1
0
0
電話番号
06-6345-3461
営業時間
本日
11:00 - 14:30
16:00 - 23:00
月曜 - 日曜
11:00 - 14:30
16:00 - 23:00
上記は参考情報です。詳細はレストランでご確認ください。
中午前於「希爾頓酒店大阪」辦理好退房手續後，肥肥家族就直接走咗落去大廈個地牢度搵食。全憑店子門外定食o既模型，大肥爸爸好快就決定一試「新喜楽」，實行食多餐日本菜先返香港。商場餐店裝潢簡約企理，散座全為合併式木造枱櫈，唔知係咪見我地一家四口個個都咁大隻呢，嬸嬸居然主動俾咗張六人枱我地坐，仲臉帶微笑地送上日英對照o既彩圖餐牌，實在太好人啦！諗食乜野前，小肥就先點咗杯梅酒飲，點知酒品成壺連冰上，依800円真係抵飲呀！鴨鍋定食（880円）：靚靚媽咪所點o既定食包有滾住上o既中型鴨鍋、一碗白飯、及一碟醃菜。天婦羅定食（880円）：細佬所點o既天婦羅定食一樣包咗碗新鮮熱辣o既白飯、一碟惹味脆口o既醃菜、另加多碗麵豉湯。雜錦天婦羅均鬆化香脆，其中三隻中蝦爽厚彈牙，雜菜都唔錯，一千円唔洗絕對抵食！新喜樂定食（1,420円）：大肥爸爸憑餐店門外個模型所揀o既新喜樂定食其實即係鴨鍋定食同天婦羅定食o既混合版。佢滿意地大讚定食飽肚又夠多款式。おすすめ御膳（2,700円）：哥哥就叫咗個廚師推介套餐，內含天婦羅、刺身、海鮮、蔬菜、麵豉湯、同埋甜品，極之豐富。商場日本料理「新喜楽」環境潔淨企理，年長o既嬸嬸友善有禮，午市定食質高味佳又抵食，當真興幸大肥眼利憑食物模型選擇於此店速食午餐。
続けて読む