講到北海道冬天，除咗滑雪，小樽一直都係不少旅客心目中「最有浪漫感」嘅存在。白雪覆蓋運河、歐風街道、玻璃工藝小店，加埋超密集嘅小樽美食，就算只有 1日時間都玩得超滿足！
今次整理好小樽1日懶人包，特別適合 1～2月去滑雪＋札幌順遊嘅朋友，重點小樽美食同必去雪景一次過收齊！記得睇啱就要book位
市場食堂 味処たけだ 
Source: OpenRice Website
🍽️早餐｜市場食堂 味処たけだ
一落小樽，第一站一定要衝入 三角市場！「市場食堂 味処たけだ」係當地超高人氣食堂，餐廳主打北海道直送海鮮，新鮮即切。
必食推介：海膽三文魚籽海鮮丼。早餐食一碗滿滿鮮味嘅海鮮丼飯，幸福感直接拉滿！食完仲可以行下三角市場，買一啲海產物當手信！
Source: OpenRice Website
Source: Official Website
🧊Shopping必去｜堺町通り＋北一硝子
食完早餐就去 堺町通り商店街慢慢行～冬天街道鋪雪，加埋歐風建築，完全係小樽限定景色。
必去重點👇
北一硝子：玻璃工藝＋油燈咖啡廳，氣氛超夢幻
小樽音樂盒堂：必買手信
北海道限定甜品、芝士、朱古力全部集中喺呢條街
建議預留 1.5～2小時，慢慢行＋影相＋買手信
寿し処 彩華 
Source: OpenRice Website
🍣午餐｜寿し処 彩華
講到小樽美食，壽司一定係主角。小樽一向被稱為「壽司之城」，而「寿し処 彩華」就係不少當地人都會去嘅實力派壽司店。由小樽出身嘅壽司職人即席捏壽司，將小樽當季最新鮮嘅海味捏成壽司。
午市大推：潮套餐（潮コース）¥5,500、食材以北海道直送為主，海膽、帆立貝、甜蝦全部非常新鮮。節奏舒服、CP值高，設有包廂式小Table座位歡迎小朋友入座，無論家庭或朋友聚餐都好適合。
Source: Official Website❄️必去打卡｜小樽運河
入夜後即刻行去小樽最經典地標小樽運河。
冬天兩岸鋪滿白雪，石倉＋煤氣燈配雪景，隨手影都係明信片級數📸
若然行程安排喺 2 月中，更加幸運可以遇上一年一度嘅「小樽雪あかりの路」(期間限定：2026年2月7日(六)～14日(六))運河沿岸點滿手作雪燈，係小樽冬季限定、值得親眼見證嘅景色。
建議日頭影完雪景，夜晚再返嚟睇燈，一次過影到兩種感覺✨
ジンギスカーン 小樽別邸 
Source: OpenRice Website
🌙晚餐 Option 1｜ジンギスカーン 小樽別邸
天氣凍到爆，夜晚一定要食熱辣辣北海道名物嘅 成吉思汗烤羊肉！餐廳曾於人氣電視節目中亮相，被多位名人推薦，係識食之人之間流傳嘅隱世名店。
必食推介：冰島產古代種羊肉¥1,100。全球只有約 1% 流通嘅珍貴古代品種生羊肉，每日新鮮即切的極品羊肉。除咗招牌成吉思汗之外，仲可以食到海鮮丼同涮涮鍋，非常適合想一次過試盡北海道名物嘅旅客。無論係聚餐定係冬日暖胃晚餐，都係小樽不可錯過嘅人氣之選。
かまわぬ 
Source: OpenRice Website
🌙晚餐 Option 2｜かまわぬ
如果唔食羊或唔想太heavy，可以揀「かまわぬ」。由一對感情好好嘅母子一同經營，氣氛非常家庭式嘅小樽居酒屋。
主打以北海道食材入饌嘅手作料理、用心挑選嘅酒款，以及讓人放鬆嘅貼心招待。飲品放題仲可以飲到小樽老字號酒藏 田中酒造出品嘅「寶川」清酒，對清酒迷嚟講絕對係加分位。推介料理：季節刺身和海鮮棒寿司。適合想慢慢食、慢慢chill、感受人情味嘅旅客。
🚃小樽交通Tips
札幌 → 小樽：JR 約35分鐘
滑雪行程順遊：可由札幌／二世古／留壽都滑雪場接駁
小樽市內：步行＋少量巴士已足夠
👉 建議著防滑雪靴，1–2月路面會積雪！
※注意：以上價格為以2025年12月參考價，實際金額將以當日為準。預約前請確認最新價格。
※注意：擅自取消會對其他顧客和本店造成不便。如您無法如期出席，請務必要在事前取消預約！