丸五

営業中

現在閉店

本來諗住排隊等開門，點知遲左起身，咁就要排好耐隊，但細佬好想食，我地照排，都排左2.5小時🥲，好誇張，因為間舖唔大，而且店員真係唔急，唔似香港，因為我地係上層入去等果陣，明明上層有兩個客走左，店員都唔急話俾留下個人聽有位，直至下層人上黎睇😅，所以等得耐唔係無原因我哋要左兩份炸豬扒，一份里脊肉，一份炸蝦，因為雞賣哂。炸豬扒係厚切，里脊肉同豬扒最大分別係豬扒係有啲肥痴住，里脊肉係偏瘦但肉係淋，睇你鐘意食咩質感，豬扒係好食，但最有驚喜係個炸蝦，初初以為無咩特別，一黎到好似假咁，係平時係日本餐廳見到果啲假擺設咁，原來真係可以炸到咁，係香港從未見過咁嘅炸蝦🍤😂，好香，好好味，蝦好大隻😋。果度啲飯係任添，以呢個質素係香港應該要$3xx先食到，係日本$160就食到，真係抵，唔怪之得咁多人排。