黑毛和牛壽喜燒吃到飽，沒有事前預約，晚上大約9時去到，叫我們9時半再來。我們9時半再來，就可以進入了，幸好不用等太久。 可以選壽喜燒或涮涮鍋或燒肉，都一樣價錢，肉分為黑毛和牛肩脊肉或特上黑毛和牛肩脊肉，價錢相差¥1500，我們選了特上。 一開始第一盤肉，店員會先幫我們煎兩塊，然後加入蔬菜和肉煮成壽喜燒，接下來就是自己煮。生雞蛋可以無限追加，吃壽喜燒一定要有生雞蛋。 再追加的黑毛和牛質素也是一樣好，但和牛真的很飽，我們兩個人只吃了兩碟，吃了一碟豬肉也還好。另外有拌飯、麵、湯、前菜可以點，我們只試了泡菜。 另外追加無酒精飲品喝到飽，每人¥500。 環境是完全個室，坐得舒服。 最後有甜品

這一間是大阪才有的蛋糕店，是人氣排隊店，雖然很多人排隊，但排得很快，因為廚房內不停焗蛋糕，蛋糕一直出爐，買得很快，但買到的蛋糕也是熱騰騰的，不是放在冷掉的。 本來沒有抱著很大期望試，只因為是人氣店就一定要買一個來吃，但意外地非常好吃。 新鮮出爐，熱騰騰非常柔軟的蛋糕，很香，又完全不甜。 價錢不貴，蛋糕底有提子乾。 還再買了一個回酒店冷藏，再帶回香港吃，之後用焗爐翻熱。雖然和現場買馬上吃還是差得多了，但也是好好吃。冷藏好像可以放三天，買回國也不錯。

很有氣氛的店，大約十多個客人圍住一張大桌子，面前放了很多食材，點單後，師傅就會拿面前的食材去燒，全部串燒、燒物都是即點即煮，要等一段時間，但燒得很香很好吃。 食物種類多，魚、牛肉、豬肉、雞肉、蝦、海鮮、串燒也有，也可以點刺身，不過刺身沒有特別出色。 餐牌有中文英文，方便遊客也可以點餐。 位子不多，食物即燒也需要時間，所以排隊等入座等了1小時。雖然很累但好吃。 從廚師遞來的長板上拿走食物，很有特色，很有氣氛。 會給前菜枝豆，要收費。 老闆很健談，中英日韓語都會。

收到風之前幫襯開嗰間星級法國餐廳升呢後反而跌watt數，疫後就膽粗粗咁揀咗間同樣有星星，但出名煮野味嘅「agnel d'or」。西餐廳隱藏於寂靜嘅住宅區內，米白色嘅門面簡樸得黎卻又不失時尚。室內相同格調嘅用餐大堂一眼睇哂，估計最多容納十多位貴客。最入位置可以𥄫到由米芝蓮車胎人看守嘅廚房有幾明亮潔淨！五人小派對被安排於離開廚房最遠嘅一角進行，感覺有更多私人空間。餐桌白色嘅枱布上擺有簡單嘅自用餐具，每上一道菜時都會換一次。晚市只提供一款十道菜廚師發辦料理（17,500円/位，另加稅及服務費），有任何食物敏感記緊要訂位時聲明。官仔骨骨嘅服務生體貼客套，由於菜單只印出日文版，得知五口子只能用英文溝通，每道菜上枱時佢都用部翻譯機顯示出用上嘅食材及調味嘅簡介，態度相當認真。厚本酒牌上嘅項目實在太多，不願費神嘅長輩結果就點咗包八杯嘅餐酒配對套餐（12,000円/位）；靚靚媽咪話值得一讚嘅係侍酒師會預先斟出啲紅酒喺旁邊透氣，非常專業！XO仔則全晚淨飲Andre Clouet香檳（2,500円/杯）。秋刀魚 銀杏：為晚餐打響頭炮先有節令嘅秋刀魚及銀杏！型格皮造餐墊上嘅碗中有三大粒青綠嘅白果，連同一小口清湯及菜苗食落去，清爽尤甚。另上嘅秋刀魚魚肉結實有彈性，暗藏喺底仲有條脆卜卜嘅肝醬春卷，一啖過咁食，效果甘香鮮美，春卷皮薄如紙張，好似威化咁脆巧，絲毫不膩滯。細佬嗰份用上白色鐵盤承載以標記為不含果仁版，其餘黑色鐵盤上嘅肝醬春卷均內含花生。兎　セロリ　ハヤトウリ：第二道菜已有野味出現，三部曲由兔仔肉所譜出。圓盤邊呈餅塊狀嘅點心係由兩片芹菜根造出嘅脆片夾入兔仔肉碎，外脆內軟潤。形似龍眼嗰件為混入咗孜然同兔仔肉製出嘅迷你熱狗，小點鬆厚得黎同時帶出微甜及微辣，絲毫不覺野味陣腥羶。陶瓷杯內最底層藏有兔仔肉碎，舖面嘅白色忌廉泡泡乃芹菜所打出，綑邊深綠色嗰層原來係冬瓜溝兔仔膠攪成嘅啫喱，應建議大大羮一口氣全部𢳂哂黎食，涼涼地嘅菜式好清新，唯一個人只係覺得墊底嘅兔仔肉嚡得有少少似罐頭吞拿魚咁。スッポン　小芋 豆 ハモントレベレス：嘻嘻，黑碗中嘅綠豆只係裝飾，唔食得嘅。豆豆上高嘅杯撻主材為咸咸脆脆嘅枝豆，真係食唔出脆薄嘅外殼竟然係用腐皮炸出，輕盈得很，勁深嘅綠色仲要係用枝豆磨成，分子元素確真意想不到！另上嘅火腿水魚波波食完都唔知食咗水魚，面層塊西班牙火腿軟薄同唔咸，水魚香潤得黎完全冇一陣濃烈嘅味道，最意外就係食完個胃暖笠笠，極其舒暢！平目　大根　発酵米：菜式於上枱後由專人續一灑上雪白嘅粉末，煙霧效果仙氣逼人！鐵盤上薄到透光嘅平目魚薄切及蘿蔔片本身味道清淡，黏上以發酵米粒及醃蘿蔔磨成嘅冰沙粉末即添上清新嘅咸香，實有畫龍點睛之效！據悉，店內嘅所有麵包均由大阪名店「Le Sucré-Coeur」包造，當晚嘅柑橘奇異果包包身夠鬆，外脆肉軟，入面少量嘅果肉已能吊出清甜嘅果香。鮑　茸　マコモダケ：相片唔係好影得出，圓碟中間個凹位其實啱啱好放咗件新潟県產嘅八色椎茸菇，炭燒過嘅菇菇浸咗喺濃縮嘅磨菇湯內，芳香軟腍。舖面仲有幾款雜菌及鮮潤嘅德島鮑魚片，最特別就係加咗幾片爽脆嘅高筍，菜式鮮味得黎口感好豐富。鮮魚 烏賊 ユリネ：源自長崎五列島嘅七帶石斑魚只係輕輕燒過層魚皮，厚厚嘅魚肉白滑甜潤，黏上百合泡泡再連同黑漆漆嘅墨魚他他一次過食落口，組合契合鮮甜，好有化學效果！素麵　海老　菊芋：放滿菊花花瓣嘅擺盤鮮黃亮麗。食用前由專人斟上蝦味清湯，花香迅即四溢撲鼻！喺日本食法國餐經常都會見到啲廚師用上當地當造嘅海鮮、肉類及蔬果作食材，用素麵都係第一次。收埋喺菊花底產於奈良嘅三輪素麵修長軟滑，混入墊底嘅鳥取甜蝦他他肉及鮮濃嘅蝦味清湯，當中微微嘅辣勁醒神又醒胃，麵品清爽輕盈，份量恰到好處唔溜滯。鹿　蓮根　ホオズキ：食咗幾款海鮮，主菜終於再有野味登場，鮮紅潤澤嘅肉塊質感好似牛肉咁，唔講完全唔會估佢係鹿肉，聽落仲要係好有來頭嘅北海道蝦夷鹿！燒到兩三成熟嘅大腿肉鬆軟唔多肥，而且肉汁豐沛，沾上酸甜嘅秘製柑橘雪利醬即倍添清新。嘻嘻，轉入甜品環節時，明顯未夠喉嘅酒鬼三人組再加多杯甜品酒飲！マスカット　セルフィーユ：六角形小缽中嘅係以香草及香葉芹製成嘅「甜湯」，咁咪即係糖水，印象中唔多覺西餐有嘅品種，湯料中切成薄片嘅香印青提清甜又多汁，綠茸茸嘅配搭新穎芳香，好有驚喜！トリュフ　洋梨　米：甜品第二炮同咸點第二味兔仔肉一樣共分開三個章節，感覺好對稱。大碟上貌似意大利雲吞嘅其實係一層牛奶啫喱薄皮蓋住球松露雪糕拼梨肉，上枱後先撒上冰凍嘅米味粉末，展出高雅嘅靈氣。頂面塊牛奶皮起初以為會好似麵粉咁嘅質地，食落去先知係一層軟滑薄潤嘅啫喱，加埋啫喱底嘅松露雪糕同梨肉，集齊奶香、松露香、果香、米香於一身，連香味都可以咁有層次感，真係估佢唔到！每人一粒嘅梨味朱古力香脆甜美。玻璃杯內嘅冰沙散發出淡雅嘅梨香，同個酵味突出嘅米香好夾，成功為味蕾洗滌一番！茶菓子：整頓晚飯小肥唯一唔食得結尾嘅紅菜頭紅莓栗子波波，因內含果仁。飯後每人仲有杯焙茶，實在暖胃窩心！大阪星級食肆「agnel d'or」低調樸實，服務生親切專業，主廚老闆不單善用日本節令食材，更勇於採用個人覺得冷門嘅野味烹製精巧獨特嘅法式料理，唔配酒的話平均消費約兩萬円，價格絕對合理。

返港前約咗哥哥喺大阪會合見一見姨姨，因難以估計飛機會否延誤，午餐就好隨緣咁試訪LV於全球首設嘅咖啡店「Le Café V」。名法國品牌貌似帆船嘅旗艦店雪白無暇，於心齋橋內十分搶眼。食客可直接乘搭設於橫街嘅升降機直撻餐室；𨋢內並冇標記層數，直接用鮮黃色嘅招牌顯示，唔驚去錯地方。LV搵咗星級料理鐵人須賀洋介先生主理餐飲，一啲都唔講得笑架！餐店佔用全層面積，樓底高高，富麗堂皇且時尚有氣派！接待處旁嘅蛋蛋形吊櫈好有藝術氣質。望出窗外仲見到好粉藍嘅室外座。後方似係高櫈酒吧區。弧形嘅用餐大堂金光閃閃，唯一厚墊椅櫈有個弊處就係椅背唔夠高。唔講真係未必知，據網上資料所報，男女洗手間內嘅Neorest智能座廁原來曾經係世界上最貴嘅馬桶！埋位後當然係要第一時間去見識吓豪華嘅潔淨科技啦，嘻嘻，離開前可以再去多次嘛！每位席上除咗擺有餐牌及自用餐具，各人嘅餐巾都有張不同顏色嘅Vivienne公仔紙環扣住，年輕嘅哥哥仔見XO仔狂影相，仲好友善地話贈品歡迎帶走。飲品餐牌共有八頁之多。眼見靚靚媽咪杯「V Café latte」（2,000円）咁靚。。。XO仔結果都忍唔住加咗杯顏值同樣咁高嘅「V Ice Chocolat」（2,200円）！凍朱古力醇濃厚滑，個人覺得早餐或下午茶時間最啱飲。食物方面，午市可選四道菜嘅套餐（9,500円/位）。散點項目則有三頁。Sandwich Filet de Boeuf Wagyu “Gyu-Katsu” （5,000円）：一開四嘅三文治清楚睇到厚厚嘅鹿兒島黑毛和牛相當足料！哥哥話喺咁靚嘅環境用餐，即使口夠大都應該用刀叉切黎食先夠儀態喎。一向唔怕生嘅小肥點明要「medium rare」，不過炸和牛餡心瘀紅嘅色澤似「rare」多啲，好在底面兩塊多士夠鬆化，只係和牛偏實同唔係幾夠肥，食落唔可以話難食，但賣相及質素同間餐廳唔係咁對稱囉！媽咪一樣揀咗食和牛三文治，不同在佢點嘅係「medium」。如相所示，中間件和牛紅潤嘅肉質反而先符合細佬心目中嘅「medium rare」，食落口亦明顯鬆潤得多，且更富肉汁！Mille-feuille minute, Crème légère à la Vanille bourbon de Madagascar（2,800円）：法式千層酥不單層次分明，四層酥餅巧薄乾脆，中間圓碌碌嘅雲尼拿忌廉香甜軟滑，組合可口不溜滯。LV品牌旗下之咖啡室「Le Café V」摩登有格調，環境配套絕對一流，服務生亦專業周到。餐飲方面以特飲及甜品最為吸睛美味，如果想黎打卡，建議下午茶時間最可盡情享受。

去到大阪當然要品嚐期待已久的京都勝牛～ 從點餐到送到餐桌上大約需要3分鐘。炸牛排彷彿經過了短暫的高溫油炸，裡麵包裹著酥脆的炸麵糊，保留了原汁原味的同時，充滿了牛肉的美味，瘦肉又肥美嫩滑。本來就很粘，但沾上高湯醃製的半熟雞蛋，更能凸顯出紅肉的味道，讓人吃了還想再吃。 享受4種不同的吃法 : 說到調味料，醬汁當然是絕配，芥末醬油、山椒鹽、炸牛排醬等多種吃法的稀有炸肉排，芥末醬油：能嚐到肉的鮮美，吃起來爽口。個人覺得簡單地沾上山椒鹽吃是最好吃的(“´༥`”) ！ 而米飯是大麥米，所以口感很有嚼勁，卷心菜、鹹醬湯都可以免費續加。套餐裡的咖喱也很好吃，我很喜歡。寒冷的時候排隊稍微有點辛苦，但是給我的熱茶也是很好的印象。 而這家餐廳的魅力就在於可以品嚐到咖哩醬、炸牛排等多種口味。實惠價錢就可以吃到數量和質量都不錯的牛肉，我認為這是一家非常值得了解的餐廳。

姨姨想食壽司，所以晚飯就喺Tabelog揀咗間區內比較高分嘅「すし処 錦」（Sushidokoro Nishiki）。兩層高嘅壽司屋以木為主嘅裝潢和風味濃。由於姨丈經酒店訂位時冇講明要坐壽司吧，四人用餐被安排行上樓上要除鞋嘅榻榻米廂房。眼見長輩們有啲辛苦，溫婉嘅服務生即嘗試幫忙轉落樓下坐，無奈真係唔夠吧位。埋位每人先有熱毛巾一條。酒鬼們第一時間當然係叫酒酒飲啦！點好壽司，姐姐仔先送上前菜拼盤，每人一客，因為小肥冇得埋單，所以唔知收費詳情。拼盤右下角嘅枝豆十分清脆，左下方嘅刺身沙律則清新爽潤、酸甜醒胃，唯獨上面嘅汁煮魚唔係咁啱細佬口味。とろ刺身（5,550円/客）：靚靚媽咪食唔到咁多飯，所以叫咗客拖羅刺身。如相所示，厚切嘅刺身色澤瘀紅暗黑，吞拿魚毫不粉嫩，含脂肪量明顯極低，好自然地唔溶喺口，加上鮮味欠奉，完全唔合格囉！とろ寿司（650円/件）：始終家人鍾情拖羅，落單時姨姨仲話每人起碼食兩件先，唔好嘥時間等第二輪，點知大家最期待嘅拖羅壽司暗淡無光，即使比刺身油潤入口仍然唔夠軟滑同鮮濃，結果梗係冇再追加啦！海胆寿司：海膽壽司嘅飯飯就夠肥潤飽滿，可惜海膽只係質感幼嫩，敗筆在當中散發出嘅腥餲味。生鮭寿司：是日精選嘅三文魚爽厚柔潤，係多件壽司中最肥美嘅一款。蛤寿司、天然平目寿司：頭輪魚生認真麻麻，第二輪就請妹妹仔介紹多兩款，俾多次機會壽司店。相中白色嘅天然平目魚壽司清淡帶韌，反而上方嘅花蛤壽司更為爽脆鮮濃，但都不足以令四人再加點食物或酒酒。難波壽司專門店「すし処 錦」環境企理衛生，服務生友善客套，唯一魚生款色及質量不甚討好，價格唔算特別便宜，家人都話早知食迴轉壽司好過。

朝早陪伴下午回美嘅表妹行完街街後，姨丈已經攰到要返酒店，小肥就帶住兩位靚女繼續喺道頓堀度醫肚。眼見原本想試嗰間炸豬扒飯店條人龍實在驚人，等咗廿分鐘都好似冇乜郁動，三口子結果就好隨緣地行咗入一間唔洗等就有位嘅「手打ちそば 星」。小店共有十五個座位，包括三個吧位同三張四人枱，因對疫情仍未鬆懈，散座均以膠板隔開。靚靚媽咪真係好眼，留意到餐廳原來不設訂座，滿座時一樣要喺門外排隊，而且只收現金。樓面只有日藉姨姨一人工作，落單、傳菜、清潔一腳踢，忙碌得很，但效率絕對高。木造餐桌都好乾淨企理，埋位即有熱毛巾一條及木筷子一雙。放於一旁嘅過膠餐牌及調味料完全冇黐立立，睇落相當衛生。一頁飲品牌日英對照，簡單易明。手打蕎麥麵可選凍食或熱食，餐牌分英文及日文版。想奢侈啲可以玩雙拼。或許主要做旅客生意，所以連菜式正確嘅食法都畫埋出黎。鴨南蛮（1,700円）：蕎麥麵嘅湯底熱辣清香不油膩，修長嘅手打麵條煙韌有嚼口，鴨肉厚潤唔嚡口，份量適中唔會過飽。伴配嘅炸蝦餅亦酥化鬆脆，相當惹味。道頓堀商店街內之手打蕎麥麵專門店「手打ちそば 星」面積雖小，但環境企理，家庭式作業加限定嘅餐飲選擇容易控制食物品質，半小時已足夠享用簡單且美味嘅午餐麵食，冇蛇餅的話不妨一試。

呢間係大阪嘅人氣烤肉店，以炭火爐烤肉，採用新鮮A5級黑毛和牛作食材，必點「厚切葱牛舌卷」，呢個係出有名架！ 肉類新鮮，價錢性價比高！ 建議大家出發之前就要提早預約，否則就撲空嚕！ 獨家厚切蔥牛舌卷 ¥1550 嚴選最嫩嘅牛舌根部，每一次牛舌都好厚，從側邊切開一小口袋，中間釀入秘製葱及生姜，非常惹味。 超厚牛舌 ¥1550 選用牛舌尖，切成厚片，烤熟後，沾上檸檬汁，香口解膩 上等和牛五花 ¥1880 肥美多汁，油脂分布好平均，每一啖都有牛油嘅香氣，溶係口入邊 和牛大腿 ¥1180 建議唔好烤太熟，點小小柚子胡椒！正！ 📍地址 心齋橋店
地址：大阪府大阪市中央区東心斎橋1-6-32―1F

日本橋店
地址：大阪府大阪市中央区日本橋1-18-4 1F

南堀江店
地址：大阪府 大阪市西区 南堀江１丁目２０－１９ －１Ｆ


與小朋友外遊，晚餐會盡量訂啲近酒店同有廂房嘅餐廳，深覺食和牛最安全，涮涮鍋或者係壽喜燒可以自由控制靚肉嘅生熟度，喺大阪第一晚就先嚐迷人uncle經常掛於口邊嘅「阿婆飯店」— 「はり重 道頓堀本店」。老字號位於道頓堀十字路口位，和式嘅建築物抵調得黎其實都幾有特色，認得出店名的話，其螢光綠嘅招牌應該幾顯眼。七人派對被安排於樓上廂房用餐，進門一刻必先除鞋先可以行上樓梯。闊落嘅通道貼滿傳統和風海報，環境雅緻大方。榻榻米房光線充裕，私隱度高，活動空間足，入面仲有個衣架供貴客掛上外套。或許小肥於訂座時提及到同行有幾位長者坐唔到地下，餐桌更配備有椅背嘅櫈櫈，十分舒適。有任何需求，歡迎食客隨時撳鐘仔。不過喺百年老店工作嘅大多都係身穿和服嘅婆婆，態度高傲，零英語溝通（嗱嗱嗱，唔代表佢地唔識聽架！），幸好細佬講得兩嘴日文先冇咁尷尬。睇完相相後，想信大家應該明白「阿婆飯店」依個花名點黎啦！每位席上都有一雙木筷子。埋位第一刻當然係要先啤一啤佢啦！XO仔早已為各人訂埋晚市壽喜燒套餐「花」（12,650/位），所以餐桌連個陣都擺好，火爐、調味、蛋蛋，齊哂！晚餐正式由前菜拼盤開始，金盒內嘅兩件壽司都好爽脆，最鮮濃就係右上角嗰杯仔三文魚籽，其餘嘅款式感覺就比較一般。婆婆們好似趕住收工咁，一口氣就上哂六人份量嘅和牛片及雜菜拼盤。快速示範壽喜燒如何烹煮後迅即離開，問多兩句就答話照住佢咁繼續做煮黎食就得。無疑大大塊和牛紅白紋理鮮明，油脂分佈得好均勻，食落亦軟腍入味，喺生雞蛋黃內浸兩浸能添上香滑，加一口熱辣辣嘅白飯增強層次感，豐潤而不膩滯；雜菜都好新鮮。和牛專賣店之日本料理餐廳「はり重 道頓堀本店」懷舊古樸衛生，和牛壽喜燒高質味佳，唯獨年長嘅服務生不甚好客友善，每人平均消費上萬五円去睇阿婆面色，難免對用餐嘅享受帶黎負面嘅影響囉！

陪伴姨姨湊孫等待表妹時，小女皇突然話肚仔餓餓，所以就落咗去酒店樓下間咖啡室「Café Tsuchi」度嘆咗個下午茶。店子門外擺出大型嘅下午茶套餐及飲品餐牌供途人參閱。哥哥教落，喺日本食甜品一定要揀啲期間限定款式，幾口子就主攻秋季精選項目。由於室內坐滿貴客，細佬唯有影吓樓底勁高嘅天花板，吊出嘅木條相信係啲藝術野。杮のスムージー（880円）：貴過京都碗拉麵嘅杮味奶昔清涼甜美，豐厚柔滑，以蜂蜜加添甜味感覺潤而不溜，舖面嘅節令杮肉亦相當爽脆，個人只係略嫌細杯咗啲，唔係幾夠喉。スコーンセット（1,320円）：原來小妹妹愛食包包，所以公公就叫咗客英式鬆餅下午茶同愛孫分享。套餐含兩件鬆餅，配備新鮮忌廉及自家製嘅蘋果味牛油，另可自選限定飲品一杯。りんごのキャラメリゼトバニラアイスのクレープ（1,430円）：點菜時唔記得咗話俾妹妹仔聽自己對果仁敏感，上枱時先知甜品原來有果仁，好在姨姨個肚肚仲有位，所以就挨義氣幫XO仔食咗。佢大讚法式可麗餅芳香軟薄，腍中帶爽嘅蘋果肉唔會太甜，當中嘅微酸度最啱佢口味，啲果仁食落脆脆地唔會咁悶；舊雲尼拿雪糕明顯奉獻咗年紀最輕嘅女皇享用。富有杮とマスカットのチーズタルト（1,320円）：自家製芝士撻偏咗少少實同乾，幸好頂面有順滑嘅忌廉幫補吓，主角嘅杮杮同提子又夠新鮮爽甜，效果都好輕巧。酒店咖啡屋「Café Tsuchi」光鮮企理，年輕嘅服務生態度良好，節令甜品及特飲質量不錯，價格尚算正常。

Book左夜晚19：30食，知道收23：00可以有足夠時間去食，一坐低選左湯底就有牛同蟹，菜同菇上比你，我地揀左$10000個set, 同$1200暢飲，但有D酒要加錢，但其實有cocktail, 紅白酒，威士忌，燒酒，梅酒，汽水，茶都夠飲。你可以去吧枱攞啲菜豆腐同菇食 呢度主要食3隻牛都夠，當中最有牛味係黑毛牛沙朗，其次係大理石花紋，跟住牛舌 （我知佢地app有中文餐牌，但我自己部機用左翻譯，所以食物名稱可能有少許不同） 食左1 round後，我地主要食牛沙朗同大理石，牛沙朗係最好食。 壽司其實都出色，有肉壽司同一般壽司，但因為壽司D飯飽肚，建議skip左肉壽司，反正都會食牛，中拖三文魚都ok好食。 總括而言，呢餐性價比非常之高， 一來啲yen平咗， 二來啲嘢真係好食同埋非常之抵，牛非常之靚同有牛肉味，食幾round都回咗本，而且我小朋友5歲仲係免費

有好多唔同嘅牛部位刺身，牛心，牛柏葉等，好特別。 燒肉味道很好。唯獨90分鐘實在有點兒趕。雖然離開地鐵站有啲遠，但係都係值得。好彩出發前喺OpenRice訂咗枱。

🌟 Tabelog 3.58｜5年獲選百名店 🌟 💰¥ 2,000 - ¥ 3,000💰 ウニ海鮮丼 海膽海鮮丼 ¥2,800 (~$140)❣️ 海鮮會因應時令 木津市場的漁獲情形而調整 是日海鮮 - 海膽 三文魚子 牡丹蝦 白飯魚 三文魚 帆立貝 池魚 赤身 拖羅 蔥吞拿魚蓉 海鰻 刺身種類繁多豐富 新鮮道十足👍🏻👍🏻 吞拿魚閃耀新鮮油光 雪花般紋理 帶有濃鬱奶味 甘甜微妙😍 海膽入口即化 豐腴鮮甜 😋 壽司飯微溫 沒有添加醋 品嘗米飯的醇香 🧡 最後熱騰騰的魚骨味噌湯 鮮甜溫暖收尾💕 💖 實惠價錢 份量十足 CP值極高的丼飯 💛每天在拍賣會採購藍鰭金槍魚 當天處理 新鮮美味 🖤排隊時間較長 行程趕急 不建議選擇 味道👅： 4.00/5 ❤️ ❤️ 環境🏠： 3.80/5 日式家庭餐廳裝修 服務🗣️： 3.85/5 回頭率： 3.80/5 Dining Tips 🖍️ ▪️超長排隊店 - 2小時或以上 ▪️建議盡早到店 06:00｜09:00 左右有機會完售 ▪️排隊時下單 並拍照收據 下單後不能更改 ▪️只收現金

别像我一样，人被抵押在店里了🥺 蟹刺身🦀我们选了一蟹八吃，但最好吃的还得是刺身！滑嫩绵软的蟹肉没有丝毫阻力的穿过牙齿划进喉咙，留下满嘴的香甜 涮涮锅当然是螃蟹和河豚不做选择，直接双双拿下🌹。河豚刺身是Q弹软嫩，而煮在涮涮锅里，高温让肉质变得格外的紧致多汁，从饱满的河豚肉里爆出香甜汁水💦 重点‼️只能现金只能现金只能现金！两个人点的是套餐吃了差不多3w日元，不过店员态度还挺好的，一起静待送钱哈哈哈哈