うまい鮨勘 築地市場支店 (築地)

幾年前黎過築地，見呢間最少人排隊就試下呢間，嘩，勁好食，意料之外，特別係最唔鐘意食玉子壽司既我竟然覺得呢到玉子壽司咁好味，於是下一次我又返黎呢到食喇，今次叫既係中拖羅，整成手卷同壽司，好味呀，入口即融，望到全部壽司係由師傅即刻手握，最左個舊係吞拿魚蓉，其他都係刺身係面再黎係個海鮮丼，都唔錯，海膽要比個讚，三文魚子都好味（本身我唔食嫌佢腥但呢到既都幾好味），佢兩個餐都配麵豉湯架，係凍凍地既天氣飲佢最岩，佢仲好足料，好多魚肉係入面架！