見到個底原來另有乾坤，藏著清新芳香o既血橙味雪葩，方才搵返個餐牌對應一吓，發現橙綠組合係紫蘇味及血橙味雪葩。小肥才疏學淺，去到京都食法國餐先認識到「紫蘇」o既英文乃「green perilla」，又上了一課。 甜品兩部曲先有皮脆鬆軟o既泡芙伴朱古力忌廉。生果拼盤食唔少，不過有邊個會諗到生果可以跟雪糕及朱古力醬以一隻西式透明玻璃碟上呢？！碟上o既無花果及提子已起核，混入埋球雲尼拿雪糕及朱古力醬黎食，清甜涼快又潤滑，仲一啲都唔溜添，吃畢絕無罪惡感。一頓完整o既法國餐以一杯特濃咖啡作結就最完美不過。非常感激表妹極力推薦「よねむら」，讓肥肥家族於京都可欣賞到一場咁精彩細膩o既潮派法式料理。餐店裝潢整潔簡樸，服務生客套友善，混入咗不少和風元素o既菜式味佳又美觀，直令味蕾驚喜不絕，16,000円一位絕對係物有所值，XO 仔覺得店子實屬京都必食之列！

去旅行揀地方食飯，不外乎經親友介紹或跟隨旅遊網、書籍或雜誌推廣。舊年遊京都時，第一個午餐就去咗超閃旅遊書介紹o既「モリタ屋」（Moritaya）；全因為睇到於明治二年創業o既餐店擁有自家牧場，壽喜燒及涮涮鍋均只限供應極品京都和牛。「モリタ屋」共有三間分店，細佬當然係挑選咗間離酒店最近，唔洗行出街，步行只需五分鐘o既「JR京都伊勢丹分店」啦！雖然人多要訂位兼訂埋指定午市套餐，幸得酒店幫忙，XO仔又預足時間，來回幾次電郵迅即搞掂，極之簡易。九人仲被安排入座窗邊最佳位置，一邊進食可一邊欣賞藍天白雲下o既京都鐵塔及靚景，真爽！店子午市套餐可選牛扒、壽喜燒、涮涮鍋、或油燒，價格以和牛級數而定。深知家人都怕極級和牛超強o既油份，故小肥亦只為各人揀咗中間價位o既「松」及「竹」。原本全部人都要點食同一款套餐架，好彩酒店成功爭取到四加五o既組合，家人方才可以分批試壽喜燒及油燒京都牛，當真感激酒店及餐廳雙方都咁通情達理！翻閱桌上o既餐牌時，發現原來午市仲有個「最高的飯菜」之「極み」（一人前 10,260円）午餐，包齊五色冷盤、和牛頭盤、和牛壽司、特選壽喜燒、涮涮鍋、油燒、湯、飯及甜品。不過講真除咗肥肥家族三大壯漢可以食得哂整份「極み」之外，相信其他長輩都未必有能力一人食一份；嘻嘻，等下次再黎京都時先叫黎試試。等待餸菜上枱時，酒鬼四人組梗係要先碰一碰杯。可能負責我地張枱位嬸嬸諗住溝通會有問題，起初佢都有少少冷淡，但之後聽到小弟可以簡單日語對答後，即變得好客得多。佢解釋話食物一般都會由食客自己燒煮，不過得知席上冇人有食油燒和牛o既經驗，佢就好好心機地重複示範咗兩次，細心得很。並教路食油燒和牛有三種食法：第一種係原汁原味、第二種係點檸檬醬油、第三種就係XO仔誤以為係薯蓉o既蘿蔔蓉混醬油；個人覺得第三種蘿蔔蓉混醬油清新解熱得最合襯。午餐順序由前菜食起，指定項目有清脆o既薯仔及鮮嫩o既蟹肉沙律。「松」級套餐比「竹」級貴少少，所以前菜都多咗舊。。。惹味o既燒和牛。オイル焼き「松」（5,724円）：燒煮前，京都和牛色澤鮮紅，雲石紋理分明，油脂分布均勻，賣相超掂！嬸嬸教話以慢火燒至底部油份有聲出，邊邊位開始轉色，即可返轉燒埋第二面。小肥食牛一向越生越愛，意外地今次件五六成熟o既油燒和牛肉質鬆爽，咬落更覺肉汁豐盛，肉香甜美，爆！跟餐仲有一大盤色彩繽紛，新鮮爽脆，好睇又好食o既蔬菜。另附清新醒胃o既漬物及暖胃o既白飯同麵豉湯。飯後再以一杯熱茶及爽甜o既生果作結，腸胃確真大滿足。不過食壽喜燒嗰四個長輩就唔多夠飽，最後要加多客天婦羅同陶板燒和牛先話唔再肚餓喎。。。好多謝超閃旅遊書咁好介紹，讓肥肥家族認識到「モリタ屋」，輕鬆舒適地初次品嚐到油燒京都和牛。餐店環境優雅有景睇，抽氣足，服務生友善，油燒京都和牛絕對貨真價實，食到長輩們都話要推薦俾親友，証明夠堅！