聚會完左之後，賴生就同屈小姐出發黎到抹茶之鄉 - 宇治，開展我地詳細既調查，係坐JR到埗之後，見到中村藤吉一直向前行，我地見到一間舖不停咁燒緊一條條既鰻魚，香氣四溢，我地4條小腿不其然就行左埋去 呢間舖就係啦！門口有放左個Display 櫃放滿鰻魚，仲有師傳係側邊不停燒緊鰻魚！ 師傳不停係度燒緊鰻魚，難怪咁香啦，一邊燒一邊上汁，燒好之後磅重，上碟分價錢賣 燒好之後，會放入呢邊櫃，入面有幾款既鰻魚賣既，有原條既，分幾多切既鰻魚飯同鰻魚壽司，咁大家可以用眼睇邊條岩大家既食，價錢就因重量去定既，賴生揀左條肥肥地既比屈小姐食，索價$2300 yen，揀岩就指比老闆娘睇，佢就會幫你切好上埋汁入盒比你食 當然，為左將味道最佳化，我地選擇左企埋一邊打開個盒即食 1）原條燒鰻魚：5⭐️ 好大條鰻魚呀，因為即燒所以做到面皮有少少脆，而且拎上手係有溫度嫁，鰻魚亦都肥美，肉質彈牙，吸滿醬汁既味道，濃郁美味 賴生知道屈小姐好鍾意食鰻魚，所以讓左比佢食多D所以屈小姐都專登買番盒日本西瓜比賴生食補數 #鰻魚狂熱 #一條條好吸引 #即燒鰻魚最正 #口味逐漸被同化 #寵愛她就是要好好餵養她

係宇治番黎之後，賴生同屈小姐趕去食出名既胡蘆親子丼啦，點知開盡Turbo都係趕唔切，達陣時間係1930，佢已經執緊檔啦，賴生只好帶住屈小姐沿路行番去河原町食dinner啦! 之不過呢，京都係入左夜之後呢，小路都比較黑，街燈同人都唔算好多，令到屈小姐有d驚，拖住賴生既時候，越拖越實，賴生都好享受呢種保護屈小姐既感覺! 其實賴生係度一定會保護屈小姐既安全呢!! 最後，為左令屈小姐冇咁驚，賴生迅速帶番屈小姐行番去大路前往河原町。突然係遠方大約50米既位置，有一處特別明亮，原來係較早前屈小姐係大阪刪減左既行程之一 : 專賣吉列牛既<<京都勝牛>>! 屈小姐話既然有d肚餓，又咁岩黎到京都都撞到，冇理由唔入去試一試既，賴生表示同意 入去同個女待應講左2位之後，佢就迅速安排我地入座，有Bar檯同普通4人座，由於賴生同屈小姐拎住一袋2袋手信，所以揀左普通4人座，而席間有2位外國人坐左係Bar檯用膳，同師傳有講有笑，師傳不停地向果2位介紹同教佢地食法，好正呢! 仲可以睇住師傳準備! 冇得坐Bar檯既我地，只好默默自己睇Menu揀野食，睇完一輪，我地對吉列黑毛和牛同吉列吞拿魚有興趣，不過屈小姐問賴生一陣食唔食串燒，食梗係食啦，於是我地就決定2選1 1）吉列黑毛和牛京御膳定食：4⭐️ 呢一個Set有麵鼓湯，白飯，吉列牛同椰菜絲！本身白飯係任裝既，如果想任食椰菜絲加多$50 yen就得！不過賴生同屈小姐只係叫左1個set，所以就冇裝白飯/加$50任食椰菜絲。而醬汁方面，有日本豉油配wasibi、黑椒鹽、店舖秘制醬汁，咖哩汁同一碗日本蛋比你點吉列牛食 有驚喜既係，吉列牛既吉列皮好薄，做得超脆，而入面既牛肉仲呈粉紅色外脆內嫩，不過呢間冇塊石板比你自己再煎一煎D牛肉，個熟度就要你一開始落order講定 至於點咩好食呢？ 1）鹽：5⭐️ 點鹽除左加重黑毛和牛既牛味之外，更加可以完整保留外脆內嫩既口感，係食吉列牛既不二之選 2）蛋汁：4.5⭐️ 除左鹽，點蛋汁都係一個唔錯既選擇，點完黑毛和牛既牛味雖則冇加鹽咁重，但都有所提昇，而且點蛋汁令黑毛和牛更滑，不過就會令塊吉列牛冇咁脆 3) Wasibi 豉油：4⭐️ Wasibi都係一種提昇牛肉味既醬料黎嫁！加左落豉油用黎點火鍋肥牛就正啦！不過吉列牛就差咁D，唔係咁逼到牛肉味出黎，可能牛肉太厚啦！ 4）秘制醬汁：4⭐️ 帶輕微酸味，可以中和吉列牛油炸過既油膩感，不過酸味會有少少遮到牛肉味 5）咖哩汁：3.5⭐️ 咖哩汁點吉列牛就有點太濃，遮左牛肉味不特止，仲會影響本身外脆既口感，對於喜好牛肉味既我地不太適合 而套餐既椰菜絲用黎點秘制醬汁都唔錯，酸酸地都幾夾！麵鼓湯就普普通通冇乜特別 但白飯就好有學問啦！究竟要點食呢？其實好睇個人喜好，有人鍾意當吉列牛肉飯食，一啖牛一啖飯；有人鍾意落咖哩汁變咖哩飯食；而賴生同屈小姐就撈蛋汁變蛋撈飯，香滑帶濃濃蛋味！相信3種食法都各有特色，都唔錯既 菠菜漬呢？加$100 Yen就有，賴生同屈小姐志在有D菜食下先叫，酸酸地囉，無乜特別評價，主角係吉列牛麻！ 結論： 如果冇食過吉列牛既，其實可以試一次，因為口感幾特別，味道都可以既！但係值唔值得爲吉列牛牽腸掛肚，夢牽夢繫呢？又未至於喎，因為靚牛肉用吉列既方式處理會浪費左呢！吉列既方式去整，牛肉味冇咁重 係食完之後，賴生就帶住屈小姐繼續往下一站河原町出發食串燒啦 #別怕有我在 #我會好好保護妳 #乜又係你呀牛生？ #食到吉列牛lu #外脆內嫩 #但沒有預期般震撼

若16:30到，店內食客不多，輕鬆入座。

湯葉うどん左上：蒟蒻 -- 不太甜，帶點煙韌，唔錯 左：香菇飯 -- 飯已滲入香菇的汁，很美味
右：腐皮烏冬 -- 烏冬很滑，口味清淡

幕の内弁当左：天婦羅 -- 有蝦、蓮藕、蕃薯，蝦夠爽口，整體味道不俗 中下：凍荳腐 -- 荳腐上放了蒽絲、薑蓉，因此食落唔會覺得很單調，荳腐亦頗滑
中間：味噌湯 -- 味道一般，幸好不會太鹹
右上：茶碗蒸 -- 無乜其他饀料，蛋蒸得剛好，不會老，味道清淡

清水寺一年四季都人山人海， 走著擠著有時真的很想有個地方歇腳。 這個食店正好位於最旺 最多人選購手信的地方。 看門面也知道會貴一點 不過想多坐一會， 坐的舒適就沒辦法了。 由於並不是餓， 只想歇歇，就點個甜品好了。 🤔🤔🤔🤔🤔🤔🤔🤔🤔 老實說味道還真一般。 不過日本料理最值錢的地方， 就是就算不好吃， 賣相也值回票價 抹茶蛋糕就是普通的雪芳蛋糕， 口感本來就乾， 配上抹茶味就更乾了 旁邊有個煙煙韌韌的， 名字真不知道🙈🙈🙈🙈 味道🙈🙈🙈好奇怪🤦🏻‍♀️🤦🏻‍♀️ 不是我喜歡的東西喇。 整個甜品最好吃的 就是抹茶雪糕， 不過如果只為吃雪糕， 街上其實很多選擇， 而且更便宜。 不過為了歇歇腳， 就沒關係了。 總括而言： 食物味道不算很好吃 環境卻很清悠 是一個歇腳不錯的地方

一去到，只是望間舖，就已發覺它是很有歷史。
原本只是入內買東西，後來決定好買甚麼之後，店員叫我們坐下吃菓子。
出奇之際，原來此店會款待客人購買的菓子中的其中一款。 菓子--燒栗：每顆均是原粒栗子造，口感結實，不會太甜 除了菓子外，還會奉上飲品。望落似普通水加點葉碎，水是暖的，飲落有少少鹹鹹地，但味道唔知點解又覺得唔錯喎

當天參觀「新選組 壬生屯所遺蹟」，參觀費包含在「京都鶴屋 鶴寿庵」內吃＂屯所餅＂及抺茶。抺茶：不熱的，是開水的温度。一點也不苦澀，很順滑，和日式甜點非常配
屯所餅：外皮是煙煙韌韌的，內裡是紅豆饀。不太甜，豆沙亦唔會乾爭爭，很好吃
如買＂屯所餅＂回家的話，要注意保存期限，因一般若一星期左右。

10:15到達，店外遊人不少，但我入內時未見有任何食客。左起：レモンノワルツ (即檸檬 + 柚子雪芭) 　￥350 得個酸字。
雖然已預咗會偏酸，但佢只食到酸味，檸檬味同柚子味就食唔出。

中間：レモンソーダ(檸檬疏打) 　￥350
都係得個酸字，無檸檬味，不過好夠氣

右：嵐山(綠茶 + 芒果味雪糕)　￥550
出色在又係無綠茶味同芒果味，雖然眼見有綠色夾雜住黃色 

話說屈小姐係旅行出發前，係網上搵到一間超震撼既蛋絲鰻魚飯 - 《かね正》，搞到賴生都好想食，但呢間野一定要事前預約先有得食，賴生事前用盡所有辦法去預約，例如：Send Email比酒店拜託酒店幫我地預約/出動日本朋友預約，都失敗左。 只好當到埗既時候，再一次拜託酒店櫃台職員幫我地預約，點知，佢話Full左係3管齊下都無辦法成功既時候，唯有用番最傳統既方法，Walk in碰碰運氣 所以係嵐山番黎之後，賴生第一時間帶住屈小姐衝去《かね正》搏下有冇得食! 當你見到壹錢洋食之後，繼續行入去，見到間郵局，望入側面條窄巷就係《かね正》既所在地啦! 賴生拖住屈小姐入去果陣，咁岩有2女1男既香港人行番出黎，賴生聽到佢地話滿晒啦，冇得食要食其他啦.... 果然，去到門口已經見到佢貼左個告示話預約滿左啦，賴生見到屈小姐好想食到而失望既樣子，唯有心底裡祈求耶和華幫助，膽粗粗都厚住面皮+唔識講日文都入去問一問，好好彩，耶和華再一次回應我地既祈求，個老師傳用英文答賴生話FULL，但叫左個女侍應出黎跟一跟我地，個女侍應話8:30可以招呼到我地呀!! 但係一定要準時黎，屈小姐同賴生當堂勁勁勁開心同興奮! 見仲有成個鐘鬆D就走左去茶寮都路里食個甜品先再番黎食 作為好既客人，守時梗係好重要啦，賴生帶住屈小姐係8點25分已經到達番到去啦。入到去既時候，發現居然一個客人都無，只係得賴生同屈小姐，我地仲諗住可能D人預約8點半或者9點，準時先會出現，但最後只係黎多左一位日本客人，證明佢地係專登SERVE我地嫁...好好呀 2個受耶和華祝福同照顧既小朋友!實在太感恩啦 由於無人既關係，賴生同屈小姐任坐，而入面有普通卡位同席前既吧枱位，為左進一步觀察烹調既過程，賴生同屈小姐梗係揀左席前用膳啦!!因為佢用開放式廚房，成個過程都可以觀察到!!Yeah 係賴生同屈小姐坐低之後，女侍應為我地奉上一杯熱茶同Menu，等我地可以開始我地既會議!! 賴生同屈小姐飲左啖茶，接過MENU後，發現佢有英文既!! 相討完一輪後，結果好快就出左黎，當然係屈小姐一早睇中左個錦系丼(蛋絲鰻魚飯)，賴生揀既海苔鰻魚飯同埋大家一齊都想食既鰻魚蛋卷!! 係店內有2位師傅，後生D果位師傅呢，就主要負責準備蛋，飯，前菜，湯等等，而老師傅就專職燒饅魚!!首先師傅為我地準備既係鰻魚蛋卷，你睇條蛋卷幾厚 佢切落去既時候仲會彈下彈下嫁! 之後老師傅就幫我地準備炭燒鰻魚，每人半條，鍾意食既話，其實係有全條叫嫁，睇住D鰻魚由白色燒到D魚肉紋路漸漸變到好明顯，再變黃黃地色，跟住慢慢上鰻魚汁，過程中不停飄來陣陣香氣，令人不禁垂涎欲滴，好想快D食到呀!! 當D鰻魚差唔多得既時候，小師傅就裝飯入木盆度，加入秘製醬汁拌好個飯，將佢由白飯變成醬汁拌飯，裝入碗中!! 然後，小師傅再將煎好既蛋卷成條拎出黎切絲，每條都好幼細同工整，刀功超強呢，真係一絲絲嫁!! 另外，店內仲提供3種調味粉比你食鰻魚，有一味，黑七味同山椒粉，頭2隻既味道太搶FOCUS，鰻魚既風味被遮擋下去，相反，加入山椒粉既能提升鰻魚本身既魚味，又帶小小辣味同攻鼻，建議加山椒粉食。 而係上主食之前，小師傅仲會準備埋前菜 - 漬物比大家食，有茄子漬同蘿蔔漬，味道係酸酸甜甜，茄子漬又幾好食喎! 屈小姐之選 1) 錦系丼 (蛋絲鰻魚飯) : 4.5⭐️ 經過左15分鐘之後，錦系丼終於完成啦!!好感動!!師傳仲會比埋支秘製醬油我地自己加，加到岩心水為止，個人就建議邊食邊加，味道容易調整，同埋加左香D，鰻魚汁既味道又濃D!! 細味之下，錦系丼的確係好出色既一碗鰻魚飯，面頭既蛋絲除左蛋味濃郁，充滿蛋香之外，仲可以中和油脂滿溢既鰻魚既油膩感，更加帶出鰻魚既美味!! 拌埋個秘制醬汁飯一齊食，可謂天作之合!! 不過呢度個炭燒鰻魚呢，就欠缺左炭香味，魚皮唔係脆口，鰻魚亦唔算肥美。單論鰻魚層面黎講，呢度既鰻魚唔算係最上乘，但加入蛋絲之後整體味道得以提升，的確加分甚多，值得一試!! 賴先生之選 2) 海苔鰻魚飯: 4⭐️ 至於海苔鰻魚飯，個老師傅將燒好既鰻魚鋪上飯面後，就拎一塊海苔出黎手撕撕爛佢鋪上面，情況就冇錦系丼咁震憾同澎湃。海苔係蓋上飯蓋之後就變淋左，得番D香氣，比起錦系丼確實係冇咁完美~~所以少半⭐️ 3) 海帶麵豉湯:3.5⭐️ 每個餐都會跟一碗湯，材料都幾多，有滑滑既豆腐粒，海帶同1粒小丸子，粒小丸子幾得意幾特別嫁!! 正正常常既麵豉湯啦，始終麵豉湯唔係重點麻! 屈小姐&賴先生共選 4) 鰻魚蛋卷: 爆5⭐️ 呢個鰻魚蛋卷係小師傅一手一腳既成品，係超級超級超級好食，蛋味濃郁，蛋香滿滿，而且如你所見，你係見到一層卷一層，卷好多層嫁，口感勁正! 有層次感之餘D蛋又軟綿~~~好好味呀!! 中間仲夾住左舊鰻魚，一客4件，一人2件 好滿足! 食既時候記得加D師傅秘製既醬油，加係碟面再用蛋卷慢慢索入去，醬油既味道，令鰻魚同蛋卷更加美味，鰻魚既味道加濃郁，而蛋味同時被提升至另一層次!! 總括黎講，呢間鰻魚飯其實幾唔錯，不過側重左係蛋類既料理去提昇鰻魚既美味!! 但呢種美味又係另一種體驗，好值得去預約試一試!! #要感謝耶和華照顧 #好好彩既我地 #鰻魚殺手 #蛋迷 #一次過食晒2種滋味 #豁出去漫遊不通知親友 #愛上炭燒肥美鰻魚

黎到京都，賴生當然會帶住抹茶雪糕怪屈小姐不停食，係旅程既第一日晚，當然要帶佢黎到京都既鬧市 - 河原町同祇園行下，順便造訪一下係祇園既茶寮都路里本店啦 相信祇園辻利大家一D都唔陌生，係一間馳名既日本抹茶老店，而座落係佢上層既，就係採用祇園辻利抹茶出品既甜品舖，亦即係今次既主角：茶寮都路里 佔地2層，目測每層可以Serve超過50人，位於祇園四條地下鐵站大約5分鐘既步行距離，即使賴生同屈小姐尚未行到，已經係遠距離見到人龍 到達祇園辻利門口之後，係側面有條樓梯行上去就係嫁啦，想食好西當然要先付出d腳骨力啦 而你經過樓下既時候，已經有2個Display櫃Show左部份供應既甜品出黎 有好多種類，好吸引人呢 上到去2樓同個店員姐姐講左人數之後，佢就會安排你入座，睇黎今晚人數都幾爆，賴生同屈小姐要上3樓先有得食呢 入到去，你會發現佢用傳統既和式設計，主要以木爲主，都幾重京都傳統氣息嫁 雖然話分2層，但樓底都幾高，空間感夠大，不過枱與枱之間距離太近，只能同時過到1.5個人，聽晒隔離講咩（不過又可以比我地近距離睇到人地食乜） 當然，一坐低之後，賴生同屈小姐即時進入會議模式，一人打開一份會議既資料相討一下要挑戰既對手，經過審慎既商議之後呢⋯⋯我地最後揀左： 屈小姐之選： 1）栗子抹茶芭菲Deluxe (期間限定）：4.5⭐️ 貪心既我地當然想一次過試晒當造既栗子同店內馳名既抹茶，所以我地揀左呢隻芭菲！而店員亦會係上菜既時候，拎住張中英日三語既溫馨提示比大家，提醒大家唔好掛住影相，要快D食，因為好快會溶爲左食真D佢既味道，我地梗係選擇做乖寶寶，一影完相即食啦 呢杯芭菲好多料，有抹茶cream、抹茶蛋糕，抹茶茶凍、抹茶丸子、抹茶沙冰、栗子、丸子、脆米，牛奶雪糕同抹茶醬 抹茶Cream : 滑，但抹茶味平平凡凡，不算上乘之作 抹茶蛋糕：甜度遮蓋了抹茶既氣息，要等到甜度過後，才有淡淡回甘 抹茶沙冰：最驚喜係呢個，估唔到最濃最濃抹茶味係入面個沙冰，一食入口成口抹茶味，可以話達到5級抹茶味既理想水平，回甘力同時強勁，係整杯芭菲既靈魂所在！ 抹茶丸子：同好多抹茶丸子一樣，得隻色，不過煙韌度交足功課 抹茶茶凍：有著蒟蒻般既彈牙度，抹茶味就一般，口感分較重 栗子：可謂杯中另一主角，超甜，而且好粉，果然係當造既日本栗子 抹茶醬：抹茶味既另一來源，但多D會更好 白丸子：煙韌有致，交足功課 牛奶雪糕：好重牛奶香同牛奶既甜味，夠幼滑，不過超易溶 脆米：賦予芭菲脆脆既口感，不過有點黏牙
p.s. 近底既部份加左黑糖漿，食到最尾過甜，令屈小姐都要無奈放棄(最底果幾啖) 整體而言，我地比抹茶沙冰既濃度所感動，而屈小姐亦都決意展開佢既抹茶雪糕大比拼計劃，係度透露比大家知，我地揀左5位有名既選手參賽，呢間既排名係第3位 賴先生之選： 2）抹茶蕨餅：4.5⭐️ 至於聰明伶俐，體貼又美麗(?!)既屈小姐知道個芭菲差咁少少野⋯就係賴生最愛既蕨餅，所以佢一早target左要叫一份比賴生食！ 呢個抹茶蕨餅呢，好大粒，鋪滿晒黃豆粉，隻黃豆粉係有一陣勁濃烈既烘培味道，豆味逼晒出黎，既帶烘培香又有濃濃豆味，好正！不過就係太濃，遮晒抹茶味呢！ 至於抹茶蕨餅夠晒煙韌大粒，好出色，假如個抹茶味出D/無被遮擋，應該可以達到5⭐️分數 有住祇園辻利抹茶之名既茶寮都路里，表現合乎預期，只係驚喜度不足，但佢位於京都既鬧市區，位置方便就腳，假如冇Plan到去宇治既朋友，的確值得一試 唔講咁多啦，食完甜品，賴生同屈小姐要趕下場啦：係超好彩比我地插到位既隱世蛋絲鰻魚飯 #食完甜品先食正餐 #抹茶控 #燃起左屈小姐既求真慾 #名為調查，實則爲食 #溫柔體貼女朋友系列 #果然都係外帶雪糕岩口味 #芭菲都係影相用

食完蛋絲鰻魚飯已經好滿足，為左可以減下肥，我地決定慢慢行番酒店，就係呢個時候，我地岩岩一出舖轉個彎就見到一條人龍排晒隊買野食，基於好奇，屈小姐同賴生都走埋去探個頭八掛下人地排咩，點知比我地發現左係一串串好細粒既燒丸子！ 係成個旅程都未見過燒丸子呢種特色食品，加上賴生是位丸子迷，再有人龍既迷惑，賴生同屈小姐都跟住左條人龍排隊 (又話減下肥?!) ，而且重點係排隊既係日本人，賴生同屈小姐心諗實無死啦！與此同時，賴生都想爲大家報導一下店舖既盛況同樣貌，正打算舉起手機影相，就已經即時被警告No photo! 原來店舖已經貼晒告示要求大家唔好影相，入鄉隨俗，賴生都係決定做個乖寶寶 只要你用心等待，好快就會輪到你嫁啦，不過店舖係冇得坐既，全部係外賣拎走，佢會問定你要幾多同收埋錢，等D丸子一燒好，就會熱辣辣地送到你手上 送到你手上既時候，佢有好密實既防漏保護，佢用雞皮紙包住個膠袋再包住D小丸子連汁連粉，唔怕拎到好遠食，當然爲左品嚐佢既真正美味，第一時間食係最好既，於是，賴生就同屈小姐停埋一邊享用啦 即燒麥芽糖黃豆粉小丸子：3⭐️ 每串$110Yen，賴生同屈小姐買左1人1串，整串小丸子被麥芽糖包住，食既時候再點D黃豆粉就食得 味道方面：麥芽糖唔算太甜，配上黃豆粉，食得出有豆味同麥芽糖既甜，不過呢間既黃豆粉豆味較為保守，唔太濃，比起其他地方冇咁好食 至於小丸子，內裡尚算煙韌，經炭火燒過後，帶炭香味道，只係比坊間見到既丸子較為細粒，直徑大約同香港既5毫子咁上下大細1粒，每串有4粒 不過呢串即燒既小丸子呢，唔太適合賴生同屈小姐既口味，主要原因有係：小丸子經炭火燒過之後，外層唔係外脆，而係燒乾左變外硬，而且吸得太多炭燒既味道，over左，食落好似有D燶味 食完之後，我地係覺得有D中伏，唔知係老細失手，定係我地唔識欣賞，我地食完之後，回望果條依舊咁長人龍，都係諗唔透 #一有人排隊就哄埋去 #旅行中對食物既抵抗力係0 #理智同樣是0 #旅行中中伏亦是個美好回憶 #專屬於我倆既中伏回憶 #報導完畢

著住浴衣既賴生同屈小姐終於坐完小火車番到黎啦，係小火車入面仲影左張好靚既合照添。不過我地發現左個秘密！就係我地唔記得拎遮⋯曬到七彩，唔怪得岩岩換好浴衣落樓就見到另外4個浴衣女擔緊遮⋯ 好彩今次冇揀和服著，揀左可能中左暑⋯之但係我地既體溫都似乎上升左唔少⋯唯有用秘方降一降溫先 行過見到呢間舖，見到個大雪櫃，入面放住一條條卷蛋，有D仲要係流心抹茶卷蛋，而且唔算太貴，但我地2個人夾埋食一條好似過份左D，所以我地轉戰另一個目標 ： 黑蜜豆抹茶雪糕多士（加多80Yen可以轉做抹茶雪糕），梗係轉啦 買完仲可以直入側面既有蓋廣場坐住食，又唔駛曬，降下溫麻 黑蜜豆抹茶雪糕多士：4.5⭐️ 大熱天時，係個遮陰位坐低食雪糕是爽的！而呢份多士仲要係雙球添，好邪惡！呢間舖頭都好貼心嫁，附上匙羹比你食，等你唔駛用手同口咬！ 至於味道呢，抹茶雪糕面上鋪左層抹茶粉，初時有奶既甜味，而入口有茶味回甘，唔錯！而粒黑蜜豆更加係神來之筆，豆味好濃，而且好大粒好有咬口，為整體味道加添層次！（不過得2粒），而多士呢，味道同白麵包係冇乜分別既，少少甜啦！不過佢出色既地方係口感，食落去鬆軟到好似食緊海綿蛋糕咁嫁 賴生呢個決定係冇錯既！係食正餐前食左呢個多士先，降溫消暑，順便比對腳歇一歇 賴生英明！ #抹茶控 #雙球雪糕 #一人一球唔駛爭 #又有人餵食 #消暑休息的重點 #休息是為了走更長的路

黎到旅程既第4日，賴生同屈小姐今日要早起身準備去京都既聚會所聚會，為左可以比屈小姐訓耐D訓飽D，賴生又早D起身梳妝化身外賣仔，今日唔同既就係：賴生化身做一個貌似上班族，著住裇衫西褲打晒呔既(靚仔)外賣仔 今次既送餐係黎自四洞院食堂 ，一間由日本母親們主理既和食食堂，假如你有睇開日劇/日本動畫，你會發現好多時早晨既時候，好多媽媽都會好早起左身爲一家人準備早飯，有煎魚、蛋、包、麵豉湯，納豆同白飯等等。假如你想嘗試同感受下黎自日本媽媽們既愛心，呢間早餐就岩晒你啦 呢一間就係啦!! (賴生朝早起身實在係太眼訓啦!! 唔記得影相，夜晚番黎補番啦)，係由日本既媽媽們主理既一間食店，有堂食同外賣，入面所有野都1碟碟同標晒價錢，有煎魚、刺身、菜類、湯類，烏冬同飯等等，你拎左個餐盆先，再排隊跟住D人一路向前行一路拎同揀自己想食既，到最後就到收銀台叫埋主食類，例如:豬肉湯，白飯，烏冬或者雜菌飯等等，唔叫主食類都可以既，之後就可以埋位食/比外賣膠盒你自己整完拎走。 屈小姐既 Day 4 愛心早餐 : 4⭐️ 難得黎到日本，當然要學下日本人朝早食魚食飯做早餐啦，咁岩有間媽媽食堂係附近，一定要試下啦!  正當賴生開門番黎打算叫屈小姐起身既時候，屈小姐個鼻似乎已經聞到飯香，自動彈左起身準備食野啦 (好明顯係屈小姐知聚會好重要，唔可以遲到，所以早左起身啦) 1) 煎三文魚扒 (@350 Yen): 3.5⭐️, 微暖唔夠熱，不過煎三文魚本身都已經夠晒好味，魚皮都煎脆左，三文魚味都出，唔錯既!! 2) 冷豆腐(@100 Yen) : 3⭐️，滑，但豆味又係冇想像中咁濃，中上水平 3) 菠菜漬(@100 Yen ): 4⭐️，酸酸地既菠菜漬雖然凍凍地，但好開胃，同埋有菜食! Yeah! 4) 魚仔海帶漬(@100 Yen): 4⭐️，魚仔唔咸，脆脆地! Good! 最好係有海帶漬食，酸酸地好味又夠晒健康 5) 期間限定雜菌飯(@190 Yen) :4 ⭐️,  日本米煮飯係好食既，仲要配埋日本菇一齊煮，菇味滲落飯中，一流! 賴生既Day 4愛心早餐  : 4⭐️ 至於賴生呢隻大食怪，梗係要多肉少菜版既便當啦(其實都係好健康嫁喇....hahaha) 1) 三文魚刺身:4.5⭐️，其實係日本食刺身好難輸，三文魚刺身都魚脂豐富，魚味濃正!! 2) 煎油甘魚:4⭐️， 正! 成舊油甘魚，魚脂好豐富呀!!不過都係凍左少少 3) 青瓜漬 : 4⭐️, 爽脆有口感! 味道都唔會過火，酸酸地夠開胃 呢間舖固然可以比你一嚐日本媽媽們既手藝同食到傳統日本人既家食早餐，不過煎魚既保溫力尚待改善，假如改善埋呢樣，的確可以抽一日早餐去試下呢個日本家庭式既早餐。 p.s. 點解日本人食早餐會食飯呢?? 原因好簡單: 因為會飽d 就係因為呢2份早餐，賴生同屈小姐先有能量支撐到12點幾去完聚會，所以幾時都話早餐是很重要的!! #愛心早餐速遞 #最幸福就是有人疼 #有野食自然會醒系列 #果然係熱食堂食最好食 #鍾意食野既女朋友 #早餐是很重要的 #第一次的國外聚會

食完左雪糕多士之後，要正式食個Lunch，醫一醫肚先，離開左有蓋廣場之後，我地又冒住大太陽繼續出發，向住渡月橋方向前行大約1分鐘就見到個分叉路，向左轉入去探索30秒，就會見到我地今次嵐山之旅既主角 - 賣嵯峨燒同葛切粉既地方 只要行到見到門口有塊白布大大個字住嵯峨燒就係嫁喇，不過呢....入門口就有少少困難，個梯級好高，著住浴衣好難行上去呢....! 入到去之後，間餐廳冷氣好勁呢，真係要入黎歇一歇，枱櫈都係用木嫁，幾有日式風味，而且老闆娘仲安排左個窗口位比我地坐，外面有個和式園景嫁!!勁正!!日式風味即時爆燈!! 坐低之後，店員即時奉上2杯冰水，炎炎夏日，飲杯冰水真係透心涼。為身體同頭腦降溫之後，我地就打開個menu睇下有咩食啦!不過我地之前一早做左research，目標係人氣既嵯峨燒同黑糖葛切粉! 一熱一凍，正!! 過左15分鐘左右，2份野食都到左啦!! 影番張靚相先!! 其實屈小姐同賴生好鍾意食大阪燒之類既物體嫁，所以呢個嵯峨燒都好合我地既心意!! 1) 嵯峨燒:4.5⭐️ 究竟咩係嵯峨燒呢?  嵯峨燒有D似大阪燒，由2層粉漿煎成，上面仲塗上一層大阪燒既燒烤醬，再放芝麻同紫菜!! Yummy!!入面就有好多種切到好碎既材料，包括蔥、酸薑、蛋、蒟蒻同鳴門卷等等。 你睇下打開有幾厚，入面幾多料，脹卜卜嫁! 隻雞蛋響正係個嵯峨燒既正中間，一吉入去呢，隻蛋係半熟，呈流心狀態嫁!! D蛋黃汁流晒出黎!! 而且入面勁多蔥，超香!! 仲有酸薑粒同蒟蒻粒，一個就酸酸甜甜，開胃又令整體味道複雜有層次D，QQ彈彈既蒟蒻粒就有口感!! 好好食! 2) 黑糖葛切粉: 爆5⭐️ 呢個葛切粉極級推薦，無論味道與口感都係極其出色，登鋒造極!! 食法就係葛切粉先點黑糖，再點黃豆粉!!  一碗入面有8粒，全部浸係水入面，保持冰涼!! 每粒葛切粉表面都好滑溜，而內裡就好似蕨餅般煙韧。再者，表面光滑既平面容易將水份卸去，等你唔會因為平面過濕點黃豆粉時，令剩餘既黃豆粉濕晒，同時又唔會點得過多既黃豆粉! Perfect!! 至於極致既味道，就要歸功於碟黃豆粉同黑糖!! 首先，碟黃糖粉，未點已經聞到陣陣黃豆香，而且係純黃豆粉，無溝糖，所以點落去既時候豆味好濃，仲食到烘培過既味道!! 正!! 配以微甜既黑糖漿，味道唔會得個死甜，而係有黑糖本身既微妙既微苦味道，同黃豆粉既味道互相輝映!! 由豆味，到微苦味至甜味，味道真係不得了!! 總結: 假如黎到嵐山，都應該黎呢間舖食一次，本來份屬名物既嵯峨燒應該只係配角，真正既主角應該係黑糖葛切粉，果3種味道既配合，天衣無縫!! #食到疑似大阪燒 #黑糖葛切粉真心不得了 #愛QQ蕨餅口感既賴生 #第一次肆無忌憚咁點糖食 #皆因唔會過甜 #Yummy!! #著浴衣行樓梯既苦惱

一路拖住著住浴衣既屈小姐係嵐山周圍影相，終於黎到今日嵐山之旅既尾聲 - 竹林，係入竹林之前，都係要醫下肚先，因為著住浴衣其實真係幾拘束，行步路都唔行得快，條腰又好辛苦，對木屐又搞到對腳同腳板鬼死咁酸痛 如果你女朋友著緊浴衣/和服，請就一就佢，因為真係好鬼辛苦嫁，好彩賴生今次都有著先體會到箇中感受，難怪人地成日講愛靚唔愛命 難得黎到三忠豆腐屋，又有一排櫈可以坐一坐，幾歹都要坐一坐歇一歇對腳先！ 買完係對面等出餐就得，仲有位坐住食，係胡麻豆腐同冷豆腐入面，屈小姐同賴生就決定左揀冷豆腐，因為唔想比胡麻醬既味遮到豆腐味，我地今次一心一意追求極致既濃濃豆腐味 1）冷豆腐：3⭐️ 一拎舊豆腐就知到好嫩滑，面層有起粒粒既紋理，配上幾粒蔥花，蘿蔔蓉同木魚絲，少少提香既作用，醬汁就是鰹魚豉油！ 口感係好滑既，滑得黎唔算易爛/易散，挺身既，不過冇我地預期既豆味，都係輕輕有少少豆味咁樣，最後我地要靠點個鰹魚豉油食 但係，其實日本好多豆腐都做得好過香港好多嫁啦，嫩滑得黎挺身唔容易爛，加上都仲有豆味存在，比3⭐️你啦！ 食完我地再轉戰對側面果間丸子舖 #竹林裏人潮處處 #一但捕捉到冇人既時候要快閃影相 #高超技巧 #訓練使用相機速度 #豆腐控 #豆味阿豆味阿我要豆味 #有得坐就要坐一坐 #體貼既賴生

換好浴衣之後，趁住仲有1個幾鐘先坐小火車，賴生一直沾沾咁拖住超靚既屈小姐漫步行去渡月橋，路上仲影左好多相添，沿住條直路一直行到尾，再左轉就見到個遊客區啦，多人到呢 行下行下，突然有股引力吸左賴生同屈小姐入去，原來係間抹茶甜品舖，和式既設計加埋門口掛住4支抹茶雪糕裝飾，唔怪得我地會被吸入去 入到去，除左有抹茶甜品同飲品賣之外，仲有大量手信可以買，買完可以行入舖頭最入面，坐係張Bar檯食！ 當我地行到收銀台之後，仲見到有張圖文並茂既餐牌，超方便，唔識講日文既我地可以用身體語言就溝通到啦！勁好 我地最後就買左1份抹茶蕨餅（@$400yen)，一件抹茶蛋糕(@$250yen)同1個抹茶大福(@$250yen)，總共用左$900 yen。如你所見，每份甜品都有足夠保護，食蛋糕仲附送埋匙羮添（係呢一刻賴生仲唔明點解要匙羮，但最後明啦），影完相之後，要開箱試食啦 1）抹茶大福 (左下)：2.5⭐️ 一打開都幾大粒，仲有張膠紙包住，可以直接落手食 唔⋯日本既大福都好似整體有個弊病，就係過甜⋯雖則佢係幾煙韌，咬落去係要用一點撕扯既力量，先至咬得斷，不過始終係抹茶甜品，我地覺得最少都應該要有抹茶味，但佢就甜到遮哂抹茶味，所以只能比合格既分數！ 2）抹茶蕨餅 (左上)：4.5⭐️ 由於賴生好鍾意食蕨餅，所以體貼既屈小姐專登叫左份比賴生食 一啖一粒，方便食落口，咬落去煙韌有致，單計個口感可以話係滿分，而表面又沾滿晒抹茶粉，回甘同抹茶味都好夠，有少少可惜係：當你食完果層抹茶粉之後，粒蕨餅本身就冇乜抹茶味，好彩佢唔會太甜 3) 抹茶蛋糕：5⭐️ 點解零零舍舍得抹茶蛋糕有Close up既？原因好簡單：因為屈小姐事前就已經指明要買呢件蛋糕，證明佢好想食！ 當你打開個膠盒之後，你會發現仲有條紙圍住個蛋糕，究竟點解既呢？謎底經已解開⋯ 原來個蛋糕中間夾果層係Mousse狀架！所以佢比匙羮你食，因為直接用手會整污糟嫁！ 一食落去，個蛋糕超Smooth，係口度似海綿咁融化，而中間果層抹茶Mousse就將抹茶味同回甘帶入口中，不停徊盪，好正呢！難怪屈小姐想試啦！ (個texture有D似香港既半熟工房，但再滑好多好多好多同埋係真‧濃抹茶味版) 食完之後，我地又再次出發，繼續旅程，順便周圍睇定，睇下一陣坐完小火車有咩食 #抹茶控 #對抹茶抵抗力係接近0 #綠色既甜品的確吸引人 #但重點係要有回甘既抹茶味 #食緊蛋糕個滿足樣好可愛迷人呢