呢間係tabelog長期高人氣 聽講之前勁難book㗎 開關無耐梗係搶住去啦


❣️おすすめコース(推薦套餐) ¥7700 (~HKD$470)

🥢前菜
一舊好似菜咁嘅嘢 面頭放咗啲粉紅色嘅木魚碎 食落個口感有啲似茄子 甜甜地

🥢2種當季食品

🥢壽喜燒牛肉片
嚴選優質霜牛油脂分布平均 真係輕輕掂下個鍋就食得一夾起點埋蛋醬無得彈 滑捋捋嘅蛋液包住入口即溶嘅牛肉 雖然今次我哋唔係叫最貴嗰set 但呢個牛肉已經滿足到我哋

🥢90g蔬菜
呢間標榜咁多年來都只有新鮮名產地蔬菜 所有蔬菜都經過精挑細選先會上枱 我哋嗰份包括燒豆腐 洋蔥🧅 大蔥 茼蒿 粉絲 蔬菜吸收咗壽喜燒個汁 全部好鮮甜 洋蔥爽脆多汁 粉絲煮完再用蛋漿好似沾麵咁食 好爽

🥢白飯


🥢味噌湯
唔知係咪前面壽喜燒食得甜嘅關係 覺得呢碗湯好鹹好鹹所以飲咗兩啖就無飲lu

🥢士多啤梨雪芭
啱啱拎出嚟嘅時候成粒冰咁 刮到刮唔郁 仲驚整壞隻匙羹放咗陣先食到 淡淡地嘅🍓味 中間仲有啲果肉 好fresh


專人服侍一枱一個waitress 由頭煮到尾都唔使自己落手坐低等食殘廢餐 仲要每樣嘢逐塊逐塊上 服務態度超好 唯一缺點係埋單要15% service charge 即係每位要俾多¥1155 (~$70) 如果去東京咁啱約到都可以去試吓嘅

大家都知日本啲舖頭好早收 應該食夜晚飯嘅時候唔肚餓 搞到夜晚10點11點先嚟搵食 選擇唔多得返啲酒館同居酒屋🏮最後抽籤揀中咗呢間試下

❣️厚切りハムカツ(厚切午餐肉) ¥429(~$26)
外層好酥脆 夾心午餐肉的確都好厚 淋咗少少黑醋汁食埋旁邊伴碟嘅蔬菜去左啲油炸感 整體上都唔錯

❣️にらたま(韭菜煎蛋餅) ¥429(~$26)
呢個係相對中華風嘅料理 同我哋平時食開嘅冇乜分別 可能預咗你會落調味料 淨食蛋冇乜味 最後加返少少豉油就Perfect啦

❣️コブクロ辛味噌刺し(辛味豚子袋刺身)¥429(~$26)
其實係唔識日文睇圖亂嗌 豚子袋換言之係🐷嘅子宮 外型好似旋轉形嘅海螺🐚白雪雪顛覆咗對一般內臟嘅想法 食落煙韌好似食緊豬耳咁 之後Google先知原來係日本人嘅伴酒零食 不過呢一份對我來講真係太辣啦 隊咗兩杯啤酒先食得晒成碟

❣️鉄鍋餃子1人前(鐵板餃子10隻) ¥550(~$34)
其實我哋喺俾樓下啲餃子相吸引咗上嚟 成間舖頭任何一個角落都貼左餃子嘅poster 所以最期待最期待呢個 一口一隻🥟 size啱啱好 伴酒食真係食幾多都唔夠 不過可能鐵鍋煎嘅關係 食落油膩感重左小小

❣️タレ焼きとろホルモン(醬燒肥腸)¥429(~$26)
都係睇圖點餐 平時唔食內臟嘅我仲以為燒魷魚嚟 因為個口感真係好似醬燒超入味 食落有啲韌甜甜地

❣️博多鉄板烧肉(博多鐵板燒肉) ¥605(~$37)
頗大份都幾多菜下 至於啲肉係底cum住左 整體賣相同幅圖有少少出入菜葉比較生 食落爽脆 豬肉醃到幾好味 鐵板炒菜嚟講呢個都幾抵食

❣️元祖渋谷焼きそば(元祖澀谷炒麵) ¥682(~$42)
居酒屋必點item 賣相好靚好吸引 洋蔥蒜粒香蔥同啲麵炒埋一齊 好香好香 面頭再打多隻蛋撈埋晒一齊食 仲有隻夾仔夾好過癮 都幾夠鑊氣 不過呢啲炒麵好似無論食幾多次都覺得好鹹好鹹但伴酒食的確一流

2023年嘅第一日我哋選擇去咗東京近郊 懷住興奮嘅心情迎接鰻魚飯 但適逢日本新年嘅關係 得返4分2舖頭有開 有啲bookmark咗都食唔到誤打誤撞搵到呢間大件夾好味嘅

❣️極上鰻魚丼(大丸1匹半) + お吸い物(湯)・香の物付き(配菜) ¥4100(~$247)
鰻魚控當然一嚟就有大食大 嗌左份有1.5條份量嘅餐 跟埋餐湯同配菜青瓜白蘿蔔 碗湯有啲似滾湯個類 清清甜甜 留返食完飯先慢慢飲

講返盒飯先 打開勁香 一共6塊燒鰻魚疊埋一齊 每塊都係一個盒嘅長度 唔會話長度有參差 望落反晒光令立立流曬口水夾起唔爛無斷開 肉質厚實幾乎入口即溶 個底嘅軟綿綿嘅珍珠米 再淋啲鰻魚汁 真係食幾多都無問題

❣️特上(大丸1匹) + お吸い物(湯)・香の物付き(配菜) ¥3100(~$187)
整體上賣相配菜造型差唔多一樣 所以就冇特別影相 不過呢set係4塊鰻魚 如果相對想淺嚐嘅都係唔錯嘅選擇

🎣 係離海比較遠嘅埼玉縣 淡水🐟係居民重要嘅蛋白質來源 而且川越盛產醬油 製作鰻魚飯呢個傳統由江戶時代流傳至今 有返咁上下歷史嘅古早味 真係早午晚食三餐都唔厭


🙈同樣嘅份量喺香港可能要賣2-3倍價錢 去東京有時間行吓近郊嘅 都推薦你哋試吓💓

朋友推薦呢間燒肉店 喺疫情之前超級難book 聽講大概要兩個月之前就約好 今次開關一買機票即刻book咗 太好啦仲未full今次終於可以食到


❣️雪の宴 食べ放題90分コース(雪之宴烤肉套餐90分鐘) ¥9075(~$548)


🥢焼肉(燒肉類)
🐮鹽味牛舌
🐮牛小排
🐮西冷牛排
🐮帶骨牛小排
🐮牛肋條
🐮菲力牛排
🐮牛橫膈膜
🐮牛肚
🐮牛肝
🐮牛小腸

一坐低佢會上個拼盤set 即係金色個盤 分別有五花肉 牛肋條 同 里脊肉 我諗應該係招牌所以推薦大家必試

啲牛絕對唔係薄切切個啲 里脊肉大大塊 仲要已經設成一細舊 牛味香濃超級好食 唔使點調味料就食得 encore左5次 差唔多等如每人食咗三塊

牛舌都幾厚身 嗌咗鹽味燒完即食 煙韌非常😝不過佢每次嗌一份得兩片 如果真係牛舌控可能要㩒好多次先得


🐥味噌雞肉
🐥鹽味雞肉


🐷豬頰肉
🐷五花肉
🐷伊比利亞豬排
🐷豬肚
🐷豬腸

主力食牛不過都有試吓啲豬 豬頰肉即係面珠墩嗰度 平時比較少食到 可能因為運動肌肉量比較大 食落有韌性感覺幾得意

五花肉油脂比較多 啲油滴咗落個爐度燒到hom hom聲 咬落油脂B晒出嚟 好正

🥢海鮮(海鮮類)
🐚烤扇貝
🦐烤大蝦
🦑烤魷魚

扇貝用錫紙兜裝住 入面仲加咗啲醬汁 越煮越入味 唔直接燒嘅好處就係唔使點睇火 水滾就食得好大粒好鮮好甜


🥢野菜(蔬菜類）
🥬蔬菜拼盤
🥬菌菇拼盤
🥬蔬菜沙律
🥬包生菜
🥬韓式辣泡菜
🥬韓式拌菜拼盤


蔬菜拼盤有洋蔥大蔥 洋蔥大蔥燒到脆卜卜 十足食薯片咁 但一咬落去啲菜汁噴出嚟外脆內水依種感覺我鍾意


🥢ご飯物(飯類)
🍚韓式拌飯
🍚石鍋拌飯
🍚湯泡飯
🍚香辣牛肉湯泡飯
🍚海苔茶泡飯
🍚蟹肉湯泡飯
🍚韓式涼麵
🍚日式拉麵


除咗燒肉仲有飯麵真係嚇親嚟到日本梗係要食返日式拉麵 好彩份量細細碗得一兩啖 湯底對比出邊街食嘅相對清淡 另外再嗌埋韓式拌飯 即係平時芽菜紫菜泡菜撈埋一齊嗰啲 但呢個又整得幾好味喎 個味道小小辣真係好似韓國食咁


🥢スープ(湯類)
🥣蛋花湯
🥣紫菜湯
🥣蔬菜湯
🥣香辣牛肉湯


今次嗌咗蛋花湯紫菜湯 蛋花湯真係蛋仲多過湯水 至於紫菜湯係諗住食咗咁多濃味清清喉嚨 兩碗都冇乜味精 小小甜甜哋 啱晒想飲多啲湯水代替水嘅人


🍬去到最後仲有甜品 居然係粒雪米糍 同我哋平時食開嗰啲出入唔大

🍶任飲Menu太多選擇不能盡錄果汁 茶 汽水啤酒 清酒 燒酒 梅酒 米酒 紅白酒 氣泡酒 果汁酒 highball soda 全部任嗌 最正嗰樣係90分鐘係任食 120分鐘任飲 換言之食完嘢仲有30分鐘可以坐喺度慢慢chill

🥩整體而言 呢個套餐真係超抵食 同樣價錢喺香港可能最多只係肉飲食 就算任飲可能都剩係得果汁汽水 不同酒類仲要另外收費 有啲可能係續杯計唔係飲飲添 所以未食過嘅朋友可以念念佢💁🏼‍♀️