中野既細街入面隱藏著海鮮專門店?!
2019-08-15

當你一行出JR 中野站嘅時候,就會發現自己同好多人一樣,向住條好多嘢賣嘅街前行。呢條街有賣甜品小食、衫褲鞋襪、又有藥房,睇成日唔會夠!去到最尾就會見到叫做中野 Broadway 嘅商場嘅入口。嚟到呢度,鐘意卡通漫畫嘅朋友就開心啦!但我哋今次嘅重點唔係shopping,而係隔離街嘅超地道居酒屋。


由青森縣直送東京嘅味道


Restaurant 陸蒸氣

一行出中野Broadway 嘅出口,你可能已經發現一間黑擝擝、古色古香,前面更有紅綠燈、車輪同埋路牌嘅餐廳。歡迎嚟到「陸蒸氣」- 你將會登上帶你品嚐青森縣名海鮮之旅。 



呢間餐廳有幾層樓,但遊客通常都鍾意坐第一樓,因為可以圍住廚師們,睇佢哋喺呢個正方形嘅「圍爐裏」度燒魚。




陸蒸氣嘅餐牌全部用日文嚟寫嘅,而侍應更會話俾你知今日有啲咩特別菜餚。有啲魚類淨係可以某個時期先食到,但係有幾樣通年嘅菜式一定要介紹比大家知。


唔食唔得嘅包括:山芋吞拿魚、三種燒魚拼、刺身拼盤、同埋貌似炸彈嘅大大舊獨家飯團。 




伙記們全部都好親切、時常同客人傾計講笑。如果你唔識睇日文,不妨用身體語言,又或者睇下隔離食乜,你覺得好食嘅就照叫 !




喺你走之前,希望你睇睇櫥櫃裡面嘅貴重陶器,全部都係名人之作!當然,睇下咩時間,你更加可能會見到一大條長龍等住食你啱啱品嚐完嘅美食!


下晝三點到六點先食到嘅 ¥999 又食又飲 Set!  


Restaurant


由「陸蒸氣」行一分鐘到就會去到叫做「鱗」嘅魚介專門店居酒屋。呢間居酒屋嘅能量指數完全爆燈 - 客人全部坐汽水膠箱或者逼喺 Tatami 嘅櫈度都不特止呀,舖頭開到凌晨五點真係想飲幾多就有幾多。




雖然居酒屋多數係夜晚嘅聚腳地,但係喺「鱗」,就有個只限下晝三點到六點入場嘅客人食嘅超抵 ¥999 下午茶餐。呢個下午茶餐包一杯價值唔超過 ¥499 嘅飲品、熱辣辣嘅炸豆腐、同埋當日精選嘅三種配菜。


其他推薦菜式包括吞拿魚刺身、南蜜雞、惠比壽鯖魚。想試唔同精選菜式嘅話不妨下次等唔同季節嘅時候再黎過啦!

OpenRice JP Editor
Provide the latest food trends and news in Japan.
店舗情報
月間チャート
OpenRice JPエディターイチオシ!コスパ最強焼肉5選
2019-10-08
東京ランドマーク:実物大ガンダムでお馴染み!ダイバーシティ東京
2019-09-23
スタイリッシュな女性たちが集まるショップやカフェ
6日前