May Y Y Lai's Profile

跟著 YouTube 搵嘢食 有次睇 YouTube 旅遊節目，介紹呢間老店，於是今次嚟東京決定試吓。 佢位置係淺草，但算難搵，捐嚟捐去，由站出嚟都行咗差不多半個鐘，總算搵到 😅😅😅。 我下午 3 點幾到，所以唔使等位 👍🏻👍🏻👍🏻打開餐牌，得兩款套餐揀 ， general or special，睇返 YouTube 時介紹，價錢竟然冇變 🤭🤭🤭🤭我哋三個人就要叫三個餐，而且要一樣，我今次叫咗 special 。 好快有得食，碟牛係靚嘅，真係入口即溶 ，不過我哋厭少得滯 😂😂，我哋額外叫咗兩碗飯，成餐飯好食 👍🏻👍🏻今餐平均每人 ¥4,000，抵食 👍🏻👍🏻👍🏻不過，唯一缺點係啲姐姐仔侍應冇乜禮貌，反而上咗年紀啲姨姨就好 nice註： 入餐廳進食要除鞋，請大家留意；另外就係 cash only! 仲有，餐廳內不准拍照，大家要留意!…Read More

同朋友講開我會去日本東京旅行，朋友介紹我食呢間，唔係平，但又唔係好貴，所以一試。見佢網頁有寫明，晚餐唔可以有小朋友 (under 16)，所以我只可以揀食午飯，係網上訂咗位，餐廳不停有跟進會否出席，都好有心。地點方便，地鐵站出唔係太遠 👍🏻👍🏻。 我哋早咗少少到，一出𨋢，好有禮貌嘅招待 👍🏻👍🏻👍🏻，我相信佢哋見到我哋攞晒遮，帶晒太陽眼鏡，知道我哋熱，佢哋立即俾杯水我哋，非常貼心。坐定後，睇餐牌，午餐嘅價錢尚可接受，我哋每人叫咗一個餐，上菜時，係慢慢上，食完一樣，會俾時間休息、消化，再上第二樣，所以呢餐晏食咗差不多 3 個鐘 😂😂😂，但招呼同食物質素都好好，有機會會再食 👍🏻👍🏻👍🏻👍🏻值得一提，啲蟹好好食，但有啲比較難拆肉，佢哋有齊剪刀 ✂️ 同鉗嘅，唔使擔心 😅😅😅擺得幾靚 🤭🤭頭盤，唔錯老公揀嘅火鍋午餐 湯Tempura 👍🏻👍🏻👍🏻👍🏻👍🏻蟹飯 + 湯火煱烏冬 👍🏻👍🏻👍🏻👍🏻甜品 😋😋😋😋😋😋😋另一個餐嘅甜品 👍🏻👍🏻😋😋😋😋呢杯綠茶好好味 😋😋😋😋…Read More

今晚嘗試去天神地下街行街，撞下撞下見到呢間食肆，放膽試下，唔錯喎，不過我哋好晏 (7:45pm)，佢哋收 9pm，所以大鍋冇晒，唯有食小鍋，正 ，材料很豐富 👍🏻👍🏻👍🏻👍🏻👍🏻雞小鍋食法 雞小鍋套餐，中間嗰杯係雞骨湯，好味 😋😋😋😋…Read More

細囡去旅行前已經上網 search 過，話呢間唔錯，有 8.5 分，因為呢間佢話係元租店，我食之前都行過幾次，又的確有人排隊，心諗都應該唔會中伏，26/8 呢日跟 one day trip，回程係博多站落車，於是行去試下，要排隊，但唔算多人，排咗 20 分鐘度就有位，都算快。 我叫咗鹽味豚肉麵，啲湯好難飲，老公叫咗豚肉醬油味嘅拉麵，啲湯又係唔得 ，兩碗拉麵就免強 ok，我嗰個係幼麵，老公嗰碗就係粗麵。 反而餃子唔錯 但整體來說，我覺得「名過其實」 …Read More