築地玉寿司 新宿高島屋店

營業中

休息中

疫後外遊，第一個目的地當然係肥肥家族最愛嘅東京啦！為怕航班或入境發生延誤，到達嗰日嘅行程就係見步行步，結果晚餐就喺酒店附近間高島屋搞掂。真係冇諗到日本嘅商場竟然收七點半，就連頂樓啲餐廳都只係開到九點，四口子唯一搵到有位嘅只剩壽司連鎖店「築地玉寿司」。由於大肥爸爸實在攰到唔想再郁，講明要等十分鐘都堅持唔走。因為候座區有櫈坐，門外又有個大型嘅彩圖餐牌，等緊時可以研究定食乜。哥哥當真眼利，唔識日文都睇得出中央嘅廣告牌正展出招牌赤身。細閱下得知壽司店形容此秘傳醬漬鮪魚「秘伝のづけ鮪」為「比拖羅更美味的赤身」，似乎好堅！壽司屋以木為主嘅間隔滲出傳統和風味，天花配上以飯桶所製嘅吊燈，到題得黎認真搞鬼。埋位先有熱茶一杯，不過唔要求係冇人會加茶或加水嘅。食魚生只需要一隻豉油碟同一雙筷子就夠。細佬原本諗定要點「天然本鮪のとろたたき」，可惜當晚已經賣哂。家中只有大肥懂得欣賞成隻碟咁長嘅鰻魚「穴子」壽司（800円）。哥哥一定要食菜，看圖見菜所點嘅吞拿魚片及牛油果沙律「鮪とアボカドのカルパッチョ」（660円/半份）都好新鮮。散點壽司均以拼盤呈上，質素平較普通，卷物餡料中嘅魚肉份量偏少。點選嘅三款拖羅壽司中，四