筆者最愛:東京站嘅必食之選
2019-10-18

作為日本其中一個最繁忙嘅火車同埋新幹線站,東京站喺過去嘅幾十年漸漸演變成「東京站之城」。由丸之內方面望過去嘅東京站係二十世紀初期嘅靚靚紅磚建築物,而八重州嗰面正正係滿足旅客衣食住行嘅需要嘅新式大廈。丸之內同八重州之間有一條通路--呢度有數唔晒嘅特色食肆等緊你呀!


Restaurant 釜たけ烏冬  八重洲北口店


連續幾年被某日本食評網站挑選為烏冬界嘅百名店其中之一嘅釜たけ烏冬嘅人氣之處在於佢哋嘅大阪難波式嘅讚岐烏冬。釜たけ嘅烏冬嘅價格由 ¥570 至 ¥1150 不等,而最受歡迎之選係佢哋嘅「ちく玉ぶっかけ」(¥780; 一舊大大舊獅子狗卷同半生熟蛋蓋烏冬)。釜たけ有好多新奇嘅配料俾你揀。除咗最常見嘅配料之外,佢哋仲有提供:泡菜、辣油、炸墨魚、炸糯米糍同埋薑。但係要記住,釜たけ唔係一個你會停留幾個鐘嘅地方--本地人通常都係入去快快脆脆食餐飽架咋!







この投稿をInstagramで見る

@kanakanadailyがシェアした投稿 -


釜たけ烏冬  八重洲北口店嘅營業時間係每日早上11點到夜晚11點。


Restaurant 茶寮都路里 大丸東京店


茶寮都路里係一間高貴嘅綠茶專門店。店內嘅綠茶產品包括芭菲、糯米糍、糖水、刨冰、蕎麥麵、烏冬同埋綠茶飲料。茶寮都路里位置於東京站嘅高處,所以喺店內可以望到周圍嘅東京站周圍嘅街景。咪話唔提你:呢度嘅夜景好正架!因為個景靚,所以窗口位嘅特別搶手嘅,連一枝公去呢間鋪頭嘅你都唔會覺得寂寞。


如果唔揀好,儘管試下佢哋嘅鎮店之寶「翠玉芭菲」(¥1,441)。呢個芭菲係綠茶雪糕、白玉糯米糍、茶啫喱同埋綠茶方塊嘅層層疊。雖然茶寮都路里嘅價格相對較高(大約¥1,500),但係店內嘅優雅氣氛同埋景色都已經值回票價! 







この投稿をInstagramで見る

まろさん(@ikz_itacafe)がシェアした投稿 -


茶寮都路里 大丸東京店嘅營業時間係星期一、二、三、六、日嘅早上10點到夜晚8點;星期四、五嘅早上10點到夜晚9點。只收現金。


Restaurant Sarabeth’s 東京店


由紐約嘅品味早餐熱點演變成東京嘅全日高貴餐廳,Sarabeth’s 呢間老舖由1981年開始就係班戟、格仔餅、同埋西多嘅表表者。除咗最常見嘅早餐同下午茶小點之外,Sarabeth’s 仲有提供豐富嘅午餐同晚餐選擇,包括三文治、意粉、漢堡包、湯、奄列同埋各式飲料。最受歡迎嘅產品係佢哋嘅經典本尼迪克特蛋(¥1,480) 同埋軟綿綿嘅肥西多(¥1,280)。


想喺一個更加開放嘅環境下享受用餐時間嘅話,不妨去佢哋三樓嘅露天茶座度,仲可以享受陽光嘅溫暖添!







この投稿をInstagramで見る

makikoさん(@makoook2013)がシェアした投稿 -


Sarabeth’s 東京店嘅營業時間係星期一至五嘅早上8點到夜晚11點;星期六嘅早上9點到夜晚11點;星期日同公眾假期嘅早上9點到夜晚10點。可以上網訂位。


Restaurant HAMBURG WORKS 東京站


想食美式大舊肉嘅時候,最啱就係去Hamburg Works。喺中午時段,Hamburg Works 有最抵食嘅漢堡扒同埋漢堡包午餐(價格由¥1,137 至 ¥1,682不等);而一到夜晚就會變成一間酒吧,提供唔同嘅小食(大約¥500)同埋牛扒。最勁嘅T骨牛扒盛惠 ¥3,900,但最有人氣嘅產品係佢哋嘅 高級和牛製嘅Works 漢堡扒 (¥1,280)。當你胃口好好,又或者想食西餐嘅話,Hamburg Works 會係你最好嘅選擇。







この投稿をInstagramで見る

かわむらさん。さん(@a__ass26)がシェアした投稿 -


HAMBURG WORKS 東京站嘅營業時間係每日嘅早上11點到夜晚11點。可以上網訂位。


Restaurant Sorano Iro Nippon 東京站


對比起我哋平時食開嘅偏油膩嘅拉麵,Sorano Iro 嘅拉麵就非常之健康。佢哋嘅野菜拉麵 (¥1,100) 受米芝蓮賞,亦有高達250克嘅蔬菜嘅營養喺入面。又冇動物脂肪,又夠晒健康,呢碗野菜拉麵係每位素食者嘅必食之選!加多¥250仲可以要玄米麵。當然,鍾意食肉嘅你可以選擇佢哋嘅招牌醬油拉麵(¥1,200)。


雖然本地人通常唔會逗留喺拉麵鋪度好耐,但係Sorano Iro 有提供叉電位同埋Wifi,夠晒貼心!







この投稿をInstagramで見る

🍜ラーメン大好き森山さん🍜さん(@moriramen)がシェアした投稿 -


Sorano Iro Nippon 東京站嘅營業時間係每日嘅早上8點半到夜晚11點。

關鍵字
東京
東京站
丸之內
八重州
喺東京站食乜好
烏冬
綠茶
班戟
OpenRice JP Editor
Provide the latest food trends and news in Japan.
餐廳資料
更多
收起
本月熱門
【夜景都市】喺神戸歎馳名神戸牛及法國菜
2019-12-01
四間喺東京Illuminations 2019 附近嘅浪漫餐廳
2019-11-19
京都聖誕美食推介 2019
2019-11-28
上野--自然、文化與美食之地
2019-12-01