唔知大家知唔知每年日本冬天都會期間限定出呢款朱古力味三角批🍫，今年仲出埋士多啤梨吉士味🍓🥺。難得今年冬天黎日本梗係要試下！


🔅三角チョコパイ 黒 (180円)
酥皮好多層，偏厚，又唔算太脆。不過唔會好油，食落無咁邪惡。但好香好夠朱古力味，有少少流心。醬同皮個比例都ok，太多醬又會偏甜。香港嗰啲真係無得比😂。
🔅三角チョコパイ いちごカスタード (200円)
原本都怕食士多啤梨味既野，但呢個好似係11月開始既限定，更加要試下😎。士多啤梨同吉士2個醬mix埋幾好，少少酸甜食落唔膩，隻士多啤梨味唔會好假😚。
💬唔知係咪呢間分店貴啲，我見人早我幾日買但係朱古力味160円，士多啤梨180円…但overall都唔錯，買左返香港人肉速遞俾屋企人都話好食😝。

上次3月喺東京食過燒鳥之後回咪無窮，我哋決定再下一城，去依間得到米芝蓮推薦嘅白金酉玉本館食更加刁鑽嘅燒鳥串燒🍢！ . 點解話佢哋係更加刁鑽呢？因為白金酉玉本館岀名食稀少部位嘅燒鳥串燒，砂肝、雞尾、提燈依啲全屬小兒科！我哋分別就點咗10串套餐（3058 円 稅抜） 同12串套餐(3938円 稅抜），再另外單點串燒。套餐入面嘅串燒屬於ᴏᴍᴀᴋᴀsᴇ形式，視乎當日雞肉嘅供應情況，所以就算再去都未必一模一樣。 . （🌟為推薦菜式） . 芥末雞胸 唔知關唔關第一串事，我哋兩個都覺得火候差啲，雞胸無上次食嗰間武ちゃん嘅咁ᴊᴜɪᴄʏ。 . 雞腎 好爽脆，唔錯。 . 雞尾 上次發誓唔再食雞尾嘅我哋，又硬住頭皮食咗串，食落又無上次咁油膩，但我哋下次都係同師傅講唔食雞尾先🤣。 . 🌟醬油燒雞肝 👩🏻好喜歡食醬油燒雞肝，醬汁甜甜嘅好開胃，雞肝滑溜溜，口感好正。 . 🌟提燈 👩🏻特登預約嘅時候ʀᴇᴍᴀʀᴋ咗預留提燈，提燈其實係是雞嘅卵巢和未孵化的蛋。卵巢食落就無乜特別，重點在於兩粒蛋黃，放落口一咬就爆晒汁，有淡淡蛋黃味道，好有趣，嚟到日本食燒鳥必試！ . 🌟雞肋骨 (?) 我哋唔太肯定依串係咩，入面有些少軟骨，所以我哋估係雞肋骨啲ғʀᴅ，只有12串套餐先有，所以我哋ᴇɴᴄᴏʀᴇ咗一次。 . 🌟雞肝 鍾意食內臟嘅👩🏻都好鍾意食依個雞肝，口感似返平時我哋食開嗰啲。 . 🌟杏鮑菇 燒得好香，好好味，但份量就少咗啲。 . 🌟三色蕃茄仔 由未成熟晒，青色嘅蕃茄仔到紅色，最後橙色。味道由酸到甜，好有驚喜，都係12串套餐先有。 . 銀杏 👩🏻都好鍾意食燒銀杏，但都係印象中嘅武ちゃん燒得比較香同煙韌。 . 🌟ᴏʏsᴛᴇʀ ᴍᴇᴀᴛ 係雞腿同雞下背部之間嘅兩個凹槽中間，有啲似生蠔🦪，每隻雞只有兩塊！食落嫩滑又有雞肉味，好食！ . 燒雞翼 雞翼sɪᴢᴇ比較細，食落有啲唔夠喉，同埋都係火候差啲，我哋都係認為中環嘅京都一串完勝。 . 🌟鵪鶉蛋 以為佢只係平凡嘅鵪鶉蛋就錯啦！入面蛋黃竟然燒得半熟，仲流心，好正。 . 🌟蘆筍 師傅切出最嫩嘅部位，完全無渣，好食。 . 🌟一品 醬汁燒豆腐 日本醬汁加埋鰹魚絲已經無得輸，日本豆腐豆味重，外脆內軟，好味。 . 總結，每人$𝟰𝟬𝟬依個價位嚟講，質素還好，唔算性價比高。雖然的確有好多稀少部位提供，但燒鳥串燒嘅火候就唔係好夠，反而其他配菜唔錯。如果大家想試平靚正、性價比高，又𝗹𝗼𝗰𝗮𝗹嘅燒鳥，我哋都係比較推薦銀座嘅武ちゃん。

由於男朋友係mon hun迷，所以捨命陪君子🤫黎呢間怪物獵人主題既cafe。上網預約定，平日黎唔使同人逼～餐廳環境好大，有好多mon hun擺設，劍呀弓呀，貓貓都有🤣。

食物用QR code order，類似food court形式，食物要自己去拎。

🔅狩王3種肉盛りプレート (3,300円)
要食呢款book枱嗰時要order定，只限預約～有沙律、炸洋蔥圈、薯角伴碟。2串肉🍖就有漢堡、腸同炸蛋🤣。但味道好一般，純粹打個卡。
🔅こんがり肉 (990円)
呢個都係俾外型🍗吸引左，肉就普通無咩特別😂。
🔅回復薬グレート(改) (880円)
藥水味飲品🧪…又係打卡用…
💬留意返每人係有table charge(700円)，但無加一。整體食物飲品其實都普通，不過黎到都唔係為左食架啦🤣～Mon hun fans黎朝聖打卡食一次都ok既，我見男朋友都幾enjoy 😂🖖🏻。

之前ig見到有台灣blogger大推呢間泡芙，見到skytree呢到有分店所以就一早mark低要黎試😋。喺 @tokyo_solamachi 搭電梯上30樓轉個彎就見到呢間餐廳✨。堂食區好似有西餐、甜品，靚靚cafe咁，仲有埋skytree呢個靚景望日落一流🗼。 🔅シュークリーム (630円)
泡芙超脆但唔𠝹口～中間有滿滿既吉士cream🤤，一咬就bi晒出黎😳。應該係order左先即刻唧cream，所以泡芙皮keep到脆😍～Cream好滑又唔膩，唔鍾意食cream既我都食晒🤭。
🔅カヌレ (380円)
脆脆地都唔錯，有焦糖香，入面都頗煙韌。但細粒版既可麗露唔多夠喉🥺。
💬食過咁多🇭🇰🇹🇼🇯🇵既泡芙，呢間各方面都好出色😍！皮夠脆又夠大隻😂，cream比例啱啱好，係個人既🥇～

之前分享過呢間bakery，不過係新宿分店😝～呢次喺銀座線轉車經過，門口望入去覺得幾吸引，行入去心諗啲野咁熟口面先醒起之前幫襯過😂。不過好彩呢日有買到，因為之後行程太緊密已經去唔切新宿分店🙈，原本仲打算最尾一日買啲返去俾屋企人食…


🔅ドーナツピスタチオクリーム (453円)
開心果味冬甩好有驚喜！睇個樣好普通，但食落cream又滑，唔會好膩，幾香開心果味🥺。冬甩本身都鬆軟得黎又夠煙韌，好彩香港無得食，唔係實成日幫襯😂。
🔅クイニー・アマン (313円)
上次都有分享過呢個法國焦糖奶油酥，不過之前食抹茶味，依家可能抹茶祭(?)完左就唔多抹茶products。但原味都唔錯，好夠脆，啱螞蟻人🐜 🖖🏻。

🔅抹茶とホワイトチョコのスコーン (346円)
🔅チョコレートチャンクスコーン (291円)
回購again～Scone細細舊但好好食，鍾意佢個皮夠脆但入面又唔乾，加埋朱古力粒好脆，又夠牛油香💚。 🔅クロワッサンコロネマロン (400円)
上次買過呢個螺旋卷(唔知中文叫咩)覺得幾好食，但呢次買栗子味覺得麻麻，純粹唔啱個人口味…香港好少食栗子products既野，可能鍾意mont blanc既朋友會鍾意。

💬鍾意食包類pastries類既推薦要黎幫襯下🫶🏻(分店主要喺東京同福岡)，好食又唔貴，款式又多😚，總有一款啱食～

呢間係碌ig見到即刻bookmark左🔖，特登book定枱食上野分店😍。100min放題(6,578円)加埋飲み放題(soft drink 748円)，計返每人HKD$387唔算好貴😝。



🔅プレミアムコース (6,578円)
放題有56款任食，主打牛舌當中最特別既就係厚切牛舌😍。一開頭有店員幫手燒，燒到好好食🥺。無論係厚切定普通牛舌都好爽口好正！推薦加埋蔥同沾柑橘食😝，口感清爽少少～不過到自己燒厚切牛舌既時候都係好易燒燶左但入面仲好生🤣。
雖然基本上得都係得牛🐮，主要有牛舌，仲有牛肋肉、橫隔膜、內臟等等，好似無豬同雞，所以同行朋友如果唔食得牛就🥲…
💬Overall幾滿意😚，肉質ok，100min都夠食到飽，staff又nice，鍾意食牛舌👅既推薦黎試💕。

呢次住上野站，附近好多野食🤤，無新宿咁多人，車站都易行啲😂(想當年經常喺新宿車站迷路)。上次同事大推呢間蝦拉麵，呢次住咁近梗係要黎試下有幾好食😝。


🔅特製海老ポタらぁめん (1,080円)
不愧係蝦濃湯拉麵😍！湯頭蝦味超濃郁，唔太鹹，夠重口啱晒我😋。麵條唔算幼，有咬口，再掛湯少少就好🥺。個碗好有質感好有重量😂，應該保溫保得勁啲？叉燒肥瘦剛好，灸燒得幾香，加埋一隻半熟蛋同筍好豐富！
🔅大粒焼餃子 (380円)
餃子就正常日式煎餃，但偏大隻。淨係拉麵有啲dry，加埋餃子啱啱好。
💬見好多人都係推薦蝦濃湯，真係幾好味💮，價錢都合理～鍾意重口味既朋友仔可以黎試✨。

之前去廣島試完廣島燒覺得幾好食，所以呢次見到呢間comment都唔差既廣島燒就黎回味下😋。無book位都好彩坐到最後2個吉位😂，坐正bar枱望住師傅整👀。

香港好似無咩廣島燒食，簡單介紹下:
廣島燒比較有層次，逐次加配料落去鐵板到煎，最後仲會加個麵，食落口感豐富又有層次啲。相反，大阪燒就係將所有配料撈勻倒落鐵板，喺屋企都好易整😝。

🔅広島焼デラックス (1,820円)
🔅肉玉そば (1,160円)
除左deluxe多左海鮮，基本上既配料都差唔多。有滿滿既椰菜絲、芽菜、天婦羅碎、豚肉同煎蛋，超足料🥺。
💬可能少見外國客，店員比較cool 😂。食物唔錯，但建議2個人黎既可以share一份廣島燒再加其他一品料理會無咁齋🤣。

朋友好鍾意食pancake，google見到呢間幾出名所以去開江之島就試一試。平日12點左右黎到，唔使等位～雖然室外環境仲正(望到海)，不過都係想涼下冷氣就無坐出去😂。

🔅バイナップル、ホイップクリームとマカダミアナッツパンケーキ (1,507円)
呢款pancake應該係必叫😍。Pancake好鬆軟，食落有飽肚感😂，加埋菠蘿同cream啱啱好。菠蘿仲要係新鮮菠蘿🍍，唔係罐頭野，幾甜，不過切得太細粒🤣。Cream好滑有空氣感，唔膩。
🔅モチコチキン＆ワッフル (1,518円)
Waffle偏薄身，幾煙韌，邊邊位都脆。炸雞好嫩滑好juicy，醃得好入味。
🔅しらすとエビのバジマヨオムレツ (1,650円)
奄列蛋好滑，好多白飯魚，吐司就普通啲～
💬環境好chill，人唔算多又坐得舒服，慢慢嘆個lunch食下甜品又幾正✨。

呢次去東京去埋disney，之前去左land所以今次揀sea 😝。雖然機動遊戲都唔係刺激既類型，但好有氣氛同故事性，令唔係disney fans既我都玩得開心😳。

排左成日隊又唔係好肚餓，中途都係食左小食，晚餐食左個咖哩。原本覺得主題樂園既野食都係又貴又唔好食，但呢次食2間都ok，未到好出色但價錢同味道都成正比🤣。

🔅チキンカリー (900円)
因為呢到最多位又坐得舒服所以黎呢邊食🤣。日式咖哩加一塊naan，普普通通。始終係中東既curry + naan好食啲😌。

之前去鹿兒島試過呢間餐廳覺得幾有趣，可以自己動手炸串🤣，呢次黎東京見到有分店就黎食多次😝。

餐廳採取自助形式，有超過20款食物可以拎，自助區仲有沙律🥗、甜品🍰、熟食🍛任食🤤。90min放題每人2,900円，另加330円飲品bar放題，計返都係每人百幾蚊港紙😎。另外環境夠寬敞光猛，坐得舒服～雖然大部份staff都係南亞籍人士，但都好nice。
除左主打炸串，仲有多款甜品任食🧁。呢期做緊抹茶祭💚，有蕨餅、卷蛋、啫喱等等，比想像中好😆。
💬食物無咩得別，但選擇頗多，勝在可以自己炸野，沾一沾粉漿同麵包糠丟落去就得😌，滿足我呢個炸物控🖖🏻，仲可以自己DIY黑暗料理😂。