上個月去咗日本旅行，嚟咗呢間食，覺得好好食，一定要分享俾大家ᵒ̴̶̷͈᷄ᗨᵒ̴̶̷͈᷅ 呢間磯丸水產係日本東京有好多分店，喺當地算係出哂名好抵食嘅炭燒海鮮店，鍾意食海鮮嘅你去到東京千祈唔好錯過呀～入到店內，好少見到遊客嘅身影，反而日本市民居多！被日本人包圍嘅感覺真好，感覺自己都係其中一分子～๑˃́ꇴ˂̀๑ 今次呢餐好豐富，叫咗名產殼烤蟹黃、串燒須赤蝦、烤魷魚、名產活貝磯丸烤拼盤同厚切煙肉！蟹黄嘅蟹味濃郁，味道鮮美，燒起上嚟油分偏多，但係食落畢生難忘，簡直天堂美食，入口綿滑，惹味非常，真係唔識形容嘅好食♡其餘各類海鮮味道鮮甜，同樣美味～值得一提嘅係厚切煙肉，肥膏同埋肉嘅比例一半一半，有咬口得嚟又有入口即融嘅感覺，肥而不膩，燒起上嚟仲帶有濃郁煙燻味，正～呢餐冇9分都有10分๑˃́ꇴ˂̀๑ Total: 8260 yen

開店後40分で並び中にパンケーキやどうぶつクッキーが完売となる可能性がある超かわいいパンケーキ屋さん🥞 1回目は平日の午後へ行ったけど、パンケーキとクッキーも予約不能で完売してしまいショックをすごく受けた😭そして今回開店直前に着いたらもう10人くらい並んでた...！そして11:35くらいどうぶつクッキーは完売した🥹 もしどうぶつクッキーも食べたがったら、開店の時間を予約した方がいいと思う！ . KUMA SAND SETは6種類があり、くまサンド専用クッキーやどうぶつクッキーを追加でトッピングすることができる🧸 熊ちゃんクッキーが熊の形をしたパンケーキを支えてる様子が可愛すぎる🥰✨もし甘い系パンケーキが苦手だったら、お食事系のも選べる いちごショート　2,090円 モンブラン　2,090円 くまライス　1,430円 焼きプリン　495円 ＊＊＊＊＊＊＊＊＊＊＊＊＊＊＊＊＊＊＊＊ ヘンテコ 森の洋菓子店 住所 ｜ 東京都目黒区碑文谷4-15-17 1F ＊＊＊＊＊＊＊＊＊＊＊＊＊＊＊＊＊＊＊＊ 之前係IG見到覺得超得意就bookmark左想黎食！點知第一次去隔陣嗎諗過平日下午招牌熊仔pancake同動物曲奇都已經賣曬😭今次星期六一早開門口就黎到，前面已經排左10人左右，11:35動物曲奇又賣曬🥹 雖然可以預約位，但pancake同動物曲奇都唔接受預約，黎旅行想去呢間既朋友要注意啦！ 熊仔pancake總共有6款，有甜有鹹，分別度可以加錢配一塊熊仔曲奇🐻雖然係傳統pancake但都偏鬆軟，而且好香蛋味！睇住塊熊仔曲奇撐住兩塊熊仔形狀既pancake真係好治癒唔捨得食🥺

第一日check in完我地就去酒店附近食Omakase🫶我們不諳日語，但又想與大將交流，於是選了這間多遊客而且大將英語不錯的壽司店，我們的予約方法很直接，就是直接在Google map找到店家然後send訊息聯絡😂 當日由大將島崎大輔主理我們的晚餐，10人吧枱上只有我和男友是亞洲人面孔，也有日本人坐在包廂。壽司口味對我而言略重，如果配酒更適合。不過所有魚生的質素都非常高，單單食舊魚都好新鮮好滿足🤤 🌟🌟帶左頭盔先，純粹非專業飲食體驗分享💕 Dinner Omakase 1. 鰹魚刺身（加左蔥蓉） 2. 醬油漬吞拿魚+山藥 wasabi🌟 3. 燒白子🌟 4. 蠔 (檸檬汁) 5. Sun dried 6～7days 燒鯖魚 6. 野生蝦🌟 7. 池魚 (鹽) 8. 魷魚🌟 9. 醬油漬 赤身 10. 中拖羅🌟🌟🌟🌟 11. 大拖羅 12. 燒大拖羅 13. 蘿蔔苗 14. 小肌 15. 海膽 (鹽) 16. 三文魚籽 17. 海鰻🌟🌟 18. 玉子 (柑桔味） 19. 鐵火卷 20. 麵豉湯 21. 雪糕（開心果、士多啤梨、藍莓） 打左星星嘅係我覺得好味的，我最鍾意中拖羅🤤肥美，魚味濃，魚生真係好高質🤤🤤🤤海鰻炭烤味濃，肥而厚，最鍾意係只加左少少醬汁。上野生蝦時，師傅見到對女仔黎講太大舊，細心地切開一半，蝦非常新鮮🤤 另外酒餚我非常鍾意醬油吞拿魚配山藥，食時建議先唔好撈埋wasabi，兩種不同質感加埋一齊非常特別🤤🤤另外燒白子非常特別，喺香港我只食過拌入酸汁嘅做法，炭燒白子我認為更能發揮白子種食材，對於怕白子滑潺潺口感嘅人可以放心食呢味🫶 飯酸度適中，唯一不太喜歡的是有些壽司會灑上海鹽，令口味變重。如果沒有加鹽應該有不少壽司我也喜歡。師傅非常友善，很喜歡與每位客人交流，亦關心客人的口味喜好。師傅最後更端出由他的媽媽於2014年釀製的梅酒。雖然我少喝酒，小酌一杯覺得很易入口，梅子香氣濃郁🤤總括而言，性價比十足，食材高質，師傅好客，值得一試。

來到日本🇯🇵東京，吃特別一點🌟，出發前預訂了河豚料理🐡，即係雞泡魚！ 一次過吃了用河豚製作的涼拌河豚皮、河豚生魚片、河豚火鍋、烤河豚、烤白子及炸河豚等料理，非常豐盛☺️ 而河豚肉質比其他魚都彈牙，吃起來我們覺得有點像龍躉，配上葱花、羅白泥和醬油等調味，甘香鮮甜❣️ 🍲不得不提，河豚火鍋是用紙鍋裝盛，再用竹籃放在電磁爐上，我還是第一次看到，比起金屬鍋感覺更有質感～ 日本火鍋的收尾當然就是雑炊啦～將剩下的河豚湯加入白飯和蛋煮成粥，吃盡了河豚的所有鮮味，整個的河豚體驗好滿足😇

呢間復古咖啡店喺昭和45年1970年創業 正面對住歌舞伎座右手邊條街見到好長人龍就係嗰度喇 細細間舖分開兩層都係以簡約木系配紅色絨梳化 牆上仲掛咗好多簽名添 ✨名物蛋包飯 - 1,300円 橢圓型淡黃色嘅蛋包響粒粒分明嘅蕃茄醬炒飯上面 中間一刀切落去，啲蛋汁多到就瀉出嚟 可能加咗芝士嘅關係，蛋係略嫌較濃奶味蓋過咗蛋香 總括嚟講濃郁嘅蛋配酸甜嘅炒飯係值得一試 lunch set 包一杯嘢飲 比較特別嘅係熱咖啡會附上忌廉 可以自製維也納咖啡☕️ 男生們是非我細細聲講給你 記得加200円叫大盛呀唔係肯定唔夠食 🥢喫茶you - kissa_you 🇯🇵東京都中央区銀座４丁目１３−17 高野ビル 1F・2F 營業時間：1100-1600

.Pâtisserie & Chocolat Del'immo. del'immo喺2013年由響比利時進修完嘅江口和明創立 宜家響東京總共有7間分店 今次響日比谷tokyo midtown食完晚飯就落咗B1層呢間分店食甜品 雖然menu有超多甜品選擇 但係parfait非常之吸睛基本上每枱都起碼有一個 ✨chocolatier - 2,300円稅拔 總共25cm高嘅parfait有14款材料咁多 成個chocolatier parfait主要係以74%可可為主調 雪糕有朱古力味同咖啡味 朱古力雪糕部分用上越南產嘅74%可可製作 混合4種朱古力製作嘅#朱古力忌廉、#brownie、#朱古力醬 配埋酸酸甜甜嘅#黑莓，打到呢度都忍唔住吞咗一啖口水 parfait個底仲有#朱古力脆脆添 真係一次過可以滿足晒好多個願望 咁靚又咁#打卡able 朱古力控去到日本點可以錯過🫢 🥢Pâtisserie & Chocolat Del'immo 🇯🇵東京都千代田区有楽町1丁目1-2 Tokyo Midtown日比谷B1F 營業時間：1100-2300 (LO2200)

.sarabeth's東京店. 有紐約早餐女王之稱嘅sarabeth's 響東京開咗三間-分別喺東京站、新宿同品川 招牌嘢係 #frenchtoast #eggbenedict #pancake 朝早8-9點有限定嘅early bird plate 一早嚟食個早餐今次先試個法式多士 ✨法式多士 - 1,510円 總共有四塊沾滿蛋液嘅法式多士嚟嗰陣已經充滿蛋香 咬落非常鬆軟好似空氣咁，唔會濕立立一入口就爛 伴碟有香蕉同士多啤梨，仲可以配埋楓糖漿同忌廉嚟食添 初初仲以為覺得唔夠飽 但係食晒四塊之後再加埋杯咖啡原來係非常之飽肚 溫馨小提示 東京站呢間分店響八重州北口出穿過大丸之後左手邊嘅鋼鐵大廈 記住沿住馬路行多少少見到扶手電梯先響嗰度上呀 唔好盲舂舂見到大廈門口就一早入咗去，嗰邊上唔到餐廳㗎 官網有得book定枱不過早餐就咁行入去唔洗等位 🥢Sarabeth's東京店 🇯🇵東京都千代田区丸の内1-8-2 鐵鋼大廈南館2、3樓 營業時間：0900-2100

呢間被喻為「東京五大豬排店」之一嘅丸五位於秋葉原 排番一頭半個鐘先入到去係基本🫢🫢 仲要記得早啲去排呀因為會截龍 一入到去著住白色制服嘅師傅會一齊望住你好親切咁打招呼 丸五嘅裝潢同其他日式食堂冇咩大分別 可能牆上有啲歷史嘅擺設襯托令人有種番到屋企嘅感覺 菜單除咗豬，仲有雞、牛、蠔同蝦揀，可以散叫或者定食(配椰菜絲、味噌湯、白飯) 豬就有fillet同loin揀，兩種都有個特上版(先到先得) 嘢食係即叫即炸，豬扒係以低溫油炸所以快極都要等20分鐘左右 之所以能夠成為五大之一果然水準係唔同啲 先講豬扒 (fillet) - 頭兩舊直接食唔點醬，肉質鮮嫩多汁兼冇筋 炸粉異常鬆脆，食落口一啲都唔油膩 中間肉嗰部分非常鬆軟，一啲都唔柴唔硬 而loin就每舊都有少許肥膏 之後可以跟個人喜好加檸檬汁/豬扒醬/黃芥末等，成件事配白飯一流 唔好以為得豬扒好食，伴碟嘅椰菜絲亦非常之爽口 配埋獨有甜甜地嘅千島醬，好食到要添咗兩次 特別細心嘅位係一坐低落單前係會畀綠茶🍵 食完之後就轉杯焙茶去畀你解下油膩 一個炸豬扒定食三千円落到樓真係超抵_ 🥢丸五Tonkatsu Marugo 🇯🇵東京都千代田区外神田１丁目８−14 營業時間：1130-1500/1700-2100（逢星期一、大多數星期二休息）

通常喺銀座行到攰都會搵間舖坐下嘆杯啡 位於8丁目嘅Cafe de L'ambre響1948年(昭和23年)創立 係日本第一間只賣咖啡嘅舖頭嚟㗎 創辦人關口先生覺得最理想嘅咖啡係應該好似琥珀咁嘅澄淨透明 所以就將舖名改做法文嘅琥珀-l'ambre 招牌標榜coffee only、own roast、hand drip 呢間咖啡店大概有20個位 無論係裝潢、擺設、用具都充滿住昭和時期嘅風格特色 試幻想喺陰暗嘅光線、淡淡嘅煙霧、坐響紅色沙發 響呢個咁懷舊嘅氛圍底下嘆杯陳年咖啡 仲唔係花樣年華同老派約會之必要🤩 菜單有混合豆、單品豆、仲有星號標示嘅都係最少10年起跳嘅陳年豆 最出名當然係no.7嘅琥珀女王啦 但係最後都係試陳年豆 話晒都飲一杯少一杯 睇住咖啡師非常用心熟練咁一路搖住法蘭絨濾網沖杯陳年啡 確實係賞心樂事 溫馨提示買到一袋二袋就無謂去逼喇 始終每張枱存放物品嘅位置都唔太大 ☕️Cafe de l'ambre 🇯🇵東京中央區銀座8丁目10-15

明治22年(1889年)創業，2010年正式登錄有形文化財產 宜家傳到去第四代，134年歷史老字號嘅味道 連當地90歲嘅婆婆都會去排隊食嘅天婦羅 舖頭主要用檜木、櫸樹、日本杉木 1927年到宜家真係可以話每條木都經過歲月嘅洗禮同相當之有歷史 天丼有「イ」(i)、「ロ」(ro)、「ハ」(ha) 分別係細、中、大，每款都有天婦羅蝦 「イ」得白魚；「ロ」同「ハ」先有鰻魚同野菜 另外菜單亦都有海老天丼🍤同畀小朋友食嘅小天丼 排隊嗰陣已經落咗單所以都唔算等得耐 天丼「ハ」大大碗打卡真係一流 土手用嘅鰻魚(穴子)係自家設置水槽專屬養殖 咬落去真入口即溶，大啖肉兼冇乜細骨，怕啃骨嘅都可以放心 不得不提嘅係炸魚骨，必食推介 叫支啤酒就有得食，非常之脆口兼送酒一流 蝦就反而主觀覺得差少少鮮味 同整體都比較油，天婦羅唔算太乾身 食完覺得有少少膩但老字號嘅味道都值得去體驗感受一下 全間舖只係得大約20個位，有機會坐榻榻米要除鞋呀 去之前記得留意下自己有冇著咗穿窿襪呀 🥢土手の伊勢屋 🇯🇵東京都台東區日本堤1丁目9-2 (日比谷線三ノ輪駅3號出口行10分鐘) 營業時間：1100-1430（逢星期三、第4個星期二休息）

一講鰻魚飯東京有好多間都好出名 但係出名條隊好長淨係排隊可能要成個幾鐘 伊勢定喺(昭和21年)東京日本橋創立，係一間超過75年歷史嘅老字號 位於東京大丸呢間分店有30個位，最緊要係基本上唔使點等位，可以慳番寶貴嘅時間之餘，亦都食到有質素、正宗傳統江戶前蒲燒鰻魚飯 ⛩餐廳店内日式風格格調非常優雅 一個人等緊旅伴洗樓嗰陣可以坐吧台(師傅得閒嗰陣可能會同你吹下水㗎) 幾個人買嘢前/買完嘢坐窗口位可以睇到JR東京站十幾條火車軌+丸の內嘅風景 - 絕對係同時享用美食同觀賞迷人晚霞嘅理想場所 🍽️鰻魚蓋飯有松、竹、梅、櫻、菊揀 鰻魚係採用日本當地純國產同每日新鮮製造 熟練嘅工匠精心以白燒、蒸、本燒製作關東風嘅蒲燒 配上秘製醬汁同長野縣產越光米嘅飯 淨係聽到呢個組合已經流晒口水 🍱定食有埋湯、前菜、茶碗蒸、小食/刺身 唔夠食都推薦加個烤鰻魚肝/入口即溶嘅蛋 兩個人連稅一萬円都唔洗就食倒呢間傳統老店嘅獨有秘方同每日用心製作嘅技藝簡直係值回票價🤩 而喺日本橋嘅本店其實都只係離東京站十分鐘腳程左右 偷偷話你知，嗰度有三層兼價錢係平啲啲添㗎

去日本不一定要食日本菜，西式料理亦是不錯選擇。 今晚食法國菜，不是高級那種，不需用上幾個小時才完成一頓晚餐。 環境比較平民化，還有live music。今晚是銅琴表演。 套餐約五千円左右，非常抵食。 食物無論用料，賣相都相當吸引。 先來芝士脆脆，芝士味十分香濃。 前菜兔仔造型巧可愛，入口綿滑。 帶子配慕絲，清新好特別。 白子入口即溶，好食。 丹波雞肉不嚡口，味道還可以，如醬汁多少少更好。 最後是我最喜愛的朱古力雪糕，完美。

無論咖啡初哥定係對咖啡有啲研究嘅，位於東京表參道原址重開嘅koffee mameya就當然要去探索吓啦 以百子櫃陳列咖啡豆加上簡單具質感嘅裝潢 令客人能夠響放鬆同悠閒嘅氛圍下嘆杯咖啡 雖然空間有限只容納到最多三組客人 但係整個一對一嘅手沖咖啡體驗簡直係冇得頂 駐場咖啡師首先會簡單介紹一下koffee mameya嘅背景 之後會根據客人嘅口味推薦豆單內兩款最適合嘅咖啡豆 並會細心解說咖啡豆來源地、莊園、烘培方法等等嘅資料 揀好豆後會即刻磨成粉畀你聞一下咖啡粉嘅香氣 隨即就會開始沖煮，過程中咖啡師亦會講解水溫、研磨度、萃取時間等嘅資訊 之後等你品嚐啱啱沖好嘅咖啡嘅同時 就會為你講解一飲入口杯咖啡帶有嘅味道 整個過程絕對冇冷場嘅時間 我就比較鍾意深烘，揀咗肯亞Kangunu☕️ 層次非常豐富而且濃郁嘅口感飲落去非常舒服 言談間咖啡師仲請咗我飲咗杯呢隻豆嘅cold brew添 有玩開手沖嘅朋友，響嗰度買咖啡豆簡直係非常方便 咖啡師會根據你平時用開嘅研磨/濾杯等器具 幫你調教好專屬嘅沖煮方法 等你響屋企可以好輕鬆就品嚐番同樣嘅味道 無論係互動、對咖啡嘅知識、用心細心沖煮嘅專業態度加上整個過程嘅視覺享受 可以搵到最適合你嘅咖啡口味之如 完全彌補到排隊等候嘅時間 手沖咖啡係冇糖冇奶㗎 唔好再入去問人地有冇cappuccino/ mocha/ latte/ flat white喇 ☕️Koffee Mameya - Omotesando 🇯🇵東京表參道神宮前4丁目15-3（表參道駅A2出口） 餐牌

呢間係tabelog長期高人氣 聽講之前勁難book㗎 開關無耐梗係搶住去啦 ❣️おすすめコース(推薦套餐) ¥7700 (~HKD$470) 🥢前菜 一舊好似菜咁嘅嘢 面頭放咗啲粉紅色嘅木魚碎 食落個口感有啲似茄子 甜甜地 🥢2種當季食品 🥢壽喜燒牛肉片 嚴選優質霜牛油脂分布平均 真係輕輕掂下個鍋就食得一夾起點埋蛋醬無得彈 滑捋捋嘅蛋液包住入口即溶嘅牛肉 雖然今次我哋唔係叫最貴嗰set 但呢個牛肉已經滿足到我哋 🥢90g蔬菜 呢間標榜咁多年來都只有新鮮名產地蔬菜 所有蔬菜都經過精挑細選先會上枱 我哋嗰份包括燒豆腐 洋蔥🧅 大蔥 茼蒿 粉絲 蔬菜吸收咗壽喜燒個汁 全部好鮮甜 洋蔥爽脆多汁 粉絲煮完再用蛋漿好似沾麵咁食 好爽 🥢白飯 🥢味噌湯 唔知係咪前面壽喜燒食得甜嘅關係 覺得呢碗湯好鹹好鹹所以飲咗兩啖就無飲lu 🥢士多啤梨雪芭 啱啱拎出嚟嘅時候成粒冰咁 刮到刮唔郁 仲驚整壞隻匙羹放咗陣先食到 淡淡地嘅🍓味 中間仲有啲果肉 好fresh 專人服侍一枱一個waitress 由頭煮到尾都唔使自己落手坐低等食殘廢餐 仲要每樣嘢逐塊逐塊上 服務態度超好 唯一缺點係埋單要15% service charge 即係每位要俾多¥1155 (~$70) 如果去東京咁啱約到都可以去試吓嘅

大家都知日本啲舖頭好早收 應該食夜晚飯嘅時候唔肚餓 搞到夜晚10點11點先嚟搵食 選擇唔多得返啲酒館同居酒屋🏮最後抽籤揀中咗呢間試下 ❣️厚切りハムカツ(厚切午餐肉) ¥429(~$26) 外層好酥脆 夾心午餐肉的確都好厚 淋咗少少黑醋汁食埋旁邊伴碟嘅蔬菜去左啲油炸感 整體上都唔錯 ❣️にらたま(韭菜煎蛋餅) ¥429(~$26) 呢個係相對中華風嘅料理 同我哋平時食開嘅冇乜分別 可能預咗你會落調味料 淨食蛋冇乜味 最後加返少少豉油就Perfect啦 ❣️コブクロ辛味噌刺し(辛味豚子袋刺身)¥429(~$26) 其實係唔識日文睇圖亂嗌 豚子袋換言之係🐷嘅子宮 外型好似旋轉形嘅海螺🐚白雪雪顛覆咗對一般內臟嘅想法 食落煙韌好似食緊豬耳咁 之後Google先知原來係日本人嘅伴酒零食 不過呢一份對我來講真係太辣啦 隊咗兩杯啤酒先食得晒成碟 ❣️鉄鍋餃子1人前(鐵板餃子10隻) ¥550(~$34) 其實我哋喺俾樓下啲餃子相吸引咗上嚟 成間舖頭任何一個角落都貼左餃子嘅poster 所以最期待最期待呢個 一口一隻🥟 size啱啱好 伴酒食真係食幾多都唔夠 不過可能鐵鍋煎嘅關係 食落油膩感重左小小 ❣️タレ焼きとろホルモン(醬燒肥腸)¥429(~$26) 都係睇圖點餐 平時唔食內臟嘅我仲以為燒魷魚嚟 因為個口感真係好似醬燒超入味 食落有啲韌甜甜地 ❣️博多鉄板烧肉(博多鐵板燒肉) ¥605(~$37) 頗大份都幾多菜下 至於啲肉係底cum住左 整體賣相同幅圖有少少出入菜葉比較生 食落爽脆 豬肉醃到幾好味 鐵板炒菜嚟講呢個都幾抵食 ❣️元祖渋谷焼きそば(元祖澀谷炒麵) ¥682(~$42) 居酒屋必點item 賣相好靚好吸引 洋蔥蒜粒香蔥同啲麵炒埋一齊 好香好香 面頭再打多隻蛋撈埋晒一齊食 仲有隻夾仔夾好過癮 都幾夠鑊氣 不過呢啲炒麵好似無論食幾多次都覺得好鹹好鹹但伴酒食的確一流