ふぐ - 河豚

傳聞中話雞泡魚肉好鮮好有口感

所以好多人好似👅咁冒食去食

記得上網搵資料嘅時候見到百幾個好評價入面有一個一星評價，原因係：中毒，負評！

好似暫時仲未有解藥😅

仲有命打咦個評價嘅機會應該好微😂

所以👅覺得應該係曲！

.

其實👅覺得大失所望，試過就算！

可能因為窮，只能食平價野！

佢嘅味道口感唔值得用條命去博😐

同埋睇落好似好多野食，

但食左兩粒半鐘好似冇食過野咁😓

個肚空空咁，仲上得超慢

👅懷疑佢應該要由養魚苗開始，

等佢大左先攞出黎，所以等超耐！

但其他遲👅半個鐘先落單嘅日本人，

反而一齊上菜，老實講等到有啲燥😡口感 7/10
雖然表皮炸得幾脆幾鬆軟，

不過每一啖都令你成口都係油😓

開頭以為佢係皮，但係又食唔出皮嘅口感

咁諗住佢係肉啦，佢又冇乜肉喎

大部分都係脂肪同炸粉☹️ .

味道 7/10

河豚自己本身係冇乜味嘅，

所以唔點野就咁食舊炸河豚，

只係食到油炸同肥膏嘅味😐

另外個Pat米黃色嘅醬，

個味都幾似腐乳😂都幾咸🙈

其實都幾矛盾！

唔點就冇乜味，點完就太咸😅

份量 6.5/10

食完好似冇食過野咁，得幾粒😢

但就算套餐咁叫，除番匀

個價錢都幾高下，而且又唔係特別好食！

所以真心覺得好唔抵！咦個會有專人幫你整同分好呀！
本來以為係幫👅🕳落單個個靚女整啦！

點知佢落完單就收左工，換左個差好遠嘅黎😭真係咩mood都冇晒😭

.

前面都講左啦，叫左個夏日限定餐，

所以唔講多啦

食評：

口感 8/10

其實口感黎講都幾驚喜嘅！

因為真係幾爽口同實

真係未試過食魚會有咦種口感

但係佢整個時落得太多油啦！

搞到成個雜燴都油冧冧，扣左啲分😣

味道6.5/10

雖然口感的確幾好，

但河豚本身真係冇乜味😐

鮮味甜味香味，佢全部都冇😅

再加上極多嘅油同野菌嘅味，

基本上全部比佢地蓋晒😞

啲蜆仲好腥同有沙，真係唔食算😡

份量 6.5/10

可能因為係搵笨套餐，

所以河豚肉只係得兩「大」舊蜆亦得三四隻，其他都係菜！

就算份量少過正常一半，

但係1000円得咁少，質素仲咁真係...口感 8/10

佢嘅稀竭度適中，

飯粒以粥黎講比較硬身，有啲似risotto☺️

另外粥入面有啲蒜片同香草，

所以口感上都幾豐富，

唔係淨係得水同米嘅口感😗

味道 8/10

其實👅覺得成餐最好食係咦個粥！

但問題係佢好似係冇河豚係入面嫁😅

冇皮冇肉，連骨都冇🙈唯有安慰自己條河豚很肯定係溶左落啲粥到😂

另外用黎調味個幾片蒜片，可以話係成個粥嘅精髓！單單幾片已經令粥嘅味道更豐富 .

抵食 7.5/10

咦個粥嘅份量算係成個餐最正常嫁啦！

雖然就成鑊粥只係得粥同幾片蒜😅

不過起碼每人食到兩細碗，

相比之下算幾好嫁啦！味道 7/10

其實只係普通Sake加一塊河豚鰭，

然後點火燒着塊鰭，再攞佢浸下浸下

令魚嘅味滲落杯酒到。

飲落去同普通座暖左嘅Sake差唔多，

係多左少少魚味咁囉，冇乜特別😒

同埋唔係咩好靚嘅Sake，飲落會涸喉😣

抵食 6.5/10

咦個價錢，咦個份量，咦個質素😐

我都係過隔離Seven是但買兩枝番AirBNB同房東暢飲好過啦！曾經聽過話河豚生魚片嘅食評：

口感細膩，冇魚腥味，肉質鮮甜，食落魚唔似魚，肉唔似肉，係生魚片嘅至高境界！

👅唔知係咦碟cheap雞河豚生魚片太差，定打以上食評嘅人中左河豚毒，神志不清，語無倫次；但👅覺得為左食咦幾片野而要搵命搏好傻的嗎😡

口感 6.5/10

只能說唔識欣賞😐

河豚刺身嘅口感真係好似𡁻緊香口膠😅

雖然佢好濕潤，每啖都有啲水滲出黎

但就𡁻極都𡁻唔開，𡁻到牙骹都甩埋🙄

加上佢落左超大量嘅Olive oil，

搞到除左濕之外，仲好油冧冧... .

2️⃣味道 6/10

河豚生魚片的確完全冇魚腥味！

但說好的鮮甜呢？佢係直頭冇味喎😩

個段食評唯一比較正確嘅，

就只有魚唔似魚，肉唔似肉😓

除左淋係上面嘅極大量Olive oil嘅味，

同用黎調味嘅微酸外，

我真係乜味都食唔到😐

真係好似𡁻緊塊𡁻左成粒鐘嘅香口膠咁

抵食 7.5/10

其實係日本食河豚係樣好貴嘅玩意！

而咦個dish又真係有幾片河豚生魚片，

最緊要係食完成個月，

仲可以傻的嗎，生勾勾咁打食評，算幾抵嫁啦！不過如果咁唔好彩中毒死向左走向右走左嘅，就好唔抵死囉😂

咦間成日排排晒大長龍

因為每次淨係會serve一個客人

一個落單收錢，一個入盒，

一個入袋再遞比你😓

而且串到每人限買4個

整體得分：9分 (10分滿分)

————————————————食評：

為左放便講佢嘅豐富口感同味道，

今次會兩方面一齊寫☺️ .
口感 9/10

味道 9.5/10

第一啖咬落去，岩岩出爐熱辣辣嘅蘋果批

外層鬆脆而帶甜嘅酥皮，滲出濃濃嘅牛油香氣😤

蘋果蓉中嘅蘋果粒入口即溶，而且充滿住超濃郁嘅蘋果香味😋

仲要帶住住微微嘅玉桂香味，嗅覺方面已經超晒班

另外蘋果蓉超乎想像咁甜😊但係因為甜味係慢慢滲透出黎，所以甜而不膩，甜得有道理😌

.

再咬多啖，發現原來仲有驚喜😱

由蘋果批爆出嘅奶油吉士，除左可以減少左食得太多同一隻口味嘅厭倦感

更令蘋果批進入另一個層次！

不但同酥皮很好咁配合住，亦冇搶過蘋果嘅味道！兩者嘅平均攞得好好.

抵食 8/10

其實個價錢都高得幾緊要...

不過鍾意食甜野或者蘋果批之類

一定要試，佢係真係好食得好緊要！

所以咁貴，👅🕳都買左四件食😁

其實係誤打誤撞入左去，

因為老闆同老闆娘淨係識日文😅

搞到完全溝通唔到🙈所以要用Google translate溝通😂

好在兩位公公婆婆服務態度超好

到最後直頭話包係佢地身上幫👅🕳揀😂

————————————————

整體得分：9分 (10分滿分)

————————————————

食評：

口感 9/10

所有魚生都超新鮮

濕潤同肥美嘅口感真係加晒分，

加上紫菜仲要脆卜卜，

飯粒軟硬度同濕度可以話完美😊

三文魚籽一粒粒係個口到爆開😍

食到勁high！

蟹肉嘅濕度亦岩岩好，而且非常嫩！

.

味道 9.5/10

三文魚籽完全冇腥味，

而且每一粒都充滿住魚油香😍

每下咬爆魚籽爆出魚油，

個種幸福感、個種震撼感

真係嚇到👅個心離一離😱

飯粒嘅微酸更令魚油香升去另一個層次！

另外旁邊嘅玉子，除左充滿住蛋香，

每一啖仲滲透出清爽嘅甜味！

完全唔會覺得膩，真係好好味😋

.

抵食 9/10

啲壽司舊舊都大得好緊要！

而且如大家所見，蟹肉同三文魚籽

多到跌到一碟都係😅

跌出黎個啲多到可以鋪埋隔離個兩舊😍

真係痴線嫁😱

口感 10/10

每一樣都炸得非常完

外層的炸皮厚度岩岩好，唔會太厚

同時亦能帶比你超鬆脆嘅口感😍

炸蝦的肉質鮮嫩，有口感！

嫩嘅程度可以同烚或者蒸嘅相題並論😋

炸紫菜除感脆就係超脆！

內層嘅口感比外層更香脆！

而且唔會有油膩感，非常爽脆😊

炸鰻魚肥美得黎肉質好實正！

啖啖肉嘅口感簡直令成碗野升華到另一個層次😱

炸蛋外層係半液態嘅蛋白，配住一流嘅流心蛋黃

炸帶子團入面嘅帶子粒，仍然保留帶子原來嘅口感

飯粒係👅最多嘅漲卜卜珍珠米

成碗野口感都近乎完美

.

味道 10/10

天婦羅本身已經調好味

所以唔會有天婦羅汁比你點

不就正正因為咁，可以保留到炸到完美嘅口感

亦唔會有太多汁太重口味嘅問題

最重要係每一塊嘅咸和甜味都調得超平

炸蝦嘅蝦味非常濃郁，帶住陣陣鮮味

鰻魚亦滲透出香醇嘅魚油味

加上少少柚皮嘅香味同淡淡嘅苦澀味

令太油膩嘅感覺得到中和☺️

強烈建議配上冰凍啤酒😂

雖然唔平，不過食到成口都係野之後

整啖冰凍嘅啤酒，真係幸福到上左天堂咁😍

.

抵食 9/10

睇落去好大碗，其實個碗好淺

不過佢係餸多飯少！

啲餸嘅份量真係好多，Cp值高到一個點😱

特別係條鰻魚，肥到可以塞飽你