召集真餓底 巨量美食5大推介【東京篇】
2017-09-06

「巨量美食」一直係日本飲食界嘅人氣範疇,款款賣相震撼,而且五花百門乜都有。小編今次就搜羅咗東京5間人氣「巨量美食」餐廳,各位進撃的餓底準備好去日本挑戰未?


Restaurantいろり家Restaurant


呢間位於銀座嘅居酒屋,最受歡迎嘅菜式絕對係「名物 船上めし」(小盛2480円、中盛2980円、特大3980円)。飯上面有北海道知床產嘅三文魚子,每粒都圓碌碌、新鮮有光澤,日本食家仲用「寶石」去形容添。店員每潷一殼三文魚子,都會喝一聲「Yoisho!」,勁有居酒屋熱鬧嘅氣氛,仲會潷到三文魚子滿瀉先停手,仲唔係未食先興奮?

あや(@ayacyuuun)分享的貼文 張貼



呢間豚丼專門店目前喺東京有兩間分店。標示分量嘅名稱都貫徹學校主題,有小、中、大、大學院(1000g)、修士(1500g)、博士(1850g)六種等級。豚丼嘅豬肉選用咗五花肉,燒到微焦,配埋甜帶微辣嘅特製調味醬汁,夠哂開胃。而且碗碗都賣相吸引,啲肉砌到成朵花咁,好震撼。

不過為咗防止有大嘥鬼眼闊肚窄一嚟就打大Boss,餐廳整咗張卡幫客人儲印仔,證明食過「大學院」或以上等級,先可以挑戰「博士」,而且只限單打獨鬥唔俾同人share。因此做得「博士」嘅實力都有番咁上下,接近100%嘅挑戰者都食得哂㗎!

(圖:fun)



【もうやんカレー】係一間主打咖哩嘅連鎖店,最受歡迎嘅係同名咖哩飯,除咗揀選食材有要求,仲係日本業界首推嘅無麩質咖哩嚟添。

大忍具分店更推出巨量咖哩飯「FUJI盛り」,係普通size嘅5倍份量!啲飯堆到成座富士山咁,連咖哩嘅配菜都零舍多。成班人開心share又得,獨遊嘅大胃王想挑戰亦得。不過要留意餐廳謝絕大嘥鬼,寫到明唔可以食剩(歡迎打包),自認小鳥胃嘅話都係叫返普通size好啲啦~

(圖:餐廳官網)



呢間主打牛扒嘅餐廳對肉嘅種類、燒烤嘅方法、調味醬汁都好講究,務求令所有牛魔王可以食到最原汁原味嘅好滋味。而秋葉原店限定嘅「3磅鐵板牛肩胛肉扒」一直吸引唔少勇士挑戰,食家話產自墨西哥嘅牛扒脂肪分佈得幾平均,切開有肉汁,食落嫩滑唔太韌。嗌個套餐嘅話,仲有1磅白飯跟餐免費任裝,沙律都任食㗎!

客人可叫份3磅鐵板牛扒一齊share,但每位至少要order一樣嘢(飲品亦可)。萬一食唔哂都歡迎打包。



呢度賣巨量美食賣到出哂名,普通size白飯都竟然重約3500克,大碗仲重達
7000克,同其他餐廳完全唔同級數!

以午市套餐為例,唔駛1000円就有滿滿嘅白飯,仲有堆到山咁高嘅日式炸雞、炸薯餅、卷蛋、關東煮等小菜。而且味道一啲都唔遜色,炸雞外脆內嫩有肉汁,關東煮仲有家的味道添。白飯份量可以自己要求,如果驚連普通size都食唔哂,都可以嗌少飯嘅。

但要留意呢度謝絕客人叫份巨量美食之後齊齊share,而且每位客人至少要order一樣嘢。同行有大胃王可以包底嘅話不妨挑戰!


關鍵字
日本
東京
話題
推介
美食
排隊熱店
開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!最新必試便利店新品速報
2天前
今秋必試期間限定甜品特集-2017年版-
2017-09-28
召集真餓底 巨量美食5大推介【大阪篇】
3天前
3大萬聖節主題下午茶推介🎃【東京篇】
2017-10-04
4大萬聖節主題下午茶及自助餐推介🎃【大阪京都篇】
2017-10-09