動画
上記は参考情報です。詳細はレストランでご確認ください。
離開大阪嗰朝早，XO仔同哥哥為咗要購買最後一輪手信，兩口子就襯退房前有時間逛多轉「大丸梅田店」。喺商場地牢見到小店「ファクトリーシン」（Factory Shin）個陳列玻璃雪櫃內o既蛋糕仔實在精緻，結果當然係忍唔到手買咗兩盒返香港試啦！蛋糕店o既禮盒包裝及小點均精美吸睛，兩件禮盒裝連稅售594円、四件禮盒裝連稅售1,188円。【ハピネスリボン】（“Happiness Ribbon”）：白色甜點以雲尼拿杯仔蛋糕作底，白朱古力塗面，再配上紅色絲帶設計，定名為「幸福絲帶」。雲尼拿味杯仔蛋糕偏嚡同乾，頂面o既白朱古力得個甜字，個人覺得好油麻地囉。【ジュエルピンク】（“Jewel Pink”）： 此件銀光閃爍o既「粉紅色寶石」其實係以紅莓碎點綴o既朱古力味杯仔蛋糕，賣相鮮美高貴。。。可惜杯仔蛋糕一樣偏嚡偏乾，幸好個紅莓碎朱古力脆皮酸甜討好，否則恐怕甜品店喺味道嗰環真係要食零雞蛋。小肥雖為日本迷一名，但今次真係大失所望，對甜品屋「ファクトリーシン」（Factory Shin）o既評價只可用五個字黎形容：「好睇唔好食！」
続けて読む