「巨量美食」一直係日本飲食界嘅人氣範疇，款款賣相震撼，而且五花百門乜都有。上篇小編就搜羅咗東京5間人氣「巨量美食」餐廳（👉東京篇傳送門），今次到大阪篇啦，有特大燒牛肉飯、拉麵等任君選擇~即睇！
餐廳外牆寫住大大隻「NO BEEF NO LIFE」，當然賣點就係靚牛扒，而且定價親民。午市有每日限量5碗嘅「元祖特盛牛扒丼 (940円)」同「蛋黃牛扒丼 (940円)」，各有1kg重。前者有啱啱好煮到三成熟嘅牛扒、特大碗飯、芽菜同頂層嘅餐廳秘製醬汁，逢單數日供應；後者嘅牛扒較幼切，配個蛋黃撈飯一流，逢雙數日供應。
(圖:tatsuyanikaido)
呢間芭菲店嘅名物珍寶芭菲，睇個賣相就知啱哂打卡啦！啲水果呀忌廉呀堆到成座塔咁高，仲有滿滿嘅雪榚同栗米片。而且口味頗多，人氣No.1嘅係朱古力味，另外仲有香蕉、士多啤梨等約10款選擇。
喺呢間連鎖店可以搵到一款蛋包飯叫「Omudomu (770円起)」，其實係多明格拉斯醬(Demiglace sauce)蛋包飯。有幾款配菜如漢堡扒、炸豬扒等等以供選擇。想試巨大蛋包飯可以俾多200円叫個特盛版，只係得呢間分店供應，而且係餐牌冇嘅隱藏菜單嚟㗎。
(圖:onakaippai2)
講到大阪嘅代表巨量美食，一定要數呢間拉麵店。麵量分為普通220克、中315克、大500克，兼有蒜蓉、豬背脂、蔬菜可以免費追加 (同樣分3種份量)。麵係自家製嘅極粗麵，分叉燒撈麵同叉燒拉麵。拉麵湯底主打豬骨湯，口味濃郁，同粗麵好夾，配埋海量嘅蔬菜一齊食仲減低油膩感添。
呢間日式食堂主打日本家庭小菜定食，好似豚肉生薑燒、高湯蛋捲等。至於巨量美食就有每日限定供應10碗嘅「雞肉雞蛋天丼」，有堆到超高嘅雞肉天婦羅，最頂仲有隻半熟蛋，據講高25厘米、重130g㗎。鐘意食蝦嘅朋友推介可以叫份「巨型炸蝦定食」，除咗有一隻巨型炸蝦，仲有隻普通Size嘅炸蝦同炸雞添。
(圖片:georgelunch / masimasiyamasi)