Wwai_William's Profile

見過有啲YouTuber 話個pancake好出色, 所以試吓.在博多搭的士過去都係2000円左右，直接喺橋位落車，餐廳位置剛剛在橋邊位，餐廳三邊見到河景，人都開心d, 如果搭的士話俾司機聽 or google map 俾佢睇話水上公園落就可以。去到有人排隊，見佢店內其實是有位，但係日本人嘅執着😂😂 都係要等到約15分鐘之後先入得，真係一間有人排隊食早餐的餐廳😆😆 留意Menu或者你可以問店員先，menu主食記得第二個先係香蕉pancake，其他係例如係all day breakfast 之類…..不過可能你哋會食其他呢😂個pancake 真係好食，第一啖好似食空氣，之後先feel 到佢的口感，正正正👍😋😋， ice mocha / chocolate 好味，日本coffee 一向唔差嘅…如果大家想： 食個靚早餐，聽個音樂（ 周星馳破壞之王對白🤣🤣🤣🤣 ）不妨試下，值得推介！埋單好似$3xx 港紙左右…Read More

** 剛剛去完博多五日旅程，希望佢可以幫到去福岡玩嘅朋友搵嘢食嘅時候可以參考，我其實今次旅程都食咗好多間，但係依幾間喺OpenRice搵度可以寫食評 ** 話說啱啱落機放低行李，即刻去博多車站行一下順便食個晏晝，上到上邊9樓同10樓真係好多選擇乜嘢菜都有，咁實在都有點肚餓所以入咗依間日式飯店try try , 我哋大約2:00入去職員話食到3:30，但咁都夠啦….. 食完可以去行街😂😂 咁我同我老婆每人叫咗一個set….. 職員擺位餸菜時都幾講究和執着😂🙈🙈 舖頭裝修係舊式一係設計好舒服⋯⋯啱啱對面枱也是香港人，因為嗰時過咗食晏時間所以得返兩三台客，個set嘅食物設計造型好，食物質數全部都攞高分，埋單記得好似9000円左右，所以如果大家行博多阪急或者AMU plaza 可以上10樓依間試一試值得推介👍👍👍…Read More

** 剛剛去完博多五日旅程，希望佢可以幫到去福岡玩嘅朋友搵嘢食嘅時候可以參考，我其實今次旅程都食咗好多間，但係依幾間喺OpenRice搵度可以寫食評 **太座生日佢好鍾意食蟹，通常去日本東京都食蟹道樂多，因為博多冇所以我都搵好耐先搵到一間，其實仲有一間嘅……. 😂😂 之前喺香港訂咗枱但唔使俾按金的，但booking 嘅時候會問埋我係食咩餐，咁我訂左個蟹席會上嘅set , 我選擇左個室，但其實同在一般枱食冇乜分別，因為只係用塊趟門遮住個人，有私隱度，但係出邊都係比較嘈😅餐廳內裡用木做主體，乾淨整潔高級嘅….一開始來了2個蟹肉小食，真係唔錯好靚也好食，然後來了蟹天婦羅及刺身，再一個蟹蓋，全部好食加鮮味…..跟住主菜一個火鍋，但係啲蟹腳唔係好多，另外有啲黃芽白蔬菜等等，食完個火鍋都未飽😅😅😅😅 好彩臨尾佢用火煱d 湯做返個蟹肉坎飯，最後也可以飽少少👍👍埋單真係貴少少34,800yen啦, 如果食蟹樂已經非常豐富😂😂😂 不過算啦一次性la 🤣近博多站，也易搵的，算好食但唔抵食😉…Read More

** 剛剛去完博多五日旅程，希望佢可以幫到去福岡玩嘅朋友搵嘢食嘅時候可以參考，我其實今次旅程都食咗好多間，但係依幾間喺OpenRice搵度可以寫食評 **依間之前在hot pepper 訂咗，我都唔知原來OpenRice有😂😂😂 不過我估可以唔駛book 定，今日見也唔太多人（我嗰日平日去，星期六日就唔知喔）😂 佢都係舊式風格同比較舊嘅居酒屋，今晚目測六成人滿，呢度好似冇中文或者英文Menu，但d 日文字加漢文都估佢食乜，依間主打食墨魚和魚嘅刺身，但果日冇墨魚😆😆 啲魚刺身真係出色，好新鮮，其他嘢食就一般ok啊, 但係如果想飲吓啤酒傾偈行得攰，都可以試吓..近博多站，也易搵，埋單算平（但唔記得幾錢吖😂😂）…Read More

** 剛剛去博多五日旅程，希望此評可以幫到去福岡玩嘅朋友搵嘢食嘅時候可以參考一下，我其實今次旅程食咗好多間，但係依間喺OpenRice度有，所以可以寫到食評 **博多行程最後一晚，玩到好攰唔想去咁遠食，因為依間離我住的酒店非常近，我住the basic Fukuoka, 行2 mins 就到。因為我依幾日返酒店經開都好多本地人食，估佢冇伏掛，所以今日入去試吓…… 地方好地道，唔係高級食店但充滿濃厚嘅日式居酒屋味道。依間係有英文中文餐牌的大家可放心，個職員還用Translation我知某啲細節。 一見餐牌已經知唔係睇貴價嘢，但上到枱全部都好啱食好味同埋好大份，係嚇親人嗰隻😂😂😂。尤其是個串燒拼盤Menu好似得五串，但係出來竟然有8 串，還勁好食。我最非常推介個刺身拼盤，全部都厚切，好似豬扒咁厚，CP 值超高，其他壽司也非常好👍！另外鮑魚刺身和明太子也非常好味….所以如果大家去到博多住，又諗唔到某一餐就真係去try try . 不過佢離博多車站會遠少少，大約要行10-15 分鐘…..但好易搵。埋單只係6600yen , 但香港我諗要HKD12-1300 左右啦😂…Read More