A petite cafe near the Kyoto JR station. It’s a great stop by with quality and delicacy before the journey. Their filter coffee is definitively a try! This time tried Caio Pereira and Natsu Ake, iced filter coffee - perfect to hit the heat of 35 degree Celsius on the Kyoto streets in August. They give different character. Natsu Ake is more sweet and fruity💖 while Natsu has a thicker body. The shop has plenty of perfect gifts, including coffee beans, filter coffee beans as well as delicate coffee cups. If one wanna bring Kyoto taste back to their own hometown, this is the place. They have another shop at 551 Yamanakacho, which is deeper into the city centre (Karasu Ebisugawa) and more spacious and chic.

Stumptown係令人難忘的亞洲第一家店。在最近在京都開業的ACE Hotel開業。與發源地美國、波特蘭的店一樣，店內氣氛輕鬆友好，而同時充滿了京都的精髓。其概念是“東方遇見西方”，亮點之一是遍布店內的日本和美國藝術家的藝術作品。 咖啡豆有不少選擇。喜歡品咖啡、慢活、結伴傾吓偈，Stumptown 都滿足到。k 今次試了Latte 、Matcha latte 、香蕉合桃蛋糕、伯爵茶曲奇！一試愛上！仲買了咖啡豆，實在把coffee shop 帶番屋企自製嘅咖啡corner 😌

事隔三年終於去到日本了🇯🇵 今個聖誕我哋去咗滋賀県嘅琵琶湖🏞️ 去到滋賀 一定要食近江牛🐄 係滋賀県生產嘅黑毛和種嘅和牛 係日本三大和牛之一😍 我就揀咗呢間歷史悠久嘅近江牛老字號🥩 餐廳地下嗰層係食鐵板燒吧台 樓上就可以食火鍋壽喜燒同埋網燒👍🏻 🔸涮牛肉火鍋 比良 上等 (¥6000) 前菜 • 小菜2種拼盤 • 近江牛火鍋用肉 • 蔬菜拼盤 • 米飯或者烏冬麵 • 時令冰糕🍦 🔸燒烤近江牛里脊 伊吹 特上等🥩 (¥9500) 前菜• 小菜2種拼盤 • 近江牛燒烤用肉 • 烤蔬菜拼盤 • 沙律 • 米飯 • 醬湯 • 咸菜 • 時令冰糕🍦 我哋叫咗一個火鍋set🥘 同埋bbq近江牛🥰 前菜一啲都唔馬虎 都係用近江牛嚟煮嘅😃 係味增嘅近江牛同埋醃漬小菜🥢 火鍋湯底嘅溫度係80°C左右😀 入面只有昆布 所以非常清淡 可以食到牛肉嘅原汁原味😃 醬汁係柚子醬油 酸酸哋🍋 火鍋嘅肉比起燒烤嘅肉冇咁多脂肪 但肉質柔嫩 牛味超濃🥩 每咬一啖都散發出濃濃嘅香味🥹 食哂所有肉之後 店員會上埋烏冬🍜 放入充滿住近江牛味嘅湯底 非常美味😃 至於燒烤嘅肉比較厚身👍🏻 比起shabu shabu嘅牛肉更多脂肪😆 望到啲油花就知道入口即融😋

如果要飽肚又好食不如吃其他，要好奇想吃特別的料理先選擇這間餐廳，我是8月平日walk in就有位，不清楚其他時段人流，不過注意5～8人就要訂座，食物不算特別好食，不過主廚每個月都按季節設計餐牌，8月夏季有西瓜豆腐，其他季節應該吃其他特色餐牌，白飯可以任添，不過我有朋友個飯入面有蜘蛛，要求換了另一碗，吃飯可以小心留意下，飲品有咖啡 紅茶 茉莉花茶， 紅茶可以配檸檬 牛奶，有水羊羹，上面有爆炸糖，幾特別，茶幾好飲，個主菜我覺得太少，個course set 是2200日圓 但是吃完還是唔飽，其他客人吃咖哩飯，似乎是個更好既選擇。

入到京都原本想食返餐川床流水麵 💧💧💦 於是去到貴船區嘅料理店走咗一趟 ⛩️ ⛩️ ⛩️ 但因為颱風後冇材料，最終退而求其次，食返餐當地聞名嘅川床料理 （ KAWADOKO ）🍱🍱🍱 體驗一下～ 所謂「川床」係指搭建在河上的高台，坐喺河水上乘涼用餐，伸手出去就能碰到河水，感受一下透心涼嘅河水，消暑降溫。。。 川床附近溫度較市區低 10℃ ，好似開咗天然冷氣咁，好涼爽～ ice 🧊 🧊 🧊 夏天前往特別適合，夜晚去嘅話都要帶多件外套～ 貴船川位於鴨川嘅源頭，可以一邊聽著河流水聲，一邊品嘗大量選用當季食材製作的料理。主路兩邊有好多餐廳，我哋從中揀咗圖中的山菜料理試試 🥬🥬🥬 山菜，顧名思義多是在野外生長，最佳賞味時間是在春季，這段時間裏出產的山菜最多樣化。雖然味道苦澀 ，但不少日本人認為苦味能夠清除體內的毒素。除此之外山菜的苦能夠讓味蕾覺醒，讓食客可以準備享受接下來一年更豐富的美味。 😋👍👍

Kura 係一間超平價迴旋壽司店 🍣 🍣 🍣 以每碟￥132 作招徠，日本及台灣都設有好多分店，今次因為颱風關係🌪🌪🌪 照常營業嘅食肆好少，有緣經過決定入去試吓 😉😉😉 佢嘅日式木工店面設計 & 獨立卡位係幾好🪵🪵🪵 遠睇都幾吸晴，光鮮企理 👍👍👍 另外全自助式迴旋壽司系統都值得一讚，由點餐/拎壽司，到數碟，到埋單都係全自助，以體驗角度係幾好玩添😂😂😂 睇片～ 最後講到食物質素就認真麻麻 🙁🙁🙁 飯正常，但刺身超簿，又唔夠鮮味～ 以香港人嘅要求嚟講，肯定唔合格…. ❌❌❌ 但換另一個角度，以平價求食飽嘅角度，又不失係一個唔錯嘅選擇，每哋3個人食咗廿幾三十碟，連飲品，超飽，都係￥5000左右…… 😱😱😱 ⭐️⭐️⭐️ 值得推介嘅係個Kura米水，幾好飲，值得推介～

夏日炎炎去旅行☀️☀️☀️ 係京都嵐山大街有咩好介紹？？？梗係去鬆馳熊店食返杯消暑刨冰🍧🍧🍧透心涼住打咭之後再行，夠哂爽~ cool~ 🧊🧊🧊 邊食邊行又得，食完休息下先再行又得 😇😇😇 除咗刨冰之外，店內仲有其他嘢供應：甜品、熟食及鬆馳熊紀念品，😋😋😋 例如：bear 軟雪糕 🍦🍦🍦, bear bear蛋包飯 🍛🍛🍛，bear 便當🍱🍱🍱，特飲🍹🍹🍹⋯⋯ 如果行行下肚仔餓，坐低堂食醫下肚亦得~ 小朋友肯定鍾意 。。。。。 📍📍📍附近景點仲有 ： 天龍寺及竹林之小徑 🎋🎋🎋

凌霄 京都祇園 米芝蓮🌟🌟 主廚藤原誠先生及侍酒師（經理人）神宮司博之氏先生以日本料理形式主理。 店內吧台容納約八人，當天除了全場唯一真外國客人的我，感受是食物好吃，對客人互動有熱情，唯一是對外藉客人照顧略為不足，缺乏以英語介紹菜式，雖然提供了簡約的英語menu。 與主廚先生唯一活動是入來點頭，要唔要多碗飯，以及送客階段。懂英語的侍酒師先生略為繁忙。這個是與日本木地客人形成對比。 凌霄價格位約4萬多yen係今次星🌟之旅與另一間並列第一。他亦是少數可以接受一位顧客的星🌟餐廳之一，交通亦是最方的一間，就近祇園花見小路。 作為今次幾間摘星🌟之旅的首間食店，滿足道及驚艷道略為不足，個人印象最深刻是大根醬點拖羅。 ———————————————————————————— 甘鯛昆布締め： 甘鯛肉質柔軟甜美，再以途滿了清酒的昆布包好雪兩小時，使海苔及酒香味滲入魚肉，淡淡的清香及酒香，配上青嫰的木之芽（山椒葉）增添一份色彩及淡淡的香氣及少許的胡椒味。 毛蟹水草紫蘇葉： 拆好的啖啖毛蟹肉配上蟹膏及酒香，作為喜歡食蟹的懶人係人生第一享受😋。紫蘇葉除左清香、解膩開胃，在中醫上仲有食療作用。 清汁煮hamo 鱧 梅肉： 京都夏天盛產鱧魚的季節與祇園祭重疊，古時因京都離海什遠，一般魚類運送在炎熱天很快壞掉，以鱧魚生命力頑強，所以培養出京都夏天食鱧魚的文化。七、八月呢段時間各大和食店一般都會有佢登場。 主廚處理手法先以鱧落とし方式，此方式非常考刀工，一般說沒有十年的經驗刀工是做不到。主廚在不損害魚皮情況，不停以刀工切碎鱧魚堅硬的魚骨切到微群粒，令到能與肉一起食用。鱧魚肉味唔重，油脂多肥美，配上梅肉微酸開胃口感食慾大增。 鯛魚刺身： 魚皮彈牙魚肉鮮美，再配上菜及生准生的爽脆感，當然作為刺身山葵同豉油，店家亦提供岩鹽及魚露使用。 海膽刺身： 海膽刺身講真，不用點任何醬汁山葵，就咁食完全無得輸。 拖羅刺身： 店員收走了我的山葵豉油魚露，留下岩鹽上了一個新醬汁….呢個醬點拖羅真係絕妙，佢係大根醬（白蘿蔔蓉醬汁）估唔到成件事咁match。 鯧魚味噌燒配櫻花蝦豆苗： 最初我仲以為乾瑤柱豆苗，再望清楚點櫻花蝦😂，鯧魚肉清香。鯧魚含有豐富的不飽、脂肪酸、微量元素硒和鎂， 望廚選材料有好幾樣有食療效果。 粟米春卷： 粟米甜甜的，熱辣辣卜卜脆的春卷脆皮，整件事幾好，但唔知點解會聯想為金寶粟米..春卷。🤪 車海老配茄子： 醬汁煮好的茄子，上方有蝦、（白髮絲）蘿蔔絲及海苔碎。蝦外層輕微煮熟內為刺身增加口感。 燒和牛里脊肉： 五成熟的燒和牛裏脊肉，表面經燒烤有肉脂油香，肉裡肉嫰，可配海鹽、山葵、炸蒜食用。配菜為水田芥，口感有點像豆苗，爽脆可口，帶點微辣。 海鰻飯： 這個不得不略踩，這個海鰻醬汁太咸了，送飯一起食也是咸，主廚仲專登問我夠唔夠，要多一碗嗎？我立即搖頭表示足夠了，亦不好意思和他說咸了⋯⋯ 吸物： 味噌配湯葉，湯葉豆香因味噌有點蓋過。 甜品： 香芒水果，雲尼拿雪糕。 茶點： 以傳統抹茶🍵及糖果作結尾。

京懷石吉泉 下鴨 京都 米芝蓮🌟🌟 京懷石吉泉比喻為教科書級別的傳統懷石料理，主廚谷河吉己大師，15歲開始追求料理之道到京都拜師學藝。在1983年30歲時成立吉泉，2010至2013年榮獲米芝蓮🌟🌟，2014-2019年榮獲米芝蓮🌟🌟🌟，保持長達六年之久記錄。2020-2023現在仍保持米芝蓮🌟🌟級別。現年70歲的谷河大師據說由9歲接觸烹飪，從小比喻為天才廚師，擁有61年入廚經驗。 吉泉以日式房產經營餐廳，內部設有數個房間招待客人，當天被招待到一間設有吧台的四座位房間。 主廚谷河大師除了在開席前及送賓客時露面外，其他時間全程在廚房內打點及烹調，上菜及收盤由四至五名助廚穿插於各房間負責。有少許驚訝是吧台，並不是烹調料理用，只有上菜時使用的。 當天聽職員說是全部房間滿客而且都是來自中國的客人。上菜介紹一般由二把手以英語及日語介紹每一道菜式，間中由其他助廚以日語介廳並無提供任何有關餐單紙（menu)。雖然有部分介紹使用日語，但從表情及動作能夠感受到他們對客人的熱誠及對自己工作的熱愛。 這是一餐我最覺得滿足的一餐，無服務、味道、菜式外形設計及驚艷道亦是最高的一餐，價格與另一間🌟🌟餐廳並列最貴，大約4萬多yen。我相信不久後，我會再次拜訪品嘗大師的手藝😋。 ————————————————————————————— 先付玫瑰冰： 以玫瑰🌹冰粒及小豆島炭酸水作開胃菜。冰冰涼涼夏日的消暑感，食完飲完真的想喔一聲。 蓮葉ほうずきが： 五種花花五種口味，食之前還有個儀式，店員會叫你拎起白碟，幫你們一杯酒以示歡迎。花花內有魚乾、豆、梅、鮑魚粒等小食，視覺及儀式滿分。 香蕉慕絲： 使用香蕉、無花果、櫻桃的醇厚香味甜品。由於不懂日語不太清楚為什麼是這個時候上甜品😅？是想清理一下口腔嗎？ すっぽんの卵： 以燒熱的石春，慢溫那個疑似鵪鶉蛋😳。 松茸と鱧の土瓶蒸し ： 先以鰹魚海苔出汁，再放入鱧魚（鱧落とし）松茸銀榕芹菜，是一個非常鮮的海鮮湯，可以先嘗一口再加入青檸汁。加入青檸後感覺更清新。飲完湯後，請記得要食埋入面的鱧魚和松茸，火喉是剛好的。 海螺刺身： 刺身肉厚鮮甜，還有魷魚刺身作伴，另外作伴的大根，花的枝部、黃蘿蔔絲全部都吃得，有點想不到🥹。 拖羅刺身： 職員建議先品嚐拖羅，之後吃菠蘿清一下口腔，再吃另外兩款。拖羅選用日本四國近海的吞拿魚腩（鮪魚腹部）入口柔軟肥美，放在乾冰上視覺效果豐富。 壽司： 滿滿誠意及視覺效果的烏魚子，他的微咸香配上烤好的鱧魚壽司。烏魚子其實有佢食療功效可降低心血管疾病風險，亦可以當男仕進寶的食物。 南瓜海膽蒸飯： 食落唔似南瓜…如果硬要說有點似切瓜口感、濃濃的海膽再配上較黏口的飯粒，有點像食緊糯米飯般。 魚內臟？： 日文苦手，其實我到現在都唔知佢係咩嚟😅口感似魚內臟。 稚魚二吃： 香口的天婦羅及以獅子狗形狀烤好的稚魚。 西京燒： 西京烤鰈魚，以白味噌、糖及米酒整成，是日本家傳戶曉的菜式。魚肉帶有微微的酒香，肉質因白味噌及糖的關係微甜。 魚糕： 熟了的魚春整成糕狀。 松茸御飯： 超濃香的松茸飯，令人忍不住添食第二碗。 威士忌蜜瓜： 店員上菜食上了五支不同種類的威士忌，最初我還問店員是用來整雪糕嗎？店員神秘地說不是。其後就上了蜜瓜🍈叫我們從五種威士忌選一種之後就加落蜜瓜到，唔飲酒的我第一次進食威士忌，配搭蜜瓜感覺非常之香甜。 櫻桃： 佢係正常的櫻桃，感覺是。😅 甜品： 蓮根整成的糕，口感有點似年糕，唔算太甜。 茶： 薄茶及京番茶。

食 宮澤(ZIKI MIYAZAWA) 京都 米芝蓮🌟 主廚泉先生（Takatomo Izumi)以細膩手法，並以獨創的發酵技術製作日本料理。 店內吧台容納約九人，當天本地客人約4名，外國客人幾5名，泉先生都會走到每位客人面前表示自己英語解答部分需交由助手負責，日語是無問題的。 雖然未有提供任何餐單，但每道菜式助手都會詳盡以英語介紹及解說，而且他的英語和日語非常流利，他是一名1.7米以上的外藉白人😨，本人表示深深被英文虐了一次，有時有點聽不懂，但助手會放慢重覆再講解多一次，會想方法讓我明白，非常貼心🤣。助手先生非常熱愛日本文化，入職了1.5個月，他非常享受在這裡工作，並表示從泉先生處學到很多東西，他的熱愛從他收碟後要在號台旁洗碟看出，由於他太高，每次洗碗要遷就洗手盆高度，每次需要彎腰扎馬才能適應到洗手盆高度。 泉先生最後為會為每位客人親自結帳，給予卡片，並在門外送行。 食宮澤晚餐價格位約2萬多yen，個人覺得幾抵食，部分菜式種類是第一次接觸是一個不錯的體驗，作為今次幾間摘星🌟之旅的第三間店，驚艷道滿足，又算便宜少少的一餐，有機會我會再來體驗多一次的😳。 ————————————————————————————— 先付： 冰粒番茄🍅蝦肉刺身，清涼清爽加濃濃的蕃茄味非常開胃。 煮物： 瓜煮鮑魚，鮑魚肉質保持彈牙。 刺身： 三文魚刺身，不過重點係佢上面個以米粒發酵的漬醬，據說漬了三星期，有少少🤏似酒味，綿綿的又有少少甜🤔。 焼き胡麻豆腐： 呢個可說是宮澤氏的招牌菜，佢個口感好難令你覺得佢係豆腐，口感有點似食麻薯碎碎，又似花生軟糖，煙靭脆口，口感非常豐富非常滿足。 鱧魚： 以鱧落とし方式切斷魚骨以不傷魚皮是一手非常考廚師刀功的菜式，今次配搭水果桃一起食用，點講好呢，有點特別，但又有少少奇怪，和本人口味有少少出入。 燒醃茄子🍆： 以味噌及鹽醃制，用火燒烤，再去除以烤好的外皮，這道菜唔係簡單的咸⋯。 燒多春魚蕎麥麵： 炸多春魚食得多，烤多春魚我第一次食😅，好香的燒烤口味，與多春魚非常合適，但有點蓋過左蕎麥麵的味道。 燒和牛肉： 服務員建議蓮根（蓮藕）與牛肉一起服用，蓮根偏生爽脆的，增加了牛肉的咀嚼感興，亦減少和牛油膩感。 壽喜燒鰻魚： 壽喜燒汁的鰻魚及洋蔥，味道就是壽喜燒嘛🤣。 粒味噌： 蛋汁配味噌麥粒。 吞拿魚飯： 醃製過的吞拿魚配白飯。 露丸： 有點似啫喱，滑滑的。 👅👅指數： 先付：8/10👅👅 煮物：7.5/10👅👅 刺身：8/10👅👅 焼き胡麻豆腐：8.5/10👅👅 鱧落とし：7/10👅👅 燒醃茄子🍆：5/10👅👅 燒多春魚蕎麥麵：7/10👅👅 燒和牛肉：7.5/10👅👅 壽喜燒鰻魚：7/10👅👅 粒味噌：7/10👅👅 吞拿魚飯：7/10👅👅 露丸：7.5/10👅👅 題外話：泉先生表示我們飲薄茶的碗子有400年歷史，旁邊的美國客人說笑表示手震了一震。我就尷尬笑了一下，內心卻想的是⋯400年⋯OMG⋯這個杯究竟多少人飲過🤢，我知道是清潔好的⋯但是⋯

// 27 03 23 晴天🌞 19:20 京都 河源町店 松屋 呢轉日本幫襯得最多嘅餐廳🇯🇵 根據非正式統計 答案係：松屋（6日內食足3次😂） 雖然去旅行/公幹 通常都唔會就住就住洗錢 不過 話晒自己係一個會內疚嘅慳妹💸 所以點都會做返啲嘢~~ 係日本要搵連鎖快餐店食飯 真係唔難 打開google map總有一堆係附近 但要揀間好味唔伏 就要靠運氣黎買大細🎰 (有松屋、吉野家、食其家、M記、彌生軒等…) 不過經歷去日本咁多次之後 唯一 ”松屋” 依然會自動自覺咁入去幫襯 而且食極都唔厭!!!🤤🤤🤤🤤 雖然佢只係一間連鎖快餐店 外表比人有種快食 無靈魂嘅頹飯感覺👻~~ 而且入得去大部分都係： 拎住公事包嘅收工男人💼、輕輕鬆鬆無嘢做嘅呀叔🧓🏼、溫馨唔煮飯嘅一家大細👨‍👩‍👦、放學唔願返屋企嘅學生👩🏻‍🎓 所以識得欣賞佢嘅遊客 真係唔算多 但慶幸自己同肥仔 第一次去日本就遇到松屋🍀 (記得嗰次因為無做research，好隨意咁入咗松屋，結果一試就覺得比起香港嗰幾間日式牛肉飯連鎖店，好味得超級多，重點夠平） 自此之後 無論單獨/同肥仔 只要去到日本指定動作都會食佢~~💓 燒牛肉定食套餐 JPY¥690 ————————————————————— 牛肉燒得好香 而且份量都幾多 口感唔會太柴、太乾 而且每啖食落口都有牛味 另外亦有唔同調味料提供 自助調味 定食套餐會跟埋麵豉湯、沙律 等你可以食得健康同豐富啲 追加轉豚肉麵豉湯+生雞蛋 JPY¥250 ————————————————————— 碗湯都好足料 有好多豚肉片、豆腐仔、小油揚 生雞蛋+豉油 撈飯(日本米) 簡直一流🤤 —————————————————————