スターバックスコーヒー 梅田ＨＥＰＦＩＶＥ店

營業中

休息中

臨離開大阪前一晚，眼見食完晚飯都未到九點，哥哥終於答允送完父母返酒店後，兩兄弟一齊行去「HEP FIVE」坐摩天輪。一訪梅田火紅色o既景點後，喺商場竟然有緣地遇上星巴克咖啡屋「スターバックスコーヒー」（Starbucks Coffee），店子仲要推緊紅粉緋緋o既櫻花特飲喎，XO仔即抵擋唔住誘惑。。。咖啡店內四周o既裝潢都用上櫻花圖案。就連印章及手機遊戲都用上櫻花作主題，真係夠哂粉紅。Sakura Blossom Cream Frappuccino（570円/Tall）：小肥所選o既「櫻花盛放忌廉星冰樂」外表雪白，粉紅元素源自頂面o既白朱古力脆脆及櫻花粒粒，成功營造出片片櫻花花瓣漂落之情景，當真極有詩意！櫻花忌廉星冰樂清香柔滑，微甜中有櫻花粒粒帶黎少少醒神清新o既酸甜，粉紅色o既白朱古力花瓣又增添多份脆甜，這杯粉紅色櫻花誘惑實在美妙動人啊！「願望是即使天老地老，櫻花一再為你開，年年都這麼相愛。」～李克勤「櫻花」