Video
Telephone
075-561-5471
Opening Hours
Today
12:00 - 21:00
Mon - Wed
12:00 - 21:00
Thu
Closed
Fri - Sun
12:00 - 21:00
3rd Wed of every month
Closed
Above information is for reference only. Please check details with the restaurant.
表弟結婚派對定於下午三點行禮，午餐就孖埋同酒店住嘅表妹早少少喺附近一家壽司屋「東寿し」（Azuma Zushi）食魚生打底。起初經酒店訂座時，店主因怕言語溝通唔到而拒絕，後得知細佬可以簡單日文對話及點菜即轉軚答允，不過就講到明只收現金。家庭式經營嘅小店暗藏於靜寂嘅橫街上。當真準中午十二點掛出紅布以示開門。室內並無花巧之裝潢，牆上只掛出幾把扇扇。一如網上資料所示，店內只有一列九個吧位。每位席上都擺有自用餐具。所有魚生款式展於透明雪櫃內，食客可任意挑選。午市共有兩款十件壽司套餐可選，價格明顯取決於魚生款色。散點項目共有兩頁，但就只有日文版。廚房入面仲有個寫上是日精選菜式嘅黑板。請留意，餐牌上並未有標明魚生嘅單價，其實結帳時嘅單據同樣冇列出單項，海鮮價疑似任佢劏。嘻嘻，三隻酒鬼聚首一堂，當然係要勝番幾杯先啦！點好第一輪壽司，師傅先送上薑薑。とろ寿司：厚切嘅拖羅色澤粉嫩，靚魚有口感得黎鮮濃肥美，屬正頓午餐之最！結果當然係要追加啦！とろ炙り寿司：平心而論，輕輕燒過嘅火炙拖羅質感軟嫩，但就未到溶喺口嘅程度，試吓都無妨嘅。はまち寿司：多款中，個人覺得此味油甘魚最為失望，魚魚除咗呈瘀瘀地色之外，食落仲帶有一陣腥味，似乎唔係咁新鮮囉！ますの寿司：師傅推介嘅鱒魚其實感覺一般，潤就夠柔潤，不過魚味較啖。ぼたんえび寿司：師傅另一推介嘅牡丹蝦白滑有光澤，咬落爽潤帶脆，鮮甜無比！いくら寿司、うに寿司：左方嘅三文魚籽粒粒晶瑩閃亮，最鍾意就係當中嘅香濃爆裂於口腔！有對比下，右邊黃得黎卻暗淡無光嘅海膽壽司就腥中帶餲，毫不鮮濃。牛炙り寿司：火炙牛肉老嚡偏韌，明顯過熟，三口子都食到拎哂頭，不吃也擺！京都壽司屋「東寿し」面積細小，魚生款色及質量甚為參差，幸好價格尚算合理，或許因區內冇乜對手，此家唯獨欠缺一團火。
continue reading