蟹道樂以外 大阪五大食蟹好去處
2017-07-31
去大阪想食蟹,除咗Restaurant蟹道樂之外,仲有無其他選擇?即睇以下小編推介嘅5間食蟹好去處,梗有一間啱心水!

(圖:蟹奉行)


喺大阪有兩間分店嘅【蟹奉行】,憑住定價親民嘅松葉蟹放題成為人氣餐廳。基本放題4,980円食90分鐘,有水煮蟹、蟹鍋食之餘,仲有其他一品料理,好似天婦羅、刺身、壽司等,加多500円可以任食埋蟹刺身、燒蟹添。

【網元】可以話係高級版嘅蟹道樂,兩者同屬一個集團。食材新鮮唔在講,店內裝潢更傳統,基本上都係塌塌米座位。「蟹宴套餐」由6,480円起,包括蟹刺身、蟹鍋同各款蟹料理,亦有散叫嘅餐單。雖然價錢比蟹道樂貴少少,但唔少人試過都話整體質素比蟹道樂高,預算較多嘅朋友不妨一試。



Restaurant香住 北よし

【香住 北よし】由一間位於兵庫縣香住漁港嘅魚產店直營,於2010年開業,目前喺大阪已經有兩間分店。店內供應嘅海鮮當然都係由香住漁港直送,想品嚐時令嘅生猛靚蟹,可以叫個蟹宴全餐(8,800円),或者再豪啲叫個蟹宴升級套餐(13,800円)又得

但留意返,由於呢度招牌嘅「香住蟹」同「黄金蟹」捕撈漁期係每年11月至翌年6月,所以夏季禁漁期並無蟹宴套餐供應套餐改為季節限定嘅創意和風水魚宴。


呢度主打蟹及河豚料理,供應嘅蟹都係店主嚴選嘅松葉蟹。蟹宴由5,000円起,包括蟹鍋、刺身、壽司等多款菜式。心思思想試埋河豚嘅朋友,推介可以叫個「河豚蟹(5,300円起)」,咁就可以一次過滿足哂兩個願望啦!餐廳鄰近JR福島站,徒步5分鐘內即達。


Sayaka×Rio(@saayap1)分享的貼文 - 張貼


RestaurantCRAB canni sienne 北新地

呢間甲殼類海產專門店於今年4月開業
,店內只設數個吧檯座位及3間獨立包廂,環境舒適雅致。菜式方面,冬季主要供應日本海嘅松葉蟹,夏季就供應北海道鱈場蟹,全年都提供高品質嘅各式蟹料理。蟹宴套餐價錢由18,000円起,廚師會喺吧檯嘅客人面前,即席烹調刺身及Shabu Shabu等高級料理。

呢度嘅消費雖然比較高,但蟹類菜式既多元化又創新,想豪豪哋食番餐嘅話呢度啱哂!另外要留意呢度係全預約制,有興趣嘅朋友可以上餐廳嘅英文官網提前訂座。


關鍵字
大阪
推介
蟹宴
放題
蟹奉行
網元
香住北よし
福島かにふぐ家
CRAB canni sienne 北新地
蟹道樂
開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!最新必試便利店新品速報
2天前
今秋必試期間限定甜品特集-2017年版-
2017-09-28
召集真餓底 巨量美食5大推介【大阪篇】
3天前
3大萬聖節主題下午茶推介🎃【東京篇】
2017-10-04
4大萬聖節主題下午茶及自助餐推介🎃【大阪京都篇】
2017-10-09