入母屋 ギンザ・グラッセ店 (Closed)

東京之旅在做旅遊規劃既時候搜羅各精選甜品，給我找到了銀座這間提供午餐，加500yen可享用45分鐘甜品放題既餐廳，要知道日本甜品都一級棒，但胃容有限，甜品放題件件細細件，可以滿足我等貪吃又肚窄既人。餐廳午餐是套餐，正餐都會安排在獨立小房間𥚃面，勁有私隱，窗外亦有銀座全靚境！我們order了牛肉飯茶漬及天婦羅燒魚定食。定食來之前先奉上茶、凍豆腐及海藻山葯前菜，豆腐清香，海藻山葯兩種食材口感本身都係怪怪地，但味道可以。主菜牛肉飯茶漬店員敎我們一半淨吃牛肉飯一半用茶漬來吃，兩種感覺味道，正！天婦羅定食中規中舉。完成定食正餐後店員會帶客人到吃甜品放題既大餐，大餐裝修舒服華麗，大餐中間放滿甜品，旁邊有各式茶包消滯，亦有雪糕等供應，我同老公奮力吃了3輪，樣樣都好吃，不會太甜，大滿足！