123ceci's Profile

每次來東京，一定會去呢間武藏麵屋食沾麵，佢係食過最好嘅一沾麵，而香港仲未揾到有呢個質素既麵店，沾麵湯底主要以極濃豬骨湯底為主，味道仲帶有麵豉湯甜味，麵條通常都會用粗麵，而控制煮麵嘅時間亦係考功力的步驟，師傅技巧纯熟，麵條煙煙靱靱，沾上豬骨湯嚟食，超正👍🏻腩肉連皮，炆得非常腍，豬皮入口即溶，骨膠原豐富😂，腩肉肥瘦均勻，又唔腻口👍🏻，食完仲可以加清湯落餘下嘅湯底裏面，就立即變成一碗麵豉湯,湯都飲埋😋每次食完都回味無窮，唔怪得次次來食都要排隊等位，識食之人何其多😂…Read More

今日到步東京，時間尚早，先去秋葉原逛逛，再食晚餐，呢間麵店係米芝蓮推介，咁啱係附近，就去食下先，麵店自助形式，因為店內未有座位，我地先買票，再等有座位先入座，我地買咗招牌鹽味拉麵+豬肉燒賣，據聞拉麵湯底係用五種鹽祕製嘅鹽醬同走地雞熬製而成嘅清鷄湯，特別鮮味。豬肉燒賣肉味重，肉汁豐富👍小麥粉手拉嘅拉麵，有肉丸同雞件，麵條爽口，彈牙👍，雞湯鮮甜，冇油膩感👍好食到有幸福嘅感覺😂,唔怪得門口不段有食客排隊等候😄…Read More