橫濱地標 紅磚倉庫午餐推介
2019-03-25

橫濱嘅紅磚倉庫係橫濱嘅必遊之地,原為保稅倉庫,於2002年被改造成橫濱最著名嘅購物區之一,附近仲有橫濱港未來21和合味道紀念館添。以下小編介紹返紅磚倉庫內幾間餐廳,啱哂舒舒服服食餐晏或者hea住食個tea。 

Restaurant横濱たちばな亭 横浜赤レンガ倉庫店

餐廳位於紅磚倉庫一樓美食廣場後面,係橫濱最受歡迎嘅蛋包飯餐廳之一!經典的蛋包飯有軟滑蓬鬆嘅雞蛋配上濃郁嘅濃縮牛肉醬汁,叫定食的話仲有薯仔沙律及飲料。


另一個選擇係豬肉燴飯,唔單止有份量十足兼醃到入哂味嘅豬肉,仲有一隻半熟溫泉蛋、「福神漬」漬物、沙律同飯,夠曬豐富。


Restaurantチャノマ 横浜

想搵個地方慢慢hea,可以去三樓嘅Cafe「チャノマ 横浜」。店內裝潢有經典日式茶室風格之餘,亦帶現代風格。客人可以選擇三種座位:標準檯、卡位及最獨特嘅床式躺椅。客人需要根據座位偏好排隊,等候時間會因座位類型而有所不同。



呢度嘅甜品水準不俗,好似椰子南瓜蛋糕和焦糖雪紡蛋糕等。其中椰子南瓜蛋糕食到南瓜本身嘅甜味之餘,椰奶忌廉亦有清爽嘅椰香。除此之外,芭菲如經典抹茶味、黑糖黃豆粉味都好受歡迎。食甜品點想配杯靚茶的話,呢度有嚴選茶葉嘅茶以供選擇,從伯爵茶到抹茶都有。



RestaurantYOKOHAMA BASHAMICHI ICE

呢間雪榚店最出名係經典牛奶口味及吉士口味,味道清新唔會太甜,另外亦有各種季節性口味以供選擇。







View this post on Instagram

A post shared by まさ!ですー! (@ma.s.a) on

除咗以上介紹嘅幾間餐廳,紅磚倉庫入面仲有唔少美食,想食得豐富啲又有,輕食又有,食飽又可以繼續shopping,喺度hea足成日都冇難度啦~


開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
本月熱門
【夜景都市】喺神戸歎馳名神戸牛及法國菜
7天前
四間喺東京Illuminations 2019 附近嘅浪漫餐廳
2019-11-19
京都聖誕美食推介 2019
2019-11-28
上野--自然、文化與美食之地
7天前