Yummy是次飛咗去東京。聽朋友推介，book咗呢間出名嘅壽喜燒，質素令人滿意‼️ 秋の彩りすき焼(特上) (¥12100/位）✨官網用返日文版預約會平過用中文，大家留意返前菜左上嘅墨魚仔估唔到幾有鮮味，右邊果碟牛腩調味唔錯淋得嚟又唔會散開。右下果個彩色唔知咩嚟冇乜味😂😂刺身有吞拿魚、蝦同油甘魚，正正常常，唔算好鮮。清湯唔記得開蓋影，佢係for清喉所以冇乜味。🔥壽喜燒鍋🔥全程有專人煮到尾，每人有三塊肉咁上下，d肉入口即溶，配合埋壽喜燒汁真心不得了。除咗肉同配菜，另外仲有白飯同紅味噌湯。😋滑蛋飯正諗住食完正餐，點知侍應姨姨話仲會用淨低嘅蛋汁整滑蛋飯❗️滑蛋+壽喜燒汁煮，搞到Yummy又食多咗碗飯😋😋甜品Brownie同生果正常，係個雪芭有伏，藥水味🙈 估佢應該係櫻花味/櫻桃味之類。另外叫咗：Hassaku Juice ( ¥770)和歌山八朔橙汁，入口酸酸地甜甜地，但又會回甘嘅苦味，幾好飲。…Read More
