xypiggy.eat's Profile

#20250612 ✈️📍 #浅草今半 @asakusaimahan 台東区西浅草3-1-12➖➖➖➖➖➖➖➖➖➖➖➖➖➖➖➖➖#上すき焼き ¥5,000/位#特選牛ロースすき焼き ¥7,000/位💭 誤打誤撞尼左間百年老店，仲要唔使排隊，都太幸運了吧☺️價錢既分別只係在於個肉既level，其他野都係一樣，¥7,000果款當然係非常淋，淋到都想像唔到¥9,000果啲仲使唔使咬，不過如果鐘意有少少咬口既朋友仔會推薦¥5,000多啲，性價比夠高！店員會幫手燒第一round，之後就要自己尼，不過更加適合I人，唔使傾計都尷尷尬尬咁啦🐮.#御飯 ¥400💭 佢地啲set包野菜同隻蛋，飯係要另外加錢🍚強烈建議一定要叫碗飯，就算share都食少少，因為就咁食啲肉會好漏，有啲飯襯下會好食好多，而且日本既飯用珍珠米，真係就咁食都好好味🤤.#東京美食 #🐷衝出香港 #🐷在東京 #🐷_食…

#20250611 ✈️📍 #スタミナ 台東区上野4-2-5 鈴木ビル 1F・2F➖➖➖➖➖➖➖➖➖➖➖➖➖➖➖➖➖#厳選プレミアム ¥4,980/位💭 本身去另一間叫牛山道既燒肉，一坐低其實啲店員已經唔瞅唔睬咁，可能又有輪椅麻煩啲啦，到睇menu個店員直頭企係隔離啤住晒咁，谷鬼氣去第二間食，成條街咁多燒肉，於是行前兩步揀左呢間😏. 🥢 #もやしナムル #ほうれん草ナムル #白菜キムチ 🥢 #枝豆 #サンチュセット #味付うずら玉子💭 叫完野食就上左泡菜拼盤，入面有8款泡菜，最鐘意都係芽菜同菠菜，另外枝豆同生菜都係必點啦，用尼包住啲肉食消下滯，比較特別既係佢有鵪鶉蛋叫，但有幾粒好咸，食左一碟都無再返兜🥬. 🥢 #エビ 💭 其實佢有幾款海鮮，有蠔有帶子果啲，最感興趣都係蝦，一碟有五隻，一咬落去海水味超濃烈，再加上佢面頭仲有啲鹽，變相咸上加咸，令人無再叫既衝動🦐. 🥢 #黒和牛上カルビ肉寿司 💭 相比起其他放題，呢度有兩三款壽司可以叫都幾特別，啲壽司唔係魚生類，而係全部都係炙燒牛，叫左一款試下，一碟尼左4件，啲牛係淋但完全無調味好淡口，加上太多飯結果都無再試😅. 🥢 #牛カルビ #牛ハラミ #上ハラミ 💭 食到尼呢個位打上既野食基本上都係回頭率零咁濟，所以都急不及待試燒肉，呢三款都係¥3,980既肉，其實都唔差，想平平地食個百零數既燒肉可以接受既～. 🥢 #黒毛和牛上ロース #黒毛和牛上カルビ 💭 既然比得¥4,980呢個價就梗係要食返呢個價先有既肉，食落好淋而且油脂分布好平均，咬落果股油香係口度散發，食第一件真係覺得好正，不過食多兩件就開始覺得有啲漏🐮. 🥢 #バニラアイス 💭 唔知點解日本啲放題好多係甜品方面都比較孤寒🤣限左只可以一人叫一件，雖則佢都唔多選擇，得雲尼拿同綠茶雪糕兩款，做一餐既ending不過不失啦🍨. 🥢 #オレンジジュース #コーラ ¥320 🥢 #生ビール ¥450💭 本身個餐唔包野飲，普遍汽水、茶之類就¥320，想飲啤酒爽一爽就¥450，但如果話唔係食好多野，淨係想尼飲野傾下計，見佢有另一個餐係野食就無放題，限左得幾多碟，但野飲可以任飲，視乎自己想食野定飲野喇🤪.#東京美食 #🐷衝出香港 #🐷在東京 #🐷_食 …

#20241213 ✈️📍 #寿松庵 #仙台空港店宮城県名取市下増田字南原仙台空港旅客ターミナルビル 3F➖➖➖➖➖➖➖➖➖➖➖➖➖➖➖➖➖#牛たん定食 ¥2,780💭 呢個係幾款牛舌定食入面最簡約同平既一款，不過份量都有八大塊咁多，每塊都爽口有牛味又唔會韌，係above average既水準👅另外有啲前茶，分別係黃芽白同應該係麵豉辣椒既漬物，辣椒漬物係極咸同辣，超重口味度要用尼撈薏米飯先搞得掂🌶️呢個定食仲有一碗涼浸浸既蘿蔔蓉同牛肉湯，蘿蔔蓉食飯前飲係幾清新令喉嚨舒爽，而牛肉湯兩舊牛肉幾淋又有牛味都幾好食架🐮.#仙台美食 #🐷衝出香港 #🐷在仙台 #🐷_食 …

#20241211 ✈️📍 #メルキュール #宮城蔵王リゾート＆スパ @mercure_miyagizao 宮城県刈田郡蔵王町遠刈田温泉字鬼石原1-1➖➖➖➖➖➖➖➖➖➖➖➖➖➖➖➖➖#夕食ビュッフェ 🥢 #前菜💭 飯前食生果有助消化，分別有提子🍇香蕉🍌橙同菠蘿🍍又有各款常見既沙律菜，最特別係有個椰菜花拌橙，酸酸甜甜都幾開胃～. 🥢 #小食💭 呢度比想像中多西式既小食，有瑞典肉丸、薯條、麥樂雞、pizza等等，好有快餐嘅感覺，當然唔少得仙台既名物魚糕啦，口感爽口彈牙，同香港食到啲魚滑差唔多🧆. 🥢 #主食 💭 真係唔可以質疑日本人對澱粉既愛，啲熟食大部分都係澱粉尼，印式既就有咖哩飯同naan bread🇮🇳中式既就有海鮮炒米粉、有個一口糭，佢啲糯米都幾好食，思鄉可以食下，仲有個浸咗好耐既水餃🥟至於西式就有啲唔同既麵包同埋一個整好左既牛肉漢堡包🍔講返日式就可以自己淥拉麵或者擔擔麵，仲有三元豬可以自己淥尼配飯食，無諗過食自助餐都有得食又有得玩😎. 🥢 #壽司💭 尼到日本唔少得食刺身，呢度有幾款刺身，主打係鯖魚同魷魚🦑壽司就有別於平時食開果啲握壽司，呢度全部都係箱壽司，由於壓實左既關係食落係會好綿，想食平時果種粒粒分明既口感就滿足唔到喇🍣. 🥢 #甜品💭 都有幾多可以試，麵粉類就有超多唔同樣既泡芙同冬甩🍩凍糕類就有茶味tiramisu、咖啡啫喱、奶凍、布甸、各款蛋糕等等🍰最值得關注係有部軟雪糕機，可以自己整番杯新地筒體驗下做麥當勞伙計🍦. 🥢 #飲品💭 咖啡、茶、汽水呢啲基本飲品就梗有啦，小朋友都有提子汁同蘋果汁可以揀🧃另外值得一提既係佢有vodka、whisky等十幾款酒任飲🥃不過尼到溫泉旅館想浸溫泉就記得唔好飲完即刻去浸呀‼️.#仙台美食 #🐷衝出香港 #🐷在仙台 #🐷_食 …

#20241026 ✈️📍 #モリタ屋 #ルクアイーレ店 @moritaya.since1869.official 大阪市北区梅田3丁目1-3ルクアダイニング10階➖➖➖➖➖➖➖➖➖➖➖➖➖➖➖➖➖#すき焼き #松 ¥6,930 🥢 #前菜💭 三款前菜分別係蕃薯味豆腐凍配杞子，清清淡淡🍠中間係煙三文魚，味道濃少少，最右邊就係兩塊燒牛肉，最濃味而且係after taste最強，就算吞左陣牛香味都仲keep到係個口入面🐮. 🥢 #肉料理 #150g 🥢 #卵 #ご飯 💭 無論叫咩餐都係150g既肉，所以係視乎個質素，肉既數量唔多因為偏厚身，松係4個set之中第2平既餐，但其實都好高質，淋到唔使用咬，用筷子已經可以整開，食落成日都係油脂香🥩配埋個日本蛋同啲日本珍珠米真係無得頂，每一啖放左入口都唔捨得吞咁濟，而且飯唔夠仲可以任添，食多啲飯無咁膩🍚. 🥢 #野菜 💭 呢度啲菜款式以大京蔥同洋蔥為主🧅然後有少少大白菜既梗、豆腐、魚腐、芋絲同埋日本人好常見會食既牛蒡，另外仲有款壽喜燒成日見既，一直以為係皇帝菜，行街市發現佢叫春菊，煮耐啲索左個壽喜燒啲汁都好好味🥬. 🥢 #赤出し #香物💭 個麵豉湯同平時飲開果啲有啲唔同，呢個係偏苦，入面一樣有啲油揚，另外仲有啲煙煙韌韌唔知係年糕定魚糕既野🍥漬物就都係果啲酸酸咸咸既野，一向唔多識欣賞😅. 🥢 #デザート 💭 好罕有一個set既甜品唔係用雪糕而係比水果拼盤同啫喱，呢樣好加分，生果有蜜瓜🍈提子🍇同埋一舊用糖醃過既梨🍐而中間個啫喱有少少酒香，幾特別～.#大阪美食 #🐷衝出香港 #🐷在大阪 #🐷_食 …

#20241027 ✈️📍 #☆スープ #関西国際空港第1ターミナルビル店 大阪府泉佐野市泉州空港北1 関西空港第１ターミナル 国際線出発エリア➖➖➖➖➖➖➖➖➖➖➖➖➖➖➖➖#和牛焼肉弁当 ¥3,000💭 可能因為夜機既關係，好多野都賣晒，本身想食sukiyaki都無，得返呢個韓風版本，老實講有啲浪費左塊和牛，食落有啲鞋口而且牛味都比個韓式醬蓋過左，完全係普通牛都做到既野，可以堅持食落去既動力就係佢太貴😅.#鶏スープ ¥1,500💭 有啲腐竹又有啲雞肉，啲雞係煲湯鞋到無晒味咁，矇住眼食以為自己食緊豬，就咁飲個湯就係平時雞湯味，但佢有跟個柚子胡椒，加左落湯瞬間變左胡椒湯味，意外地好好飲🥘.#大阪美食 #🐷衝出香港 #🐷在大阪 #🐷_食 …

#20241024 ✈️📍 #ParfaiteriaPal @pal.shinsaibashi大阪府大阪市中央区東心斎橋1-17-15 丸清ビル 3F➖➖➖➖➖➖➖➖➖➖➖➖➖➖➖➖#ピスタチオとチョコレート ¥1,980💭 身為開心果關注組既成員之一，有開心果點可以唔叫，個開心果gelato雖然係開心果粒，但好香開心味，最底仲有層開心果布丁🍮係頭尾都有開心果味包住，呢間既然稱得為大人既甜品舖，所以杯野入面都有個雪糕有酒精既成份，不過甜所以唔太食得出🍸覺得成個最有驚喜係面頭果塊烘乾左既戚風蛋糕，食落鬆化好特別🍨.#きみの色 ¥2,180💭 呢杯望落已經好靚好吸睛🌈面頭有幾條糖做裝飾，想食得晒都要花啲時間，所以最終放棄左😂有三球雪糕，一杯有齊晒雪葩同gelato，食食下有樣係口到爆先知原來有爆炸糖有啲刺激💥個底有啫喱又有椰果，成杯野有好多種唔同既口感係豐富既🍧.#大阪美食 #🐷衝出香港 #🐷在大阪 #🐷_食 …

#20241027 ✈️📍 #プロント #関西国際空港ターミナル1店 @pronto_official 大阪府泉佐野市泉州空港北1 関西国際空港 第1ターミナルビル 2F➖➖➖➖➖➖➖➖➖➖➖➖➖➖➖➖➖#サーモンときのこのたらこバター ¥1,100💭 誓要食到最尾一刻！趕住上機所以買左外賣係閘口食，兜野配料有啲三文魚碎、菇片同蔥，都係意粉居多，明太子味好足，撈得好好所以每條意粉都掛到啲明太子，一路食一路路覺得陣味好熟悉，食食下發現就係薩利亞個明太子意粉既味，連個乾身程度都好似，不過呢個比較好食係佢啲菇片咬落好juicy，贏左唔少分🍝.#大阪美食 #🐷衝出香港 #🐷在大阪 #🐷_食 …

#20241026 ✈️ 📍 #香住北よし #お初天神店 @kitayoshi_ohatsu_tenjin 大阪府大阪市北区曽根崎2-10-19 第一河合ビル2F➖➖➖➖➖➖➖➖➖➖➖➖➖➖➖➖➖#香住の活直紅ズワイガニ #半匹 ¥13,800#北よし厳選カニ ¥13,800 🥢 #先付け💭 尼大阪食蟹通常都會去蟹道樂，今次試間新野，位置唔多，最好預約定就確保有位😎一開始會先有個小食，係索左汁既腐皮、爽口既淮山，同埋一粒彩色既年糕，用尼開胃唔錯～. 🥢 #浜茹で香住蟹のお酢物と滑らか蟹みそ💭 叫左兩個course所以有兩款唔同既，個底一樣都係淮山蓉，食落非常幼滑，然後就分別係紅雪蟹同松葉蟹既蟹肉，啖啖肉咁食好幸福🥰之後係就咁配蟹膏或者配海膽同三文魚籽，蟹膏同蟹肉一定係perfect match，海膽三文魚籽同蟹肉都好夾，主要係新鮮無臭味，入口好順滑舒服已經贏晒🏅. 🥢 #季節の鮮魚盛り合わせ 💭 魚既刺身一樣都係鯛魚同輕輕炙燒過既鰹魚，鯛魚好爽彈而鰹魚軟滑，兩款有啲對比，蟹刺身係鮮甜既，不過不嬲唔多識欣賞佢個口感😅兩個course分別係在於帶子刺身定係一個蟹蓋拼盤，帶子新鮮就不在話下，蟹蓋拼盤集齊在蟹膏、蟹肉同埋真蟹籽，並唔係平時食果啲飛魚籽，可以一啖食到三個蟹既唔同本質👍🏼. 🥢 #陶板焼きがに 💭 有烤過既蟹身，蟹腳同蟹鉗，預先剪開晒好貼心，燒過既蟹無之前果啲既鮮甜味咁出，多左啲烤過既香氣，伴碟仲有個烤過既菇同粟米，望落乾乾地不過咬落都有啲汁，同埋比想像中要甜🌽. 🥢 #甲羅みそ焼き 💭 兩個蟹膏望落已經有明顯分別，松葉蟹膏可以一人一個，就咁食係會有啲咸，無辦法成個食晒，紅雪蟹膏要兩個人share一個，食落易入口好多，不過建議大家考慮可以將蟹膏留到最尾個雜炊先食，會好味好多！. 🥢 #蟹スキ鍋💭 一開始上個鍋既時候以為啲蟹要用清水烚，店員姐姐仲特別提醒要no sauce咁食，原來個湯底唔係清水而係鰹魚湯，用尼淥蟹完全可以將蟹既鮮甜昇華左，啲配菜本身亦好甜，再用個淥過蟹既湯底烚就更甜，淥晒啲野之後個湯都唔好錯過，集合左蟹既鮮同菜既甜，飲完一啲都唔會頸渴🦀. 🥢 #〆の雑炊💭 最後店員姐姐會加啲飯落個湯底度，再加多兩個之前既蟹蓋拼盤落去煲，其實已經好好味，呢個時候落埋之前啲蟹膏就更加正，配埋蔥、紫菜同漬物，就算飽左都要食返碗🌱. 🥢 #デザート 💭 甜品係一早預料到既雪糕，味道好熟悉唔特別，有啲似haägen dazz既味道，再配兩舊橙，食左橙先食個雪糕就唔會覺得酸，做個ending好滿足😮‍💨.#大阪美食 #🐷衝出香港 #🐷在大阪 #🐷_食…

#20241024 ✈️📍 #黒毛和牛まるごと一頭買い #道頓堀みつる本店 @yakiniku_dotonbori_mitsuru 大阪府大阪市中央区道頓堀1-5-8 柴田ビル　２Ｆ➖➖➖➖➖➖➖➖➖➖➖➖➖➖➖➖➖#キャベツ ¥330#もやしナムル ¥384💭 一尼會比兜咸咸酸酸既椰菜絲，聽聞好似係任食，但食落口味道麻麻，唔建議就咁食，用尼夾肉消膩都有得諗下，但最終都係叫左碟麻油味既芽菜食算😂.#黒毛和牛スジおろし柚子ぽんず ¥549💭 係柚子燉牛筋既凍食版，牛筋本身帶有好多骨膠原，所以雪到會變左啫喱凍咁，味道唔錯，不過口感未必係普遍香港人食慣既質感，好在細細兜試過就好～.#黒毛和牛ソーセージハネシタ #2本 ¥1,209💭 條腸唔太大條，一咬落去係有少少咇汁，入面有唔少肥膏，所以用尼燒就最適合，老實講黑毛和牛用尼整腸有啲浪費，如果追求性價比高呢個就未必岩口味🙈.#ねぎ巻いタン #6貫 ¥2,689💭 本店名物！係一塊好薄既牛舌包住一大紥蔥，睇落好dry但燒完啲蔥會出水，食果陣就會變左好juicy，牛舌太薄搞到食落都無左平時牛舌既爽脆，唔太識欣賞🌱.#赤身ロース #2本 ¥769💭 建議各位朋友仔要食肉第一下就要食呢個，因為食左其他就返唔到轉頭，呢個唔係差既，不過食過好野再食佢就會覺得有啲鞋口😅.#ロース #カルビ ¥989#とも三角 ¥1,209💭 呢三款都強烈推介，尤其係個腿三角，簡直係榮登是日mvp，啲油花真係好似雪花咁，入口咬兩下已經成口牛香味，係會唔捨得吞果隻，勁好味🐮.#ソフトマンゴー ¥549#ジンジャーエール #緑茶 ¥384 💭 汽水或者茶都係啲牌子野所以正正常常，另外叫左杯芒果汁，入面有啲西米，其實飲落真係有幾分似許留山既芒椰奶西，係日本飲到幾特別🥭.#大阪美食 #🐷衝出香港 #🐷在大阪 #🐷_食 …

#20240323 ✈️📍 無添くら寿司 光の森店 @kurasushi.jp 熊本県菊池郡菊陽町光の森2-28-1➖➖➖➖➖➖➖➖➖➖➖➖➖➖➖➖➖#極上かに玉手箱 ¥990#贅沢かに二種盛り ¥345💭 呢段時間係呢間野既蟹肉祭，極級推介食個玉手箱，雖然啲蟹腳係雪藏既，但1000yen唔使就有咁多條食都依然係勁抵食🤩另外果款係一個蟹腳一個蟹肉，其實係用一樣既料，差在點擺盤同數量，比較起尼都係玉手箱抵啲🦀.#たまご焼き #ねぎまぐろ #大切りサーモン #ビントロ #あなこ ¥115#大盛り貝柱にぎり #ハンバーグ ¥115#つぶ貝 #ほたてにぎり一貫 ¥165#真たこ #かにユッケ ¥180#あわびにぎり ¥230#漬けり特上鮪赤身 ¥250💭 壽司真係太多不能盡錄，🐷夜晚去到既時候已經有啲野食賣晒，每次見佢update資料就知又有野無喇😔壽司質素其實算普通，不過勝在夠平，大部份都200yen搞得掂🍣不過佢條運輸帶實在太快，叫果啲散收收既壽司尼到好多時都跌到成隻碟都係😅.#浜田チャーハン ¥450#魚介醤油らーめん ¥490💭 食迴轉壽司有炒飯食已經少見，仲要圍返起港紙30蚊都唔使，似係用壽司啲醋飯去炒所以帶啲酸味，無咩料但落左胡椒幾惹味，share食過下口癮唔錯，一個人自己食晒可能就有啲dry🍚拉麵都係一細碗左右既份量，可以試下又唔驚飽晒都幾好🍜.#えびブロッコリー ¥200#あさり入り味噌汁 ¥240#伝説の鶏唐揚げ ¥400#特製茶碗蒸し ¥225#かにクリームコロッケ ¥180💭 熟食有唔少選擇，茶碗蒸略嫌太多水比較削，而且料都唔算多，🐷咁鐘意食茶碗蒸都係食左一個就放棄再叫😣炸雞keep到juicy無失望🍗其他就正常，無咩特別😚.#せとかゼリー ¥280#チーズケーキ #チョコケーキ ¥150💭 呢度甜品同樣多選擇，個橙味jelly好似用果粒橙整咁好好味😋呢間野最好玩既地方就係可以食夠5碟就抽一次獎，唔夠碟用甜品湊下數都容易，🐷果枱都有成功抽到，而且每食夠2500yen都有小禮物送🎁今期有chiikawa，食前記得make sure個抽獎mode on🤪.#熊本美食 #🐷衝出香港 #🐷在熊本 #🐷_食 …

#20240323 ✈️📍 勝烈亭 新市街本店 @katsuretsutei_kumamoto 熊本県熊本市中央区新市街8-18➖➖➖➖➖➖➖➖➖➖➖➖➖➖➖➖➖#厚揚げロースかつ膳 ¥2,178#厚揚げひれかつ膳 #大 ¥2,178💭 未夠11點去到已經有條隊係度，不過好在入邊有兩層，啲位都相對地多，唔使好耐就有位🪑叫完野食會比啲小碟，漬物大部分係酸味幾開胃，仲有一兜仔生蘿蔔蓉，呢個非常fresh唔太搞得掂，同行朋友撈啲類似雪菜既漬物落去話咁客易啲接受🌱食完小碟有野玩，可以自己磨芝麻再撈汁用尼點啲炸豬排，磨完芝麻香出晒尼，的確令塊炸豬排更好食😋.#六白黒豚ロースかつ膳 ¥2,200#六白黒豚ひれかつ膳 ¥2,200💭 今次試左4款，上面果兩隻啲肉相對比較結實，亦比較瘦身啲，食落少少似瘦肉既口感，但豬味都濃郁，六白黑豚就脂肪多少少，不過唔會太多，屬於黃金比例啦，食落口感比較鬆化，雖然少啲同價錢貴啲，不過都推薦食呢隻多啲🐖.#熊本美食 #🐷衝出香港 #🐷在熊本 #🐷_食 …

#20240322 ✈️📍 焼肉ダイニングなんべんでん @nanbenden_insta 熊本県熊本市東区新外2-3-29➖➖➖➖➖➖➖➖➖➖➖➖➖➖➖➖#プレミアム和牛コース ¥4,950/位 🥢 #前菜 💭 除左可以order啲韓式前菜之外，出面仲有自助bar可以自己夾沙律🥗生果🍊主食有韓式炒粉絲同咖喱飯等等🍛不過主攻燒肉所以淨係試左少少🤏🏼味道唔錯～. 🥢 #肉類💭 入到戲肉食燒肉，叫左最多野食個set，總共有120款野食，淨係計牛都十幾款好多選擇，主打黑毛和牛的確高質🐮有啲油脂太豐富建議用菜包住食，咁樣無咁膩可以食多幾舊🥬. 🥢 #湯品💭 連湯都有幾款可以揀，大部分都極重麻油味😅但如果食得辣既朋友🐷會推薦飲有個辣大醬湯，其實就係平時香港飲到類似泡菜豆腐湯既野，入面有蜆、豆腐、泡菜、菇、同埋有隻蛋，呢個好飲到🐷同行朋友都一致同意覆桌🤪. 🥢 #甜品💭 呢度啲甜品出乎意料既精彩，首推個pancake，非常重蛋香味🥚就咁食已經好好味，出出面不啲雪糕又係另一食法🥞雪糕起碼有十隻味，波子汽水味平時都少見，抹茶味非常濃郁🍦仲有個雪糕糯米糍配蕨餅都非常吸引🤩呢度簡直係被燒肉耽誤既甜品舖☺️.#ソフトドリンク飲み放題 ¥390/位💭 飲品可以散叫，有個加¥1,480既飲品放題，睇多睇，原來仲有個隱藏版¥390既飲野放題係唔包酒類，反正要揸車都唔飲得酒，揀呢個就好抵🚗overall呢間都好高質，但唔係揸車既朋友可能比較難去，因為都幾偏僻🙈.#熊本美食 #🐷衝出香港 #🐷在熊本 #🐷_食 …

#20240322 ✈️📍 海鮮市場 蒸し釜や @mushigamaya_obama長崎県雲仙市小浜町マリーナ19-2➖➖➖➖➖➖➖➖➖➖➖➖➖➖➖➖#ワタリガ二 ¥3,630/隻#オーストラリア産天然車エビ ¥385/隻#ヒオウギ貝 ¥440/隻#ホンビノス ¥275/隻💭 體驗式既食飯就係可以自己夾啲海鮮去比錢，然後再拎去個蒸爐度比店員哥哥幫手蒸，timer響就可以去拎返⏱️咁樣買夾下夾下其實一啲都唔平，但食到啲海鮮都係原汁原味，蝦正正常常，夠新鮮好難難食🦐蟹有超多膏，蒸得岩岩好非常好食🦀蜆就太重海水味，食落比較咸🌊最推薦係個扇貝，極級鮮甜又彈牙，勁好味🤤.#寿司握りのみ #二至三人前 ¥4,950💭 話就話2-3人份，數過有30件咁多，2個人應該食唔晒，都未計仲叫左其他野食填左個肚啲位😜壽司都新鮮而且幾高級，白身魚為主，仲有帶子同穴子🐟最正係有大拖羅食落成口魚油要比十個讚👍🏼.#あら汁 ¥385💭 英文寫佢係fish soup以為佢係平時認知果啲白色既魚湯，尼到發現佢係麵豉湯加幾舊魚，個湯就咁飲係無咩魚味，但啲魚幾好食，好結實既魚肉，圍返起先廿幾蚊港紙齋食魚都抵啦🤑.#長崎美食 #🐷衝出香港 #🐷在長崎 #🐷_食 …

#20240321 ✈️📍 すき焼加茂川 @sukiyaki_kamogawa 熊本県熊本市中央区上通町2-6➖➖➖➖➖➖➖➖➖➖➖➖➖➖➖➖➖#特選馬刺し ¥2,500💭 熊本其中一樣出名既野食叫係馬肉刺身，點都要試下既😜有兩款叫左貴啲果款，尼到感覺好似未解完凍咁，食落有啲似橡筋，印象中對上一次食唔係咁😅之後放耐左啲就似返魚生既口感，未食過都不妨一試！. 🥢 #小鉢2種 💭 壽喜燒啲餐除左肉既質素之外，其他野都係一樣，先尼有個燒牛肉，普普通通啦，然後兩個小碟分別係一個啲醬好咸既牛肉乾，下面啲洋蔥用尼溝淡十分有用🧅另一個就係薯仔沙律，唔算特別但幾好食🥔. 🥢 #有栖川コース ¥12,500 🥢 #和王コース ¥11,000 🥢 #加茂川コース ¥7,600 🥢 #あか牛コース ¥6,500💭 呢度係有店員幫手煮既sukiyaki，可以叫牛又或者雞，不過雞就得一個level，牛既餐就有4款，🐷一行有4人於是每個餐都叫一個share食，點知姐姐一尼就全部隊晒落個鍋度，雖然佢最後有用條京蔥分返開邊款打邊款，但等佢搞掂啲牛已經過晒火，糟蹋左啲靚牛🐮. 🥢 #野菜 🥢 #卵💭 呢間野個壽喜燒係界乎係關東風同關西風之間，所以個湯唔算好濃搞到啲菜唔太入味，不過欣賞佢用茼蒿呢隻高級菜🥬同樣地因為個湯唔濃所以隻蛋都好似無用武之地咁，食到最尾仲淨返好多🥚. 🥢 #ご飯 🥢 #漬物💭 珍珠米整既飯就咁食已經好好味，根本唔介意有無汁撈飯，平時啲漬物係咸到撈落飯都搞唔掂，呢度果啲反而無想像中咁咸，配飯食岩岩好～. 🥢 #デザート💭 唔係雲尼拿雪糕或者柚子雪葩可以加返啲分，自家製既甜品有誠意，開頭仲以為係淮山，其實係啲糖水浸住啲大菜糕口感既野，撇除糖水甜到漏之外都幾好食☺️不過overall都唔太推介呢間野，呢個價錢好過佢既應該唔難搵😅.#熊本美食 #🐷衝出香港 #🐷在熊本 #🐷_食 …