環境正常地方乾淨，服務員態度正常

呢間就係香港高人氣嘅過江龍迴轉壽司🍣，去日本當然要去朝聖下啦！香港嗰間開咗幾個月，但太多人等所以重未試過，但日本呢一間的確係唔錯嘅，連鎖式黎講算係好新鮮材料，對比香港其他連鎖式優勝好多！

之前食過大阪其中一間，名古屋比大阪既分店差少少，不過都新鮮抵食嘅。

今次食咗好多款有軍艦，卷物刺身，炸物等等，基本上每一種魚生都好新鮮。

特別要講下幾款壽司同一款炸物:
蒸鮟鱇魚肝壽司（冬天限定）
鮟鱇魚香港多數用黎做湯，好少見用個魚肝做壽司，一聽魚肝以為會好腥，食落個味同鵝肝有啲相似，蒸左既魚肝再加埋有少少醋既壽司飯，無左滯口嘅感覺，係好好味嘅，但個賣就普通啲，見有一碟係個迴轉路軌轉左好耐都仲係度。

蟹肉山壽司🦀
一個大嘅圓球全部都係蟹肉碎組成，肉上面有蟹膏整體入口有口感同埋新鮮一啲都唔腥，加左蟹膏令濃厚嘅蟹味充斥口腔內😋唔鐘意碎既蟹肉仲可以食松葉蟹腳壽司🍣，同樣新鮮，仲啖啖肉添！

炸蝦春卷
🍤春卷外型獨特，外觀上係一隻蝦，但其實中間係一條蝦肉外邊包住春卷皮，食落口感有少少似天婦羅。

牛肉壽司🐂
牛肉表面上係用火炙形式輕輕燒過，因為只係輕輕燒過嘅關係，所以一咬落口有濃厚嘅肉汁流出，同埋牛本身油花分布均勻,獨特嘅醬汁配埋一齊簡直令牛肉嘅鮮味提升，再加埋嗰件牛肉嘅長度足足有半隻手板咁長，非常之吸引

其他就唔逐一介紹啦各位可以睇下相片😋

#愛知縣#郎壽司#日本