connie_emma's Profile

終於都食到Eggs 'n Things喇！感動，因為人家起網上寫都話要打鑼咁早去排隊什麼的先食得到，但我本身就住起美國村有著絕對既優勢✌ 不過全要係當日係星期一，少左天班本地人同我地爭，自問當日都唔算特別早去到，但餐廳裡面唔滿，而且9成都係旅客，真係可以慢慢嘆完再出發行程。我地叫左4個唔同既餐，伴碟既薯仔出奇地好味，有驚喜。Egg Benedict蛋黃中心保持流心，配上煙三文魚同荷蘭醬，口感好豐富，做得好好。English breakfast 既配搭比較特別，pancake有好香既蛋味，黃色個杯基本上係egg benedict既變奏版，流心蛋黃同荷蘭醬既底下填滿幼滑既薯蓉，驚喜同味道滿分。另一個係SPAM既special多士，多士其實就本身比較多油，不過成口油再加埋中間既午餐肉就油膩左啲，special collaboration。最後係Eggs 'n Things既看家本領，pancakes! 呢個係心齋橋店限定版，先前都講過，pancake蛋香好重，而且暖暖的，旁邊有啲淡香既忌廉同好多唔同既berrys，所有野加埋一齊食真係好正，忌廉感覺完全唔heavy，加埋啲莓既酸甜味，罪惡感減半。其實pancake仲有另一個食法，因為每張枱上面都有3個唔同既醬，分別係士多啤梨醬、鍊奶、楓糖醬，有興趣既真係要全部都試曬。飲品就的確唔係佢既看家本領喇，熱朱古力太甜，朱古力味欠奉，不禁令人想問，我飲緊啲咩。之但係，呢間餐廳既回頭仍然好高，只要叫返佢既拿手菜式，基本上唔會中伏，我仲有太多pancake想試喇！下次真係要搞個日本瘋狂食野自由行，有無人想報名…Read More

やっと会えた！終於都食到りくろーおじさん既芝士蛋糕喇，我仲好記得上次起梅田店見到佢岩岩出爐，裡面既店員見我同呀妹睇到流曬口水，仲特登單手拓著個蛋糕，對向我地面前，睇著新鮮出爐既蛋糕有幾咁動L，如果唔係行程既安排，我一早就買左喇。佢除左就咁買個蛋糕之外，仲可以買啲唔同既combination，一次過試埋佢其他既產品，當中難波本店排第一既就係加埋一盒五個既布甸。布甸味道濃郁，口感好厚身軟滑，蛋同奶都加得好足，加埋個底既焦糖醬，味道更加豐富。主角芝士蛋糕出爐後雪左兩個鐘變到凍冰冰先賣，所以已經變左皺紋呀叔喇，雖然無岩岩出爐咁動L，但佢仍然好有彈力，當然佢咁有彈力，中間空氣既成分係有既，但佢都算幾重手，好足料。蛋糕既芝士味好香，但唔會太濃，濃度岩岩好，一人一件唔會太飽，最底層有啲甜甜既葡萄乾，我本身唔係太好葡萄乾，所以感覺係有點怪怪的，但整體黎講係好食既，下次再去都會想再買。…Read More