當周奕瑋介紹完依間餐廳後，我地 2019/1/8 去左試1.5H極上黒毛和牛が食べ放題!男性6200円/女性5200円, 即係佢係節目食的餐. 我地被安排座位的地方有5張台, 5張都係香港人, 而且 lift 內同餐廳外都撞到另外起碼3家香港人, 唔知以為自己係銅鑼灣, 當然, 如果好食的話 理得佢係尖沙咀定銅鑼灣.
放題係90分鐘，首先佢會比一盤肉你，有豬有雞有牛，豬同牛嘅比例好少，你食晒個盤肉後就可以開始點自己喜歡的部份. 不過！每次每人只可以點1個部位, 每個部位佢哋只會比4塊，last order 係完結前30分鐘. 登登登登 問題就嚟喇， 30分鐘前即係第60分鐘 你就要叫最後一次嘢食，假如你兩個人去 每次兩個部位每個部位4塊即是有8塊肉, 請問8塊肉兩個人食，點食到最後嗰30分鐘呢？3分鐘都食完啦! 不過又咁講，佢仲有其他 side dishes 俾你任叫, 例如韓國芽菜，韓國菠菜，生菜絲沙律等等.
坦白說，牛 沒有牛味，唔好同我講日本和牛因為好多脂脂所以一般牛味冇美國牛或澳洲和牛咁濃的說話, 因為佢真係冇牛味.
即使係咁樣都唔緊要，講到明係放題即係每個部位都任叫啦，我地食完盤肉後叫了臀部3次，第一次啱，第二次同第三次都俾錯，叫第三次時候已經同waitress講過這問題，但佢只係講唔知道, last order 時叫的肩胛肉更過分，俾一d比旺角任食cheap cheap 邊爐嘅爛鬼肥牛更加差, 係好多脂肪呀 不過唔係雪花脂肪，你想像一下旺角任食cheap cheap 邊爐一舊肥牛裏面充滿着一半嘅白色脂肪，岩喇 就係個種喇! 依餐飯有機會比我揀的話，請我都唔食，點解去到日本旅行要浪費時間同quota食一間垃圾燒肉.
最後, 點解一間日本人餐廳會呃遊客丫, 恕我井底之蛙 我只諗到兩個原因:
1) 個日本人老細係白癡
2） 佢當我地香港遊客係白癡，自己想食邊個部位都唔認得

tabelog 上大把其他好食的燒肉，絕對冇必要浪費時間同quota在這間垃圾餐廳!