OpenRice日本小編推介 最強CP值燒肉5選
2019-10-30

唔少人返鄉下嘅時候都會專程去試一試正宗日式燒肉,但係花多眼亂唔知揀邊間好?日本小編就為大家嚴選5間東京最強CP值燒肉餐廳,位置方便,仲全部有英文餐單,去擦返餐啱哂。 


Restaurant 俺の焼肉


「俺の」集團旗下有各種餐廳,包括意大利菜、法國菜、關東煮、麵包店等。東京有四間“俺の焼肉”分店,今次小編介紹嘅係神田站附近嘅神田店。招牌嘅神田盛(600g)一碟有哂5個部位嘅A5黑毛和牛,盛惠5800円,聽落好似幾貴,但品質高而且份量夠幾個人食。另外1280円嘅美國上橫膈膜肉(150克)亦係人氣之選,塊塊厚切啖啖肉。除咗燒肉,泡菜、石鍋拌飯、海鮮、甜品等都應有盡有。

「俺の焼肉」店舖一覽按此






この投稿をInstagramで見る

Yebin Leeさん(@yebin.co)がシェアした投稿 -


Restaurant カルネステーション 銀座店


呢間燒肉放題餐廳,晚市3300円起可以食90分鐘。價錢按可以任食嘅料理而有所不同,除咗肉類,仲有帝王蟹任食添。午市放題1300円食60分鐘,CP值夠哂高,啱哂想盡情食肉嘅食肉獸。餐廳從新橋站步行5分鐘就到,交通方便。  






この投稿をInstagramで見る

あおき📱さん(@aokidct)がシェアした投稿 -


Restaurant ニクアザブ GEMS新橋店


「ニクアザブ」總店位於西麻布,今次小編介紹嘅新橋分店位於「GEMS新橋」嘅頂樓,距離新橋站僅3分鐘路程,可以居高臨下欣賞市區美景。受歡迎嘅菜式係「 廚師發辦套餐」(3000円),由廚師精心揀選並烹調13種不同部位嘅肉類,啱哂有選擇困難嘅朋友。如果想自己親手燒肉,都有另一款套餐(5000-7000円)可供選擇,包無限暢飲。 「ニクアザブ」所有分店嘅餐單及價格均相同,有興趣可以搜尋餐廳官方網站了解更多。


「ニクアザブ」店舖一覽按此







この投稿をInstagramで見る

Eiichi@Tokyoさん(@eichan_tokyo)がシェアした投稿 -


Restaurant ビーフガーデン 恵比寿


最平嘅定番燒肉套餐係3500円,當中包括黑毛和牛兩個稀有部位等15款菜式。雖然價錢同其他燒肉店相比可能有啲貴,但係唔少食客都話肉嘅質量物超所值。另外餐廳裝潢以黑色及深色木材為主調,風格帶高級感但唔會拘謹,適合情侶或三五知己邊食邊傾。從惠比壽站東口步行5分鐘即達,同樣非常方便。


「ビーフガーデン」店舖一覽按此

 






この投稿をInstagramで見る

@kcasumiがシェアした投稿 -


Restaurant ふうふう亭JAPAN 西武新宿駅前店


東京雖然只有幾間分店,但「ふうふう亭」嘅分店都位於涉谷、新宿、池袋等主要地區。特別係位於西武新宿站前嘅呢間「ふうふう亭JAPAN」,距離新宿站僅4分鐘路程。最吸引食客嘅當然係2980円就可以任食燒肉兩個鐘,額外加多500円仲可以升級食日本國產牛添。再加多1480円仲有包啤酒嘅無限暢飲。要留意餐廳不設午市,由下午5時開始營業,建議提前訂座。

「ふうふう亭」店舖一覽 → 東京大阪






この投稿をInstagramで見る

thomas4610さん(@thomas4610)がシェアした投稿 -

開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
更多
收起
本月熱門
【夜景都市】喺神戸歎馳名神戸牛及法國菜
2019-12-01
四間喺東京Illuminations 2019 附近嘅浪漫餐廳
2019-11-19
京都聖誕美食推介 2019
2019-11-28
上野--自然、文化與美食之地
2019-12-01