想一次吃清蒸生蠔、即開生蠔和炸蠔，大阪心齋橋這間店可以滿足你。
カキ小屋スタンド提供牡蠣吃到飽，成人每位JPY 5080。 加上任飲無酒精飲品的話會是JPY 5410，用餐時間為2小時。建議大家來用餐的話先在網上訂座。
用餐環境有點像酒吧的氣團，有上下兩層。店員會幫忙蒸生蠔並調教好計時器，夠鐘便可自行揭蓋和拆蠔殼。 蒸蠔每轉大約需時12分鐘，有些蠔都幾肥美。
即開生蠔相對細隻點和味道較淡，
頭幾轉感覺沖水沖得太過份，要沾醬吃才行。後期吃倒是頗有海水味。 蠔殼可直接掉在桌子下的鐵桶內，最後我們都裝滿了的耶。 現炸的蠔也是任食，炸得非常香脆。有配沙律醬和醬油沾來吃。
脆漿不會太厚，而且蠔味比較濃厚。不是怕太熱氣的話會想多點幾盤。 除了以上的蠔是任食外，還有三款開胃菜、有蠔的雜炊飯和麵豉湯。另外亦有一籃炸雞薯條和一碟卷心菜。
這些是吃到飽套餐內有包的餐點，不過就不是任食。

我哋兩個人訂咗每人22000 yen嘅套餐因爲想食龍蝦。可能因爲有訂臺 + 嗰晚人客唔多所以有得坐房。不過事後覺得其實食鐵板燒係望住師傅整不過有趣。
前菜冇咩問題不過去到重點龍蝦就開始出事。龍蝦只係微暖，個殼直頭凍嘅。成個感覺已經難受。

然後去到牛，都係微暖。塊肉嘅質素更加唔掂，好似去香港茶餐廳落咗鬆肉粉嘅垃圾肉咁。

之後嘅食物都不過不失不過講真，22000 yen即係港幣1100喎。宜家日元弱遮不過都唔算係一個細嘅數目。我會覺得溫度控制同埋食材質素會好少少。

不過雖然係咁，服務的確好好，厨師會送我哋出門口同埋送好好味嘅朱古力蛋糕。

#20241026 ✈️ 📍 #モリタ屋 #ルクアイーレ店 @moritaya.since1869.official 大阪市北区梅田3丁目1-3ルクアダイニング10階 ➖➖➖➖➖➖➖➖➖➖➖➖➖➖➖➖➖ #すき焼き #松 ¥6,930 🥢 #前菜 💭 三款前菜分別係蕃薯味豆腐凍配杞子，清清淡淡🍠中間係煙三文魚，味道濃少少，最右邊就係兩塊燒牛肉，最濃味而且係after taste最強，就算吞左陣牛香味都仲keep到係個口入面🐮 . 🥢 #肉料理 #150g 🥢 #卵 #ご飯 💭 無論叫咩餐都係150g既肉，所以係視乎個質素，肉既數量唔多因為偏厚身，松係4個set之中第2平既餐，但其實都好高質，淋到唔使用咬，用筷子已經可以整開，食落成日都係油脂香🥩配埋個日本蛋同啲日本珍珠米真係無得頂，每一啖放左入口都唔捨得吞咁濟，而且飯唔夠仲可以任添，食多啲飯無咁膩🍚 . 🥢 #野菜 💭 呢度啲菜款式以大京蔥同洋蔥為主🧅然後有少少大白菜既梗、豆腐、魚腐、芋絲同埋日本人好常見會食既牛蒡，另外仲有款壽喜燒成日見既，一直以為係皇帝菜，行街市發現佢叫春菊，煮耐啲索左個壽喜燒啲汁都好好味🥬 . 🥢 #赤出し #香物 💭 個麵豉湯同平時飲開果啲有啲唔同，呢個係偏苦，入面一樣有啲油揚，另外仲有啲煙煙韌韌唔知係年糕定魚糕既野🍥漬物就都係果啲酸酸咸咸既野，一向唔多識欣賞😅 . 🥢 #デザート 💭 好罕有一個set既甜品唔係用雪糕而係比水果拼盤同啫喱，呢樣好加分，生果有蜜瓜🍈提子🍇同埋一舊用糖醃過既梨🍐而中間個啫喱有少少酒香，幾特別～ . #大阪美食 #🐷衝出香港 #🐷在大阪 #🐷_食

#20241024 ✈️ 📍 #ParfaiteriaPal @pal.shinsaibashi 大阪府大阪市中央区東心斎橋1-17-15 丸清ビル 3F ➖➖➖➖➖➖➖➖➖➖➖➖➖➖➖➖ #ピスタチオとチョコレート ¥1,980 💭 身為開心果關注組既成員之一，有開心果點可以唔叫，個開心果gelato雖然係開心果粒，但好香開心味，最底仲有層開心果布丁🍮係頭尾都有開心果味包住，呢間既然稱得為大人既甜品舖，所以杯野入面都有個雪糕有酒精既成份，不過甜所以唔太食得出🍸覺得成個最有驚喜係面頭果塊烘乾左既戚風蛋糕，食落鬆化好特別🍨 . #きみの色 ¥2,180 💭 呢杯望落已經好靚好吸睛🌈面頭有幾條糖做裝飾，想食得晒都要花啲時間，所以最終放棄左😂有三球雪糕，一杯有齊晒雪葩同gelato，食食下有樣係口到爆先知原來有爆炸糖有啲刺激💥個底有啫喱又有椰果，成杯野有好多種唔同既口感係豐富既🍧 . #大阪美食 #🐷衝出香港 #🐷在大阪 #🐷_食

#20241027 ✈️ 📍 #☆スープ #関西国際空港第1ターミナルビル店 大阪府泉佐野市泉州空港北1 関西空港第１ターミナル 国際線出発エリア ➖➖➖➖➖➖➖➖➖➖➖➖➖➖➖➖ #和牛焼肉弁当 ¥3,000 💭 可能因為夜機既關係，好多野都賣晒，本身想食sukiyaki都無，得返呢個韓風版本，老實講有啲浪費左塊和牛，食落有啲鞋口而且牛味都比個韓式醬蓋過左，完全係普通牛都做到既野，可以堅持食落去既動力就係佢太貴😅 . #鶏スープ ¥1,500 💭 有啲腐竹又有啲雞肉，啲雞係煲湯鞋到無晒味咁，矇住眼食以為自己食緊豬，就咁飲個湯就係平時雞湯味，但佢有跟個柚子胡椒，加左落湯瞬間變左胡椒湯味，意外地好好飲🥘 . #大阪美食 #🐷衝出香港 #🐷在大阪 #🐷_食

#20241027 ✈️ 📍 #プロント #関西国際空港ターミナル1店 @pronto_official 大阪府泉佐野市泉州空港北1 関西国際空港 第1ターミナルビル 2F ➖➖➖➖➖➖➖➖➖➖➖➖➖➖➖➖➖ #サーモンときのこのたらこバター ¥1,100 💭 誓要食到最尾一刻！趕住上機所以買左外賣係閘口食，兜野配料有啲三文魚碎、菇片同蔥，都係意粉居多，明太子味好足，撈得好好所以每條意粉都掛到啲明太子，一路食一路路覺得陣味好熟悉，食食下發現就係薩利亞個明太子意粉既味，連個乾身程度都好似，不過呢個比較好食係佢啲菇片咬落好juicy，贏左唔少分🍝 . #大阪美食 #🐷衝出香港 #🐷在大阪 #🐷_食

#20241026 ✈️ 📍 #香住北よし #お初天神店 @kitayoshi_ohatsu_tenjin 大阪府大阪市北区曽根崎2-10-19 第一河合ビル2F ➖➖➖➖➖➖➖➖➖➖➖➖➖➖➖➖➖ #香住の活直紅ズワイガニ #半匹 ¥13,800 #北よし厳選カニ ¥13,800 🥢 #先付け 💭 尼大阪食蟹通常都會去蟹道樂，今次試間新野，位置唔多，最好預約定就確保有位😎一開始會先有個小食，係索左汁既腐皮、爽口既淮山，同埋一粒彩色既年糕，用尼開胃唔錯～ . 🥢 #浜茹で香住蟹のお酢物と滑らか蟹みそ 💭 叫左兩個course所以有兩款唔同既，個底一樣都係淮山蓉，食落非常幼滑，然後就分別係紅雪蟹同松葉蟹既蟹肉，啖啖肉咁食好幸福🥰之後係就咁配蟹膏或者配海膽同三文魚籽，蟹膏同蟹肉一定係perfect match，海膽三文魚籽同蟹肉都好夾，主要係新鮮無臭味，入口好順滑舒服已經贏晒🏅 . 🥢 #季節の鮮魚盛り合わせ 💭 魚既刺身一樣都係鯛魚同輕輕炙燒過既鰹魚，鯛魚好爽彈而鰹魚軟滑，兩款有啲對比，蟹刺身係鮮甜既，不過不嬲唔多識欣賞佢個口感😅兩個course分別係在於帶子刺身定係一個蟹蓋拼盤，帶子新鮮就不在話下，蟹蓋拼盤集齊在蟹膏、蟹肉同埋真蟹籽，並唔係平時食果啲飛魚籽，可以一啖食到三個蟹既唔同本質👍🏼 . 🥢 #陶板焼きがに 💭 有烤過既蟹身，蟹腳同蟹鉗，預先剪開晒好貼心，燒過既蟹無之前果啲既鮮甜味咁出，多左啲烤過既香氣，伴碟仲有個烤過既菇同粟米，望落乾乾地不過咬落都有啲汁，同埋比想像中要甜🌽 . 🥢 #甲羅みそ焼き 💭 兩個蟹膏望落已經有明顯分別，松葉蟹膏可以一人一個，就咁食係會有啲咸，無辦法成個食晒，紅雪蟹膏要兩個人share一個，食落易入口好多，不過建議大家考慮可以將蟹膏留到最尾個雜炊先食，會好味好多！ . 🥢 #蟹スキ鍋 💭 一開始上個鍋既時候以為啲蟹要用清水烚，店員姐姐仲特別提醒要no sauce咁食，原來個湯底唔係清水而係鰹魚湯，用尼淥蟹完全可以將蟹既鮮甜昇華左，啲配菜本身亦好甜，再用個淥過蟹既湯底烚就更甜，淥晒啲野之後個湯都唔好錯過，集合左蟹既鮮同菜既甜，飲完一啲都唔會頸渴🦀 . 🥢 #〆の雑炊 💭 最後店員姐姐會加啲飯落個湯底度，再加多兩個之前既蟹蓋拼盤落去煲，其實已經好好味，呢個時候落埋之前啲蟹膏就更加正，配埋蔥、紫菜同漬物，就算飽左都要食返碗🌱 . 🥢 #デザート 💭 甜品係一早預料到既雪糕，味道好熟悉唔特別，有啲似haägen dazz既味道，再配兩舊橙，食左橙先食個雪糕就唔會覺得酸，做個ending好滿足😮‍💨 . #大阪美食 #🐷衝出香港 #🐷在大阪 #🐷_食

#20241024 ✈️ 📍 #黒毛和牛まるごと一頭買い #道頓堀みつる本店 @yakiniku_dotonbori_mitsuru 大阪府大阪市中央区道頓堀1-5-8 柴田ビル　２Ｆ ➖➖➖➖➖➖➖➖➖➖➖➖➖➖➖➖➖ #キャベツ ¥330 #もやしナムル ¥384 💭 一尼會比兜咸咸酸酸既椰菜絲，聽聞好似係任食，但食落口味道麻麻，唔建議就咁食，用尼夾肉消膩都有得諗下，但最終都係叫左碟麻油味既芽菜食算😂 . #黒毛和牛スジおろし柚子ぽんず ¥549 💭 係柚子燉牛筋既凍食版，牛筋本身帶有好多骨膠原，所以雪到會變左啫喱凍咁，味道唔錯，不過口感未必係普遍香港人食慣既質感，好在細細兜試過就好～ . #黒毛和牛ソーセージハネシタ #2本 ¥1,209 💭 條腸唔太大條，一咬落去係有少少咇汁，入面有唔少肥膏，所以用尼燒就最適合，老實講黑毛和牛用尼整腸有啲浪費，如果追求性價比高呢個就未必岩口味🙈 . #ねぎ巻いタン #6貫 ¥2,689 💭 本店名物！係一塊好薄既牛舌包住一大紥蔥，睇落好dry但燒完啲蔥會出水，食果陣就會變左好juicy，牛舌太薄搞到食落都無左平時牛舌既爽脆，唔太識欣賞🌱 . #赤身ロース #2本 ¥769 💭 建議各位朋友仔要食肉第一下就要食呢個，因為食左其他就返唔到轉頭，呢個唔係差既，不過食過好野再食佢就會覺得有啲鞋口😅 . #ロース #カルビ ¥989 #とも三角 ¥1,209 💭 呢三款都強烈推介，尤其係個腿三角，簡直係榮登是日mvp，啲油花真係好似雪花咁，入口咬兩下已經成口牛香味，係會唔捨得吞果隻，勁好味🐮 . #ソフトマンゴー ¥549 #ジンジャーエール #緑茶 ¥384 💭 汽水或者茶都係啲牌子野所以正正常常，另外叫左杯芒果汁，入面有啲西米，其實飲落真係有幾分似許留山既芒椰奶西，係日本飲到幾特別🥭 . #大阪美食 #🐷衝出香港 #🐷在大阪 #🐷_食

本身提早預訂呢間餐廳，上網見到食評都幾好，環境都唔錯，仲可以有得釣有得食，本身滿心歡喜，點知去到，有好多都貨不對辦，釣嘅，同上枱野肯定係唔同嘅，上枱嗰啲魚生，10分唔新鮮，池魚顏色已經變深色了，不是新鮮透白色，全部工作人員都是唔識講普通話，有啲又唔識講英文，溝通不下了，唯有打開Google 翻譯，店員說是新鮮的😵‍💫之後叫咗三文魚刺身同拖羅，更加難食，龍蝦係腥嘅😵‍💫，生蠔係最新鮮嘅，但係開到蠔殼都爛了，搞到食落口嘅時候，都有蠔殼，本身好興奮，嚟到依間餐廳，點知服務差，食物差，就連喺櫃檯結帳，侍應都是黑面的，但對住其他日本嘅人客，是10分禮貌，不知是否因為不善於溝通，但是我到其他店沒有這體驗，我只能說，試一次就夠了，一定唔會有下一次，實在太失望

夜晚放題，壽司質素一般般，可以選擇淨係打邊爐唔包壽司。晚餐放題有幾個價錢選擇，整體食物質素過得去。如果再嚟大阪可能會考慮再試令一些同類型的放題。 一坐低店員已經即刻要你選擇，我哋睇咗一陣，店員樣子有啲不耐煩。嘢飲亦是，即是要決定任飲定係還是單點，好似有啲趕。。

話明限時任食，多次漏單，上菜非常慢 任飲每次只可嗌一杯，要飲完先再可以落單，但上菜上飲品速度緩慢！食物品質一般，環境衛生一般（地下油笠笠） 另外侍應服務態度一般 。如有其他選擇不要幫襯此店。

京阪短遊已經食過拉麵、壽司、野味、星級法國菜，食肉獸又點會放過和牛呢？！上網發現難波鬧市中有間只開晚市嘅燒肉店「肉匠なか田 本店」，主推新和牛品種「大黑千牛」（Daikoku Sengyu），XO仔一向好奇心重，咁就梗係要試吓啦！樓上餐廳暗黑嘅用餐大堂神秘得黎都幾摩登。室內油煙味頗強，加上食客可任意吸煙，飯後預咗會成身味。三口子被安排入座拍牆嘅散座，厚墊梳化都好好坐，不過靚靚媽咪講得好啱，對住廚房嗰列吧位應最有氣氛；讀者們如果有意一試，記得訂座時講明要坐吧枱。每位席上擺有自用嘅餐巾及筷子。由於早已訂埋特選七打扒套餐「特選シャトーブリアンコース」（18,900円/位），埋位後只須揀野飲。食物上枱前，溫婉客套嘅妹妹先呈上七式調味鹽盤，得知家人嘅日文有限仲跟多張英文簡介，實在周詳。先付：和牛宴正式以長芋豆腐作序。意外地，凍豆腐潤得黎有彈性，配上生磨山葵及紫蘇花粒已覺清新醒神。前菜盛り合わせ：四式前菜拼盤閃亮精美。應建議先由十二點鐘方位嘅韓式生和牛食起。搓到成個波波形嘅生和牛紅白鮮明，香潤幼嫩，墊底仲有啲煙燻過嘅矮瓜，沾上少許芝麻味噌醬分外惹味。右手邊象徵著秋季嘅黃葉下嘅小碗中除咗明顯有菇絲同菠菜絲之外，其實仲有幾條黐咗少少肥嘅和牛牛尾絲，食落唔嚡口之餘，甜潤中帶有微微辣勁，好有驚喜！左方杯凍南瓜湯中央嗰球竟然係綠茶雪糕，微甜嘅湯湯清涼得黎個綠茶味好出，組合新穎獨特但毫無衝突，真係幾得意。水晶玻璃碟盤上有兩件燒至半生熟嘅和牛件，肉汁豐沛，軟潤鬆厚，頂面以鮮濃嘅海膽及晶瑩嘅三文魚籽點綴，閃出光彩，加埋墊底嘅白飯就好似一碟升咗呢嘅壽司咁，滋味無窮！季節の和牛しゃぶしゃぶ：熱食第一道為清潤軟滑嘅涮和牛薄片，灑上菊花花瓣成功添上芳香，唯一個人覺得湯中大大件薯仔好飽肚。進入燒肉環節時，妹妹仔先用高溫嘅熱炭於沙爐上砌出燒陣，勁專業！とれたて野菜：呈上配燒肉食嘅蔬菜時，哥哥仔講明冰陣菜菜均為當日所採摘，確保新鮮，彩艷嘅野菜又的確好清香爽脆。襯托燒肉除咗有七款鹽之外，亦可選生磨山葵、蘿蔔蓉及檸檬角。名物トロタン（立体商標登録商品）：鎮店招牌菜「拖羅牛舌」每件都𠝹哂花，啲凹凸位極富立體感，淨睇刀功都感覺到師傅有幾重視！由專人燒煮兼加鹽粉調味嘅拖羅級牛舌爽潤多汁，肥美尤甚，超！塩焼き2種：另外兩款鹽燒和牛其實同拖羅牛舌一齊上，不過因為要自己燒，雞手鴨佢嘅XO仔結果唔記得咗影相。油脂比率顯然不同嘅和牛每人每款一片，肉質均香潤柔軟，肥啲嗰片半溶喺口，瘦啲嗰件則更有嚼勁，各有特性。旬の焼野菜：節令嘅蓮藕片及舞茸菇清脆輕盈，炭燒時索上之前燒和牛時剩下嘅油脂分泌，效果更上一層樓！すき焼き：整頓和牛宴最大塊嗰片和牛粉嫩得黎油光明亮。可能見小肥鹽燒和牛時起哂火，為安全著想，妺妹仔主動幫忙，結果三人得以欣賞即場表演嘅和牛壽喜燒。原來壽喜燒應由配料起燒，和牛薄片要燒咗兩野後先加入壽喜燒秘汁煮多一陣方才上碟。超薄嘅和牛經過壽喜燒汁嘅洗禮，肉香甜美，攪勻埋碗入面嗰隻橙亮嘅雞蛋黃即倍添滑溜與芳香！シャトーブリアン（熟成サーロイン または 熟成リブロース）：壓軸上陣嘅主角七打扒「シャトーブリアン」（Chateaubriand）葉脈紋理清晰。矜貴嘅和牛西冷肉燒至三四成熟嘅肉質最為鬆嫩，加上肉汁豐盈，冇得頂呀！御飯物：單尾咖哩和牛飯芬芳撲鼻，軟熟香甜，最正就係頂面脆卜卜嗰啲蒜粒，絕對有畫龍點睛之效！デザート：甜品為簡單嘅紅豆拼綠茶雪糕，可一解熱氣。樓上燒肉店「肉匠なか田 本店」環境暗黑時尚，抽氣唔算弱，只係未必人人慣室內可吸煙嘅場所。服務生專業友善，且樂於助人。全牛宴「特選シャトーブリアンコース」主推嘅新和牛品種「大黑千牛」質高美味，定價合理，絕對值得去見識！

哥哥刻意選乘下午航班回港，好等靚靚媽咪唔洗咁趕，三口子仲可以慢慢喺名店「今井 本店」食多碗招牌烏冬先前往關西機場。本店散發出鄉村風味嘅建築物門前有樹蔭及小石徑，左側仲有流水，於勁旺嘅道頓堀內極為顯眼。型格竹架上寫出精選項目，好襯其有成七十年嘅歷史背景。座位安排有系統，客人只需於指定紙張寫上姓名即可輪候。室內並無花巧之裝潢，牆上只係貼咗啲海報同推介菜式，簡單到題。以木為主嘅間隔光猛通爽，枱櫈衛生潔亮。服務生效率極高，落單、傳菜、清枱堅爽手，所以返枱夠快。埋位即有熱茶及濕巾。一頁英文飲品牌簡單易明。另外仲有頁只有日文版嘅零酒精特飲。嘻嘻，酒鬼們又點會飲零酒精呢？多頁食物餐牌中分套餐。。。麵品。。。丼飯。。。及單點小食。小エビ天（770円）：蝦仁天婦羅一啲都唔油，炸得夠乾身，熱辣爽脆，細細隻，容易食。天ぷら（1,700円）：修長直身嘅蝦天婦羅嘅外層夠酥脆，不過蝦肉就硬實咗啲，個人覺得蝦仁天婦羅略勝一籌。鍋焼きうどん（1,750円）：招牌鍋仔烏冬滾住上，熱力十足！湯底清甜唔油膩，粗粗嘅烏冬麵條煙韌滑溜有嚼口，配料中嘅鴨肉厚潤唔嚡，份量啱啱好。道頓堀老字號「今井 本店」環境光鮮企理，服務生效率高，用餐時間約半小時已足夠，招牌鍋仔烏冬可口味佳，條龍唔係太長的話可以一試。

我們是看了網上影片介紹才來回，下午一時來到，都挺多人排隊的，我們大約排了半小時入座，餐廳裡面位子不多。 點餐方面，有英文菜單，還挺方便的。而食物款式也挺多的，聽說人氣餐點是鐵火卷，我們都點了一份。全部壽司都很好吃，三文魚子、三文魚卷也很足料，和牛海膽壽司很香。 小食方面，天婦羅也很脆，炸雞也好吃，都是現炸的，另外還有點味噌湯和茶碗蒸都不錯，材料挺多的。 價錢方面就不算是特別便宜，就是中等可以接受的，也吃得很飽。

朝早同姨姨姨丈食完早餐道別後，三口子就坐咗一個鐘頭車去「LaLaport EXPOCITY」行街街，行到咁上吓先喺購物中心度醫肚。諗住等到一點半先食晏會冇咁迫人，點知多間餐店門外仍企有人龍，好在哥哥行遠少少見到「かつ工房和幸 ららぽーと EXPOCITY店」有位，先唔洗慢慢排隊等。店子接近滿座，服務生自然忙碌，不過以撳鐘仔嘅模式運作非常有效率。用餐大堂光線充裕，木造枱櫈乾爽舒適，桌上嘅調味料亦相當整齊。散點餐牌上只有十款飲品可選。小肥所點嘅橙汁（310円）明顯唔係鮮榨嗰隻，飲落仲好酸，早知叫啤酒飲好過！厚本餐牌中、英、韓對照，並附有彩圖參考。限定品有秋季套餐及EXPOCITY店套餐。里脊蝦砂鍋飯（1,950円）：以砂鍋上嘅飯品熱就夠熱，無奈頂面嘅滑蛋早已熟透，唔滑兼夾老嚡，炸豬扒喺熱湯入面浸到腍哂，毫不脆口，組合完全唔掂檔！紅葉（$1,680円）：節令套餐唯一可以讚嘅就係每件炸物層炸漿極其鬆化酥脆，問題包括炸豬扒肉汁欠奉，肉質乾嚡，蝦隻硬實唔爽彈，蠔隻好似菜乾咁乾爭爭，而細佬最期待嗰件磨菇忌廉可樂餅則又杰又溜，實在令人失望！炸豬扒連鎖店「かつ工房和幸 ららぽーと EXPOCITY店」環境簡潔企理，服務生爽手效率高，可惜食物水準麻麻，唔怪得知午市唔洗排隊就有位啦！