カフェ＆パンケーキ gram 心斎橋本店 (Closed)

相信鐘意厚pancake嘅朋友🐖都知日本有呢間pancake店！ 而佢每日就會分11am、3pm、6pm三個時段供應40客Premium Pancake（950円） foodpigss🐷🐷一場黎到大阪就緊係要試下喇！ 之前🐷🐷都聽聞會好多人排隊 所以揀左朝早第一個時段 喺10點幾已經到左😂 雖然佢11am開 但大約10:45am就開左俾我地坐低等 而未到11am都差唔多滿座 應該都已經賣曬40客🤦🏻‍♀️ 好彩🐷🐷係第8,9個🤡 不過佢前後上枱嘅pancake啲味都幾有分別🤔 第二個就較重蛋味同粉味 反而第一個味道係較掌握得好👍🏻 但總結係佢有啲唔同平時我地喺香港食開嘅梳乎厘pancake 事關佢裡面較實心😉 個人而言唔洗點倒楓糖漿都已經覺得夠味 仲要🐷🐷3人食兩個又真係濟到有啲想嘔🙈 所以係冇驚喜 算係不過不失🙂 最後不得不提 店裡面多數客人都係港人🤣 唔講以為返左香港😵