muichu.jai的個人專頁

呢間沾麵店喺東京幾有人氣㗎💁🏻‍♀️～只有4間店舖而全部都只係喺東京，除咗妹豬仔同男朋友去嘅呢間📍晴空塔店之外，仲有📍東京車站店、📍羽田機場店、📍大崎本店。.正如日本拉麵店咁樣🍜，一入店舖門口位置就放置咗食券機，買好食券之後，店員就帶領我哋入座。而我哋坐嘅係吧枱位置，可以好近咁睇到師傅烹調沾麵😆。.🔸[特製沾麵 (大盛)🥢] (¥1180)妹豬仔同男朋友都揀選咗「大盛」啲麵量，份量都真係幾大份㗎😂～麵條偏粗身，比較容易掛上沾麵汁，而麵嘅硬度好夠，好有𡁻口。至於沾麵汁，用上豚骨魚介湯頭，味道算濃厚👍🏻；入面塊叉燒都大片而厚，而面頭嘅肉碎就增加咗口感層次。而溏心蛋就一般般，點嫌熟咗啲🤨～.✨妹豬仔👧🏻💬: 出發前睇好多資料見到話呢個沾麵好好食，但妹豬仔同男朋友食完之後都覺得只係不過不失🙈。.💡妹豬仔話你知～麵嘅份量有4種可以選擇：小盛(185g)、並盛(280g)、大盛(425g)、特盛(560g)，大家買食券嗰陣記得好好衡量自己嘅食量，千祈唔好做大嘥鬼呀！另外，食完麵記得加湯飲下湯底呀，枱面有唔同調味料，等客人隨自己口味加添～…查看更多

淺草商店街真係有好多美食㗎💁🏻‍♀️～除咗炸肉餅、紅白草莓串、草莓冰沙之外，妹豬仔同男朋友仲食咗呢個人氣必食嘅吉備糰子，行到店舖附近就已經聞到濃濃嘅香味喇😉～.🔸[吉備糰子🍡] (¥350)一份共有5串，每串有四粒吉備糰子，而糰子大小都係比較迷你😆。當俾完錢之後，店員就將浸喺熱水嘅5串吉備糰子取出，稍為瀝一瀝水再放入一大窩黃豆粉入面，令吉備糰子沾上滿滿嘅黃豆粉。.攞咗吉備糰子之後，就可以企喺店舖用餐區慢慢品嘗～吉備糰子仲係熱熱地，而且煙煙韌韌😍。黃豆粉令糰子味道甜甜地，但又未去到甜膩嘅程度。由於糰子比較迷你嘅關係，食完都唔會有飽滯嘅感覺，可以放心食完再食其他美食🤣。.💡妹豬仔話你知～吉備糰子🍡係日式糰子嘅其中一個款式，以黍子為材料，相傳源於岡山桃太郎嘅故事，由桃太郎婆婆製作而成，幫忙降妖伏魔。…查看更多

淺草寺係去日本東京觀光必到景點之一🇯🇵，附近有大大小小嘅店舖，售賣唔同小吃、特色食物、商品等。上網見呢間店舖嘅炸肉餅好好食，妹豬仔緊係試下啦🏃🏻‍♀️💨！.🔸[炸肉餅] (¥250)係混合咗牛肉🐮同豬肉🐷嘅炸肉餅，外皮炸得好香脆(人哋嗰啲金黃色㗎～唔知點解我呢個比較燶😂)！內裡嘅肉餅保持嫩滑，當咬落去嘅時候，肉汁就開始流出嚟👍🏻；而且食到入面係有洋蔥粒🧅，增加咗肉餅嘅口感，味道好好😋！當日溫度只有攝氏6度，但炸肉餅攞上手嗰陣仲係熱辣辣，所以食嗰陣覺得係加倍嘅美味😆！.⚠️炸肉餅含有牛肉同豬肉，唔食牛肉或豬肉嘅朋友，要好好注意喇！.💡妹豬仔話你知～呢間店舖設有用餐區俾客人入去坐低食，買完炸肉餅之後向前行多幾步就到㗎喇😉～不過有時真係太多人，咁就唯有喺用餐區出面企定食完至再行街啦💁🏻‍♀️！…查看更多

呢間日本和菓子老店嘅銅鑼燒，係東京三大銅鑼燒之一👍🏻。由於店舖非常有人氣，平時都大排長龍㗎～不過妹豬仔算好彩，喺門外排隊排咗大概20分鐘就入到店嚕😝～.店內裝潢充滿日式傳統感覺☺️，除咗出名嘅銅鑼燒之外，仲有其他唔同嘅和菓子、日式甜點，例如：大福、蕨餅等等。妹豬仔👧🏻同男朋友👦🏻就買咗呢兩種口味唔同嘅銅鑼燒。.🔸[銅鑼燒(黑餡)] (¥360)內餡係紅豆泥嘅銅鑼燒，比平時食開嘅銅鑼燒大，而且頗有重量😆。餅皮口感都幾特別，鬆軟得嚟又有啲煙韌，而且唔會太濕同太乾。至於紅豆餡料好好味，紅豆味十足😋。不過我估因為用咗十勝紅豆同黑糖嚟整，所以味道偏甜，食多幾啖就有啲膩😝。.🔸[銅鑼燒(白餡)] (¥360)內餡係白豆泥嘅銅鑼燒，同樣尺寸大同幾有重量，餅皮同黑餡嗰款亦都一樣。不過值得一提嘅係，白豆餡料嘅甜度比紅豆餡料更更更甜😅，唔鍾意甜食嘅朋友可能未必鍾意食/未必接受到，所以如果第一次去食，我建議都係試黑餡比較好🤣。…查看更多

鯛魚燒抵食又好味😋，係唔少人嘅至愛，去日本旅行都會賣嚟食。唔講你又知唔知呢🧐～日本唔同地方都會有鯛魚燒店，但每一間鯛魚燒店其實用料上或其他方面都會有所唔同，製造出嗰間店舖嘅獨特鯛魚燒。妹豬仔呢次喺上野就幫襯咗呢間以「羽根付鯛魚燒」聞名嘅鯛魚燒連鎖店🤤。.🔸[羽根付鯛魚燒 吉士味] (¥200)呢間嘅鯛魚燒出名在於有[羽根]🧐！其實即係保留咗整鯛魚燒嗰陣側邊燒得薄脆嘅外皮。鯛魚燒係即點即整，所以攞上手嗰陣係熱辣辣嘅👍🏻～嗰啲薄薄嘅外皮好香脆，而內裡嘅餡料十分充足，味道唔錯🤗！妹豬仔食嘅係吉士味，另外仲有紅豆味(¥180)可以選擇。…查看更多

妹豬仔大概中午12點幾去到壽司店，當日街上人流唔算好多，但店門外已經出現小小嘅人龍😮，大概等咗20-30分鐘就可以入去嚕～.店內位置唔算好大，大約只有十幾個圍住壽司迴轉帶嘅吧檯座位，可以一邊食壽司，一邊睇師傅喺面前整壽司😁～而壽司迴轉帶上面放滿一碟碟壽司，自己想食邊一碟，就可以攞嗰一碟😆！另外亦都可以點餐，店內菜單有齊中、英、日、韓文同食物相，就算言語不通，都可以指住食物相/number嚟點餐🤣～.🔸[吞拿魚中落軍艦🐟] (¥100)壽司店主打吞拿魚握壽司，當中嘅種類仲有好多，呢個軍艦亦相當有標誌性。點解呢？就係因為佢嘅份量一啲都唔吝嗇😍！吞拿魚肉多到嚇親人😳，可以堆砌咗一個吞拿魚小山出嚟，價錢都只係¥100，非常抵食😋！.除咗[吞拿魚中落軍艦🐟]之外，仲有食其他嘅壽司㗎～.🔸[鯛魚壽司] .🔸[吞拿魚壽司] .🔸[三文魚壽司] .🔸[海膽壽司併三文魚籽壽司] .🔸[左口魚火炙壽司] .🔸[蝦壽司] .💡話你知～壽司價錢以碟嘅顏色去區分，由¥100去到¥660都有，埋單嗰陣店員就會點算唔同顏色碟嘅數量。.✨妹豬仔👧🏻💬: 呢度使用新鮮食材、份量超多，價錢又抵，真係CP值超高👍🏻！…查看更多

作為食肉獸😈，去到東京當然都要繼續履行「我要食肉」呢個使命啦😆～旅行前睇資料見好多人推介呢間人氣燒肉放題店，為免walk-in會太多人而冇位，所以出發前已經上網book定位嚕😁～.🔸[楓之宴] (¥9,500/位)餐廳有唔同燒肉套餐和放題可以選擇💁🏻‍♀️。燒肉放題有[雪之宴]、[月之宴]、[松阪之宴]。我哋選擇嘅係[楓之宴]，可以任食任飲😝(其實亦就係[雪之宴]再加任飲，用餐時間就由90分鐘加到去120分鐘)。. 入座之後，店員首先傳上熱毛巾俾我哋抹手同俾圍裙我哋著。跟住再傳上前菜同3款肉類👍🏻(鹽味牛舌、高級里脊肉、五花肉)，跟住話我哋知之後就可以自行喺tablet點餐📱。呢個套餐雖然係最基本嗰個，但任食餐單已經非常豐富😆，可以任食17款肉類🥩、5款海鮮🦑、6款蔬菜/前菜🥬、9款飯麵類🍚🍜、4款湯類🥣，另外就係可以任飲Drink List上面32款酒精🥃或非酒精類飲品🍵。.肉類方面其實唔只牛肉🐮，仲有雞肉🐔同豬肉🐷㗎～妹豬仔就特別鍾意食呢幾款牛肉😍：[高級里脊肉]、[五花肉]、[菲力]，因為肉味都好香濃🤤。而海鮮方面都好鮮甜😋，點咗[螃蟹🦀️]、[扇貝]、[蝦🦐]、河豚🐡]。當用餐完畢之後，店員稍作清理枱面，就傳上當晚甜品(一粒好凍嘅雪糕糯米糍)同熱茶一杯🍵。.值得一提嘅係，店員每隔一段時間就會主動過嚟睇下個網有冇燶，再換走燒燶咗嘅網👍🏻。另外，當隔離枱有人入座嗰陣，店員仲即刻垂下薄簾布嚟隔開兩張枱，雖然都仲會聽到隔離枱講嘢，但起碼有私人空間嘅感覺😂。所以我覺得呢度服務真係周到、貼心❤️！…查看更多