影片
電話號碼
06-6706-1238
營業時間
今日營業
17:00 - 03:00
星期一至日
17:00 - 03:00
以上資料只供參考, 請與餐廳確認詳情
平野這地區可能唔係一般香港人的熱門旅遊地點，但因為有朋友住這一區所以呢日我就同老公嚟到呢度。Lunch時間朋友因事未到，我就同老公喺佢屋企附近四圍行揾地方醫肚。人生路不熟所以一見到路邊有間小餐廳我哋都無考慮太多就走入去。待應好親切咁畀左個定食餐牌畀我哋，上面有10款定食價錢都好親民。日文嘅餐牌我哋淨係睇得明“天”、“鷄”、“燒魚”同“親子丼”幾個字。反正價格都幾親民，我哋就揀在“天”同“燒魚”兩個定食。待應先送每人送上一小碟凍豆腐同醃菜，凍豆腐豆味好濃好滑，醃菜酸酸地好開胃。麵豉湯亦非常好飲。到開估時間，“天”字原來真係代表天婦羅定食(￥690 稅別)，入面有蝦、魚塊、青椒、冬菇、紫菜同紫蘇葉，天婦羅食落炸漿鬆化唔油膩，入面的食材都好新鮮味美，正！燒魚定食(￥580 稅別)條魚燒得好均勻，魚肉juicy, 魚鰭位置燒到脆卜卜，好好味！呢2個定食的飯都好係有飯味嘅日本米，餐廳仲好細心咁用較大嘅藍色碗裝飯畀我老公，而畀我就用比較細嘅粉紅色碗，因為通常女仕都細食過男仕嘛，由此可見呢間餐廳嘅人都好珍惜唔會隨便浪費食物，有呢份對食物嘅珍重唔怪煮得咁好食啦！
繼續閱讀