ガスト 千歳店

Open Now

Now Closed

如果帶住小朋友嚟到日本，想食得平民化啲味道，亦好味嘅家庭餐廳，我會極力推介Gusto。因為Gusto有小朋友最鍾意嘅嘢飲任飲，只需要俾240円就可以有drink bar任飲，鍾意自己溝唔同口味嘅汽水都可以。餐廳採取自助形式，要用平板電腦自己落單，當然地你可以叫職員嚟落單，不過其實個菜單有齊晒中英文數目字，其實好簡單易明。嘢食方便有兒童餐，麵包超人主題，如果你叫兒童餐佢仲會有積分俾你儲，可以換麵包超人嘅小餐具。大人方面，有好多嘢食揀，普通嘅有輕盈西餐、有得鋸扒、亦都有沙律、湯麵其他選擇。我就揀咗沙律湯麵，同埋小朋友揀咗兒童餐，我哋另外仲叫咗一個honey mustar炸雞，炸雞味道非常好，食過返尋味，簡直想叫多第二碟。我哋四個人食，埋單只係3000幾Yen，真係超級抵食。佢喺日本嘅其他地方都有好多分店，去開日本可以試吓。