由即日起至4月17日喺池袋有間sanrio期間限定Cafeサンリオ キャラクターズ ラブリーカフェ，主角係一眾80年代人氣角色。大朋友去回味吓舊時又得，帶埋小朋友去影吓相又得，得咗。日本小編今次仲名副其實「教路」，去到就唔怕喺商場遊花園啦。

Cafe主角介紹番：

中國出世嘅半人魚Hangyodon (水怪) / 鐘意打扮嘅企鵝仔Tuxedo Sam

出生於雷之國、討厭落雨又頑皮嘅Goropikadon (雷公三兄弟)

好鐘意開party嘅櫻桃兔、溫柔又有領導力嘅Elephant Pam等等

跟住落嚟就等小編帶路啦！

餐廳位於池袋車站東口嘅「西武池袋」本館中央8樓食肆樓層。

▼喺池袋車站東口行入去，靠右往前行，會見到往食肆樓層電梯嘅指示

▼見到「8F Restaurants」，跟住箭咀方向行就啱啦

▼經過化妝品櫃檯，行到盡頭就係電梯，按8字即達

仲有另一條路線分享埋俾大家
▼喺池袋車站中央口連接西武百貨化妝品樓層嘅入口行入去。右前方有扶手電梯

▼上到7樓會見到搶眼嘅橙色指示「ダイニングパーク池袋」，再上一層就到~


▼主題Cafe喺8樓中央嘅「グルメスタジアム」(下圖B5-A5走廊位置)。

▼喺Cafe門口已經見到唔少角色佈置😍

▼店內被粉紅色嘅插畫包圍，勁少女，打卡位都唔少！

▼角色主題餐點有6款。從正餐到甜品都有，款款賣相吸引。

▼連墊檯紙都好可愛㗎，上面有齊咁多個角色

落單後等咗大約10分鐘，Tuxedo Sam忌廉燉飯(1,090円)有得食啦~賣相還原度高，企鵝仔仲好似喺度浸緊溫泉咁，好得意。

頂帽係薯蓉嚟，個嘴係甜椒整成。黑色眼珠唔係黑芝麻，係朱古力嚟㗎！燉飯嘅紅菜頭醬汁呈淡粉紅色兼富牛油香。

食完主食之後叫多杯嘢飲先～

▼5隻小貓Nya、Ni、Nyu、Nye、Nyon棉花糖朱古力奶(790円)

喺淡粉色嘅棉花糖下面，隱藏住滿滿的忌廉同熱朱古力，就連匙羹都沾咗少少朱古力，會邊攪拌邊溶化。茶杯碟上面仲有可愛嘅心心糖伴碟，一樣食得。

▼埋單之後仲有Cafe限定嘅明信片送添！