1
0
0
電話番号
03-5205-8268
営業時間
本日
11:00 - 22:00
月曜 - 金曜
11:00 - 15:30
17:00 - 22:00
土曜 - 日曜
11:00 - 22:00
祝日
11:00 - 22:00
上記は参考情報です。詳細はレストランでご確認ください。
講真遊日本絕少會揀中餐食，因為個心總覺得日本版嘅中華料理唔可以同香港食到嘅媲美。機緣巧合下，於家庭聚會中跟叔公嬸婆坐埋一枱，大談食經時得知兩位長輩每次去東京玩都必定要訂位去「日本橋 紫苑」食翅翅，肥肥家族聽到流哂口水，所以就決定去見識吓！餐店位於日本橋三越本店新館十樓。正月將近，接待處旁展出多款迎春精美禮盒，原來日本人都會送翅做賀禮喎。店子設有兩間私人廂房，分別可容納八人及十二人。樓底雖然唔算高，不過勝在有地毯吸音，厚墊椅櫈亦十分舒適，個人只係略嫌冬天嘅暖氣過強，越食越熱。四人被安排入座用餐大堂靜靜嘅一角，半邊為梳化。舖有白色枱布嘅餐桌上簡單擺有自用餐巾及筷子，埋位續一派上熱毛巾，衛生潔淨。飲品餐牌共有七頁之多，其中四頁為酒精項目。適逢平安夜，午餐就點咗樽細粉紅色香檳碰碰杯。有一點好奇怪，就係香檳開咗後就一直放喺枱上，未有放入冰桶保凍，喺二十多度高溫下迅即變暖；此外，成餐飯都冇服務生為三人斟添酒品，結果要自己黎，感覺好似唔係太專業囉！唔想咁早飲酒嘅哥哥就叫咗壺台灣清香凍頂鳥龍茶（540円/位）。厚本餐牌中、英、日對照，推介菜式更附有彩圖。最意外就係遇上水魚節，有成頁咁多嘅水魚菜式，小肥喺香港都未見過。出門前得到叔公同嬸婆教路，午餐每人只需點一份「紅燒排翅毛鹿鮫」（21,600円/位）已經夠哂飽。北京水餃（648円）：北京水餃皮層軟彈，混入黑豚肉碎及蝦嘅餡心爽脆清香，輕輕點上辣味豉油即變得惹味醒神。紅燒排翅毛鹿鮫（21,600円/位）：以鐵鍋滾住上枱嘅紅燒排翅比細佬個頭還要大，賣相震撼到連附近嘅食客都忍唔住要八吓四口子食緊乜，認真唔講得笑！大大梳靚翅不僅熱力十足，而且每份都係咁厚身，實屬勁量級！翅翅質感半腍半爽，芬芳潤滑，紅燒湯底鮮濃甜美，極品也！請留意，貴客可另加2,160円由上湯底轉為蟹湯底，不過哥哥同媽咪都話原味更出色。杏仁豆腐（756円/位）：杏仁豆腐煙韌有彈性，十分清甜。高級中菜廳「日本橋 紫苑」環境優雅潔亮，紅燒排翅高質量足，唯一服務生態度欠缺熱誠，不甚體貼，以每人平均消費二萬五千円黎講，抵食一環變相被大打折扣。
続けて読む