影片
電話號碼
03-5361-1866
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
疫後外遊，第一個目的地當然係肥肥家族最愛嘅東京啦！為怕航班或入境發生延誤，到達嗰日嘅行程就係見步行步，結果晚餐就喺酒店附近間高島屋搞掂。真係冇諗到日本嘅商場竟然收七點半，就連頂樓啲餐廳都只係開到九點，四口子唯一搵到有位嘅只剩壽司連鎖店「築地玉寿司」。由於大肥爸爸實在攰到唔想再郁，講明要等十分鐘都堅持唔走。因為候座區有櫈坐，門外又有個大型嘅彩圖餐牌，等緊時可以研究定食乜。哥哥當真眼利，唔識日文都睇得出中央嘅廣告牌正展出招牌赤身。細閱下得知壽司店形容此秘傳醬漬鮪魚「秘伝のづけ鮪」為「比拖羅更美味的赤身」，似乎好堅！壽司屋以木為主嘅間隔滲出傳統和風味，天花配上以飯桶所製嘅吊燈，到題得黎認真搞鬼。埋位先有熱茶一杯，不過唔要求係冇人會加茶或加水嘅。食魚生只需要一隻豉油碟同一雙筷子就夠。細佬原本諗定要點「天然本鮪のとろたたき」，可惜當晚已經賣哂。家中只有大肥懂得欣賞成隻碟咁長嘅鰻魚「穴子」壽司（800円）。哥哥一定要食菜，看圖見菜所點嘅吞拿魚片及牛油果沙律「鮪とアボカドのカルパッチョ」（660円/半份）都好新鮮。散點壽司均以拼盤呈上，質素平較普通，卷物餡料中嘅魚肉份量偏少。點選嘅三款拖羅壽司中，四人同覺「炙り大とろ」（600円/件）最軟潤鮮美。整晚之最就係鎮店之寶嘅「秘伝のづけ鮪」（1,430円）！色澤紅潤嘅秘傳醬漬赤身刺身鮮濃軟滑，惹味非常，確真如廣告所講般比拖羅更美味，必吃推介也！連鎖壽司專門店「築地玉寿司」環境乾淨企理。服務生雖無黑面，或許臨近收舖真的疲累了吧，感覺唔係特別親切落力而已。魚生質量平庸，XO仔也只能推介品牌主打之秘傳醬漬赤身「秘伝のづけ鮪」。
繼續閱讀