影片
更多
2024-11-17
0 瀏覽
呢間焼肉店喺好短時間已經喺YouTube成位咗 KOL成日推嘅人氣店，老公喺兩個月前成功喺佢地個website book咗位。當天18：00入到店內，發現99%都係香港人嚟。。。已經有D驚會中伏🤪🤪我地基本上叫晒“本日嘅稀少部位”嚟食，原本打算可以試到唔同產地嘅稀少部位牛肉，例如佐賀牛，伊万里牛等。。。點知嗰日嘅稀少部位全部得鹿兒島產地嘅黑毛和牛。。。最後其中印象最深刻係：鹿兒島黑毛和牛Zabuton：呢碟Zabuton上抬肉質鮮嫩多汁，均勻嘅雪花紋理，顯出高品質嘅和牛特色，牛味濃，入口即溶，絕對值得一試，果然係稀少部位推介！厚切牛舌：另外，都叫咗厚切牛舌，碟牛舌上抬已經好吸引。首先，牛舌被切成六嚿，每一嚿都係厚切，牛舌表面灑咗啲芝麻喺面，睇落去好新鮮。牛舌咬落去口感應該係好嫩滑，只需加啲檸檬汁一齊食，已經非常提鮮，厚切牛舌係要必嗌嘅。海膽和牛卷：最後，重頭戲係海膽和牛卷！呢個真係中伏，我諗大部分遊客都係為咗呢個海膽和牛卷而嚟，但係最令人失望嘅就係呢一個海膽和牛卷，上枱嘅時候的個好吸引，非常打卡able!!等我哋一叫就叫咗兩嚿，點知一食落去，塊和牛勁多筋，直情係咬唔爛，舊牛係完全吞唔到
當天18：00入到店內，發現99%都係香港人嚟。。。已經有D驚會中伏🤪🤪
我地基本上叫晒“本日嘅稀少部位”嚟食，原本打算可以試到唔同產地嘅稀少部位牛肉，例如佐賀牛，伊万里牛等。。。點知嗰日嘅稀少部位全部得鹿兒島產地嘅黑毛和牛。。。
最後其中印象最深刻係：
鹿兒島黑毛和牛Zabuton：
呢碟Zabuton上抬肉質鮮嫩多汁，均勻嘅雪花紋理，顯出高品質嘅和牛特色，牛味濃，入口即溶，絕對值得一試，果然係稀少部位推介！
厚切牛舌：
另外，都叫咗厚切牛舌，碟牛舌上抬已經好吸引。首先，牛舌被切成六嚿，每一嚿都係厚切，牛舌表面灑咗啲芝麻喺面，睇落去好新鮮。牛舌咬落去口感應該係好嫩滑，只需加啲檸檬汁一齊食，已經非常提鮮，厚切牛舌係要必嗌嘅。
海膽和牛卷：
最後，重頭戲係海膽和牛卷！呢個真係中伏，我諗大部分遊客都係為咗呢個海膽和牛卷而嚟，但係最令人失望嘅就係呢一個海膽和牛卷，上枱嘅時候的個好吸引，非常打卡able!!
等我哋一叫就叫咗兩嚿，點知一食落去，塊和牛勁多筋，直情係咬唔爛，舊牛係完全吞唔到。加上呢塊和牛好似冇炙燒過咁，出唔到和牛嘅油花香，硬吞有筋生牛肉片一樣，嘥咗個海膽。。。。仲要兩嚿牛都一樣勁多筋，呢嚿嘢仲要990yen/件，完全真係唔值得食...唔知係咪太多KOL做promotion... 佢哋嘅booking已經好full 唔憂做啦，所以品質差咗？？？？？
仲記得十年前喺東京食過另一間海膽和牛卷，真係好食過呢嚿一百倍。
總括嚟講，呢間人氣店已經變咗做遊客店，稀少部位係好食嘅，但佢哋價錢都唔平，平均要成二千幾yen一碟，性價比唔高，加上佢地signature之一嘅海膽和牛卷實在令人太失望了。。。另外，店長&店員無咩同客人有互動，Dinner仲要有限時要求。
呢餐飯兩個人，食咗total 一萬六千yen，對比喺福岡其他更好更抵食嘅焼肉店仲有好多，大家可以有更多選擇。
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
海膽和牛卷
¥990
0 瀏覽
0 讚好
0 留言
海膽和牛卷
¥990
0 瀏覽
0 讚好
0 留言
0 瀏覽
0 讚好
0 留言
雞頸肉
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
張貼
