遊日搵食指南 六大餐廳推介+優惠券
2017-07-14

無論你係「初心者」定自認去日本旅遊達人,都可以參考以下日本小編推介,六間囊括東京、大阪同京都三大旅遊熱點嘅餐廳。記得Bookmark埋張優惠券,食盡地道日本美食同時慳返筆錢再去買手信!
 

東京
 

築地市場新鮮壽司
弁富贈送菜品



圖:ChloeIluf


築地市場最快會喺出年5月搬去新豐洲市場,想去嘅朋友仔記得把握時間喇。場內市場有唔少壽司店,弁富唔算係名氣最高嘅,不過亦因此唔需要一大早去排隊先食到。舖仔細細,可以坐喺吧枱前面睇住師傅熟練咁握出新鮮嘅壽司。記得用埋優惠券,食埋贈送菜品
 

淺草松阪牛燒肉
一頭買焼肉 玄 浅草本店贈送菜品



圖:hotpepper


呢間燒肉店就喺東京必去嘅淺草寺附近,主打高品質和牛,包括頂級嘅松阪牛!而且店方係購買一整隻牛,所以唔單止有常見嘅肋肉、牛舌,亦會有內臟同其他比較少見嘅部位選擇。有選擇恐懼症嘅朋友可以點套餐,用埋贈送菜品優惠券就可以試盡唔同滋味。
 

大阪
 

道頓堀人氣章魚燒大阪燒
くれおーる 道頓堀店九折優惠



圖:くれおーる 道頓堀店 Facebook


想一站式試哂大阪名物章魚燒同大阪燒?呢間連鎖店就可以一次過滿足哂你兩個願望!章魚燒有原味同唔同創作口味,包括酸梅紫蘇同招牌半熟玉子大蔥章魚燒。同時亦有唔同餡料嘅大阪燒、各式炸串等選擇。用九折優惠券食完繼續喺道頓堀行街買夠本!
 

酒店高CP值懷石料理
心斎橋 禅園贈送菜品



圖:心斎橋 禅園 Facebook


喺心齋橋鬧市裡面有個禪園?其實佢係位於大阪日航酒店裡面嘅懷石料理餐廳,定價唔算親民,但師傅用足心機,用嘅全部都係新鮮時令食材,前菜、魚生、涼菜、主食、甜點等都一絲不苟。想食平啲嘅話,可以午市嚟食特惠套餐或者便當,用埋贈送菜品優惠券就更抵!
 

更多優惠推介:
1. 泰著數!曼谷酒店自助餐低至半價起
2. 去曼谷食勻泰國特色菜!兼享訂座優惠
3. 台北澳門輕旅行必睇 OpenRice訂枱優惠攻略


京都

 

人氣魚介雞湯拉麵店
加藤屋 四条にぼ次朗贈送菜品



圖:hotpepper


近年無論香港定日本都興起食W系湯底嘅拉麵,即係魚介同雞骨湯或者豚骨湯混合式。而呢間就以魚介雞湯做招徠,係雞湯當中加入鯷魚乾,味道鮮香易入口而且唔會太鹹。而且麵條係店家自製嘅極粗麵,部分仲可以免費加到超大盛(300g),用埋贈送菜品優惠券一定可以食到飽。
 

老店嘆Shabu Shabu
一粒庵贈送菜品



圖:hotpepper


呢間有過百年歷史嘅老店專賣涮涮鍋同壽喜燒。特別之處係佢地嘅鍋係舊式炭爐,利用鍋中間嘅炭為食物加熱,傳熱夠快,放塊和牛入去滾兩滾,點埋芝麻醬就食得。佢地嘅蔬菜同牛肉都特別選用京都本地出產,保證新鮮。去之前記得Bookmark定張贈送菜品優惠券。
 

三大城市嘅優惠喺哂度:
~東京優惠傳送門~

~大阪優惠傳送門~
~京都優惠傳送門~


優惠券唔需要列印,去到日本用手機出示電子優惠券就得。怕無網絡嘅話Cap圖亦得,得咗!想知道更多日本餐廳優惠券嘅細節,可以睇返之前開飯仔寫嘅優惠券特集。長氣啲提多你一次,OpenRice訂枱優惠已經擴展到曼谷台北澳門,呢個暑假出遊前不妨睇睇有無心水!

睇埋其他特集,日本覓食零難度!
👉【隨時更新】日本小編開箱!必試便利店新品速報
👉
蟹道樂以外 大阪五大食蟹好去處
👉日本小編親試!銀座新蒲點GINZA SIX美食推介
👉京都新熱點 KYOTO TOWER SANDO必試美食指南

 



文:Cathy

開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!最新必試便利店新品速報
7天前
必食金賞丼飯5選【大阪・京都篇】
2017-08-24
日本餐廳優惠券袋住走 東京大阪京都精選推介
2017-09-08
召集真餓底 巨量美食5大推介【東京篇】
2017-09-06