由日本當地人話你知九段下有咩好去處!
2020-02-17

離東京站唔係幾遠嘅九段下站唔係一個好耳熟能詳嘅地方,但係呢度有好多帶住文化價值嘅景點。本地人通常會用新宿線,半藏門線同埋東西線去九段下,但係九段下最繁忙嘅時間始終係櫻花滿開嘅春天。由櫻花覆蓋全地嘅千鳥ヶ淵公園當然唔可以錯過, 但係一直為日本祈求平安嘅靖國神社都非常值得到此一遊。如果你鍾意武術嘅話,不妨參觀一下日本武道館。而最幸福嘅,就梗係九段下周圍都有好嘢食啦!


Restaurant 味さと Misato


雖然九段下唔似得佢隔離嘅區域有林林總總嘅食店,但係好多當地人都深愛著味さと居酒屋嘅溫暖氣氛同埋每日由築地魚市場新鮮運送過嚟嘅海鮮。味さと最人氣嘅刺身價格由¥580到¥3,000不等。而其他慣例嘅居酒屋小食例如薯仔牛肉,串燒雞,炸雞同埋炸豆腐嘅價格就由¥500到¥700不等。如果你要我哋揀,我哋會建議你叫佢哋嘅¥3,500 七餸晚飯套餐。一個價錢,你會食到新鮮刺身,茶碗蒸蛋,天婦羅,蕎麥麵,同埋燒魚! 







View this post on Instagram

A post shared by teru (@sasakiteru0617) on


味さと嘅午餐時段係星期一至五11點半至1點半,而晚餐時段即係黃昏五點到夜晚11點半。星期六只由夜晚5點到10點供應晚餐。味さと嘅休息日為星期日同公眾假期。

Restaurant 神田 江戶銀


冇呃你,但喺東京,如果要食高質素嘅壽司嘅話,閒閒地都可以食你幾萬円。但係喺平靜嘅九段下,你就有機會用超廉價食到超新鮮嘅壽司。除咗壽司,江戶銀由1977年開始仲有為顧客炮製魚生飯同埋唔同種類嘅燒海鮮。


江戶銀嘅平靚正特惠午餐專為喺附近返工嘅打工仔而設,價格由¥670到¥1,020不等。但如果你想食到飽飽嘅話,不妨試試佢哋比較昂貴,價值¥1,760 到¥2,750嘅套餐。 







View this post on Instagram

A post shared by 水谷莉莉 (@jasminepanda77) on


江戶銀嘅午餐時段係星期一至六11點半至1點半,而晚餐時段即係黃昏5點到夜晚9點半。星期六嘅晚餐時段係夜晚5點到8點。江戶銀嘅休息日為星期日同公眾假期。

Restaurant Cafe Miel 


好多人喺千鳥ヶ淵公園散完步都鍾意去Cafe Miel度享受一下佢哋獨有嘅懷舊氣氛。喺你未踏入呢間餐廳之前,你已經會見到一大堆古董,彷彿話緊俾你知時間暫時停頓了。


當你入到舖頭內,你會發現有好多古老照片,搖搖擺擺嘅木凳,公仔,舊式油燈,同埋優雅嘅杯碟。Cafe Miel嘅午餐套餐提供唔同種類嘅三文治(¥450-¥690)同埋意粉(¥1,280);而晚餐即有牛肉湯(¥980),肉汁爆彭嘅漢堡扒 (¥980) 炒蕎麥麵 (¥800) 同埋薄餅 (¥900)。







View this post on Instagram

A post shared by ひかり🌞 (@pi____cca) on


Cafe Miel 嘅營業時間係星期一至五早上9點到夜晚11點。星期六嘅營業時間係由早上11點到夜晚6點。江戶銀嘅休息日為星期日同公眾假期。

OpenRice JP Editor
Provide the latest food trends and news in Japan.
餐廳資料