Video
Telephone
075-231-0709
Awards and Titles
Michelin 1 Starred Restaurant (2016-2023), Michelin Selected Restaurant (2024)
Additional Information
We do not allow children under junior high school age (13 years old) to visit our store.There is a dress code.
Opening Hours
Today
12:00 - 13:00
18:00 - 19:00
Mon - Tue
12:00 - 13:00
18:00 - 19:00
Wed - Thu
Closed
Fri - Sun
12:00 - 13:00
18:00 - 19:00
*Lunch 12:00-13:00 (entry time)
Dinner 18:00-19:00 (entry time)
Above information is for reference only. Please check details with the restaurant.
媽咪同小姨姨兩姊妹多年冇見，為相聚多刻決定於表弟婚宴完畢後一齊喺京都同大阪玩多幾日。負責餐飲節目嘅XO仔因對酒席膳食期望唔高，第一餐即安排先試名單上放頭位嘅星級法國菜「MOTOÏ」。西餐廳暗藏於靜寂嘅街道上一間外觀傳統嘅日式大宅內，貴客必先穿過白色嘅布簾，步進小徑後方才抵達接待處。面積寬廣嘅屋房核心位置乃樓底高高、光線充裕嘅用餐大堂。中央擺放出嘅花藝充滿秋季色調，氣派尤甚！室內日西合璧嘅間隔簡樸中不失大方及時代感。落地玻璃窗外可見綠意盎然嘅小亭園。其中一條走廊上有個超大型嘅酒櫃，琳瑯滿目。嘻嘻，為延續婚禮嘅喜悅，酒鬼們當然係要開酒飲啦！或許小肥比較熱血同熱情，香檳第一啖飲落唔係幾夠凍，向哥哥仔反映過後佢真係等雪凍啲先再斟俾其他賓客，態度專業認真。小肥早於用餐前兩個月經網上訂座，並為各人選定及預繳十道菜美饌套餐「Gourmand」（16,500円/位）。餐桌上嘅小鮮花令中午用餐都覺得好有情調。每位席上都擺有自用嘅西式餐具。Aperitif – datsu, soybean：為午餐揭開序幕嘅兩款開胃前菜以木架呈上，流露出自然樸素嘅氣質。左方紫色嘅蘿蔔針魚卷及右方青色件秋葵花瓣大豆包演繹出不一樣嘅清新爽脆，新奇獨特，共通點係兩者微辣嘅尾韻有效地刺激食慾！Amuse-Bouche – fully ripened Manganjitougarashi, scallop and salmon roe：接著嘅橙色小杯看似簡單，但原來主材乃日本辣椒之王，產自京都嘅「万願寺唐辛子」！最底嘅透明層清湯同中間濃厚嘅橙色慕絲都係由萬願寺甜辣椒所造出，此椒出名甜而不辣，杯中混入醃製過嘅帶子粒及三文魚籽，應建議用羮𢳂哂黎食，組合清涼柔潤，甜中帶微微酸，但又不失魚鮮味，醒胃可口。跟餐嘅麵包熱力十足，皮脆包鬆軟。另上嘅昆布牛油芬芳輕盈，想咸啲仲可以灑上鹽粉。Foie Gras – foie gras, pacific sauries, mandarin：鵝肝菜式上枱後先由專人斟上金黃嘅柑橘秘醬。頂面件鵝肝煎煮時間拿捏得好好，外層香脆，肝身幼嫩，生熟程度愜心貴當；墊底原來係撈入咗蘿蔔碎嘅節令秋刀魚，秋刀魚肉鮮嫩無比，黏上柑橘秘醬倍添甘香甜美，嶄新嘅配搭契合鮮甜，絲毫不溜滯，妙哉妙哉！Homard – sautéed lobster flavored with shrimp sauce：由於幾位長輩都唔食得辣，師傅應要求全部人都將原本伴龍蝦嘅冬陰功汁轉咗做蝦汁。法國藍龍爽脆彈牙，起哂泡泡嘅蝦汁都好鮮濃，可能因為臨時改咗醬汁，打差咗設計者原定嘅算盤，配角嘅三式日本矮瓜食落幾苦吓，明顯唔係XO仔條菜。Poisson – panfried Medai, seaweed butter sauce：日本同法國嘅飲食文化都著重魚魚，喺京都食法國大餐梗係有魚食啦！碟中被雜菜包圍住嘅目鯛魚色澤顯然白雪雪，魚肉雖則厚厚，入口卻極其滑嘟嘟，喺奶黃色嘅昆布牛油汁度拖一拖，已能添加順滑兼提鮮，細膩絲絲入扣，實在精彩！Boeuf – roasted Wagyu with a lot of kinds of Kyoto’s vegetables：和牛主菜產自滋賀，肉質紅潤，油脂不多，輕輕燒至兩三成熟，外層焦香，靚肉鬆軟，肉汁豐沛，簡單灑上鹽同胡椒粉足以帶出肉香。哥哥仔介紹伴碟嘅全部都係「京野菜」（京都生產之野菜），合共有六十種咁多，每款嘅煮法及形狀都不同，佢自己都笑住咁講話記唔得哂邊六十款，重要性係京野菜象徵著大廚嘅根源！全自然嘅蔬果食材集不同口感，豐盛得輕巧，絕對係非一般的健康享受！Dessert 1 – green lemon：甜品環節先由清涼嘅青檸檬忌廉芝士雪葩作序，好等味蕾得以潔淨一番。呵呵呵，遇上難得嘅佳餚，幾個酒癡結果仲幫侍酒師清埋最後半枝甜酒！Dessert 2 – Japanese persimmon and whey：橙亮有光澤嘅日本柿半腍半爽，清甜潤喉，連同碟底嘅乳酪雪糕食更加倍香滑。Dessert 3 – pear’s far Breton：碟盤上嘅法式蛋糕厚潤有彈性，配上清香爽甜嘅梨塊、脆卜卜嘅咖啡味蛋白脆片、芳香軟滑嘅咖啡味雪糕及慕絲，口感好有層次，吃畢亦不覺溜。餐茶或咖啡可從兩頁餐牌中揀點。Mignardises：結尾嘅精美小點同餐茶上，每人一份。玻璃碟上有法式「天使之鈴」蛋糕仔、焦糖味糖果、梅味啫喱及棉花糖。相中最上方嘅金匙一定要一啖放入口，因閃閃發光嘅波波內含濃縮嘅芹菜橙汁，入口即爆，讓甜味溢滿口腔。京都星級餐廳「MOTOÏ」環境與菜餚同樣擁有傳統嘅外貌，精髓暗藏為新穎創意嘅元素。主廚老闆前田元先生（Chef Maeda Motoi）乃土生土長嘅京都人，醉心鑽研法國菜嘅同時從未忘根，別具風格嘅美饌結精並不賣弄花巧嘅視藝擺盤，靈魂在於主要採用產源於京都嘅食材，驚喜在「京起」！服務生體貼專業，親切周到，榮獲星星都唔會擺出架子，或開出天價，低調的高雅絕對符合純樸大方嘅格調。
continue reading
這間法國餐廳是第三回光顧。真心一句價錢不貴，才不過8000yen 已經有米芝蓮的法國午餐，在香港根本沒可能；今次有團友一起，好不熱鬧，另有一番滋味。第一道前菜是帶子壽司沙律，將壽司用杯子盛著，配上魚子醬及蛋絲，旁邊的小杯子盛著露筍dressing，帶子鮮甜，配上魚子醬的魚鮮味，再用露筍dressing拌勻，帶子甜味更突出。第二道菜是鵝肝配焦糖橙乾，鵝肝是法國菜少不了的，這次吃的是凍鵝肝，很嫩滑，有點像吃雪糕，好特別；焦糖橙乾比平常用的梨子或蘋果更有心思，橙皮有點苦澀，調和鵝肝的油膩。第三道菜是蜆肉團子，配雞湯和春菜，湯底清甜，接在鵝肝後面可以令味蕾清新。第四道菜是煎鱸魚，配上43種京菜。記得兩年前吃煎石斑也是配上43種京菜，日本人的魚料理不用置疑，43種菜類真的令人不可思議。主菜是燉北海道牛腩，配紅酒汁和薯蓉。牛腩入口即溶，豐富的骨膠原令人齒頰留香。甜品有三款，首先包括薑汁冰配煉奶雪糕和橙味啫喱 moouse，之後主甜品則是士多啤梨拼盤，用士多啤梨做出不同的甜點包括moouse ，聖八護餅，士多啤梨醬，marcaron等，再砌成圖案，好厲害👍最後就是petite 5配茶或咖啡，每次吃罷都大滿足。
continue reading