動画
電話番号
03-5250-8777
紹介
旬の食材を次々と揚げたての天ぷらとして提供してくれる名店。カウンターで一品ずつゆっくりと味わうことが出来ます。
続けて読む
受賞歴とアワード
ミシュランガイド 一つ星 (2016-2025)
営業時間
*営業時間については店舗へ直接問い合わせしてください
1st,3rd,Last Sun of every month
Closed
上記は参考情報です。詳細はレストランでご確認ください。
看板メニュー
規劃咗東京遊最後一日先去「東京駅一番街」掃玩具，血拼前就喺附近一家天婦羅專門店「てんぷら 深町」（Tempura Fukamachi）食個豐富嘅廚師發辦打底。網上訂座流程簡易，不過驚嚇在手續費要成四千円，係訂過咁多間入面最貴嘅一間！因深覺食炸野始終第一桶油最新鮮衛生，故兩口子決意訂最早嘅十一點半，仲講明要坐吧位，近廚得食嘛！小店一眼睇哂，共有十個吧位及兩張二人散枱，簡潔衛生，油煙味唔算太過份。開放式廚房由主廚老闆兩父子駐守，負責樓面工作嘅似係其太太。訂位時已定埋午市廚師發辦套餐（20,500円/位），入座後只需點選飲品。每位席上都擺有齊備嘅餐具及調味，用餐前由對鏡頭十分敏感嘅深町先生親自斟出天汁。午餐正式由清涼嘅腐皮前菜作序。第一款出場先有炸蝦頭，見到每人有兩隻喎，即估蝦身都一樣會有兩隻。炸至金黃嘅蝦頭卜卜脆，鬆脆乾身，而且一啲渣都冇，送酒佳品也！嘻嘻，真係估中咗有兩隻蝦食，第一隻蝦層炸皮厚啲啲，但都好酥化，不甚油膩，應建議點鹽食，個鮮味尤其突出。第二隻炸蝦層炸漿明顯薄好多，所以半透出蝦身嘅橙白紋理。呈半生熟嘅蝦蝦塗點天汁黎食，效果爽甜彈牙。接著有粗壯清脆嘅蘆筍。第五道天婦羅其實只係外面層炸漿熟咗，入面個洋蔥仲係透明未變白嘅，半爽半腍又多汁，清甜得黎一啲辣味都冇。第六味又大又扁嘅鱚魚乃食天婦羅最常見嘅白魚，油脂唔多嘅魚肉柔嫩纖細。成串上嘅銀杏膠膠彈彈，個人唔係咁鍾意中間有陣苦味。魚身脹到好似蝦蝦咁嘅叫「メゴチ」（Megochi），上網查過中文叫「大眼鯒」，其肉質比之前件鱚魚紥實，魚味亦濃郁啲。食到中段，睇住師傅換油，偷睇到個巨型嘅太白胡麻油桶；唔怪得知啲天婦羅層炸皮咁香啦，散發出嘅原來係麻油香！節令嘅栗子天婦羅綿密香甜。不經不覺已經食到第十款天婦羅，黑漆漆嘅椎茸外脆菇潤，浸喺天汁後更覺芳香。成餐最正就係以兩片紫蘇葉夾住嗰件海膽天婦羅！底面嘅紫蘇葉脆薄鬆化，入面橙亮流心嘅海膽極之幼嫩滑溜，外剛內柔嘅組合香濃鮮美，冇得頂呀！XO仔一向怕骨，最後兩件穴子好順理成章地轉讓咗俾鱔后表妹。單尾共有三款可選，分別為天丼、天茶、天バラ。每款均配上爽脆消滯嘅漬物。表妹唔想咁油，所以揀咗天茶。小肥就例牌點咗天丼。天丼嘅白飯綿潤暖胃，份量適中，飯面嘅炸蝦粒粒香脆爽口，簡單混入甜豉油已夠調味，不過如果可以加多隻流心炸蛋或者係溫泉蛋呢，相信會更加滿足！午餐結尾仲有球清涼嘅綠茶雪糕。家庭式作業嘅天婦羅專門店「てんぷら 深町」面積雖小，但環境樸實企理，服務生溫婉周到，午市廚師發辦套餐高質美味，天婦羅菜式輕巧不油膩，唯一兩萬幾円食個晏一啲都唔平。
続けて読む