動画
電話番号
06-6211-2611
紹介
東部中央市場から毎朝仕入れる高級鮮魚を頂ける寿司店。掘りごたつの個室があり和風の寛ぎ空間を提供しています。
続けて読む
営業時間
本日
15:00 - 23:30
月曜 - 日曜
15:00 - 23:30
上記は参考情報です。詳細はレストランでご確認ください。
看板メニュー
姨姨想食壽司，所以晚飯就喺Tabelog揀咗間區內比較高分嘅「すし処 錦」（Sushidokoro Nishiki）。兩層高嘅壽司屋以木為主嘅裝潢和風味濃。由於姨丈經酒店訂位時冇講明要坐壽司吧，四人用餐被安排行上樓上要除鞋嘅榻榻米廂房。眼見長輩們有啲辛苦，溫婉嘅服務生即嘗試幫忙轉落樓下坐，無奈真係唔夠吧位。埋位每人先有熱毛巾一條。酒鬼們第一時間當然係叫酒酒飲啦！點好壽司，姐姐仔先送上前菜拼盤，每人一客，因為小肥冇得埋單，所以唔知收費詳情。拼盤右下角嘅枝豆十分清脆，左下方嘅刺身沙律則清新爽潤、酸甜醒胃，唯獨上面嘅汁煮魚唔係咁啱細佬口味。とろ刺身（5,550円/客）：靚靚媽咪食唔到咁多飯，所以叫咗客拖羅刺身。如相所示，厚切嘅刺身色澤瘀紅暗黑，吞拿魚毫不粉嫩，含脂肪量明顯極低，好自然地唔溶喺口，加上鮮味欠奉，完全唔合格囉！とろ寿司（650円/件）：始終家人鍾情拖羅，落單時姨姨仲話每人起碼食兩件先，唔好嘥時間等第二輪，點知大家最期待嘅拖羅壽司暗淡無光，即使比刺身油潤入口仍然唔夠軟滑同鮮濃，結果梗係冇再追加啦！海胆寿司：海膽壽司嘅飯飯就夠肥潤飽滿，可惜海膽只係質感幼嫩，敗筆在當中散發出嘅腥餲味。生鮭寿司：是日精選嘅三文魚爽厚柔潤，係多件壽司中最肥美嘅一款。蛤寿司、天然平目寿司：頭輪魚生認真麻麻，第二輪就請妹妹仔介紹多兩款，俾多次機會壽司店。相中白色嘅天然平目魚壽司清淡帶韌，反而上方嘅花蛤壽司更為爽脆鮮濃，但都不足以令四人再加點食物或酒酒。難波壽司專門店「すし処 錦」環境企理衛生，服務生友善客套，唯一魚生款色及質量不甚討好，價格唔算特別便宜，家人都話早知食迴轉壽司好過。
続けて読む