デニーズ 池袋東口店 (已結業)

日本朋友介紹話如果食快餐，呢間唔錯。膽操操就去試下。佢係一間好似香港撒利亞咁既操作形式，唔同既係佢出咗野食就叫你去比錢，有啲奇怪。😅叫咗個漢堡排加飯、吞拿魚飯、三文魚沙律。漢堡排一咬入去好鬆軟好正，牛肉味一流！ 加飯直頭係絕配🙈個吞拿魚飯係有意外驚喜！冇諗過係快餐店食呢個會好食，十分鮮味！好正！個三文魚沙律就不過不失，如果再多啲三文魚就好。朋友唔舒服叫咗杯熱朱古力比佢飲，一黎到個聞到朱古力已經好香，飲落超級濃郁！朱古力迷真係要試下！